Isaias 54:1-17

  • Adunto ti anak ti lupes a Sion (1-17)

    • Ni Jehova, ti asawa ti Sion (5)

    • Sursuruan ni Jehova ti annak ti Sion (13)

    • Saan nga agballigi dagiti armas maibusor iti Sion (17)

54  “Agpukkawka a siraragsak, sika a lupes a di pay nagpasngay!+ Agragsak ken agpukkawka iti rag-o,+ sika a saan a pulos nagpasikal,+Ta ad-adu ti annak daydiay nabaybay-anNgem ti annak ti babai a naasawaan,”*+ kuna ni Jehova.   “Palawaem ti toldam.+ Unnatem dagiti lupot ti tolda ti naindaklan a tabernakulom. Dimo limlimitaran, kaatiddogem dagiti tali ti toldam,Ken patibkerem dagiti pasok ti toldam.+   Unnatem iti kannawan ken iti kannigid. Ti kaputotam ti mangtagikuanto kadagiti nasion,Ken agnaeddanto kadagiti nalangalang a siudad.+   Dika agbuteng,+ ta saankanto a maibabain;+Ken dimo panunoten a naipababaka, ta dikanto mapaay. Ta malipatamto ti pannakaibabainmo idi agtutuboka,Ken saanmonton a malagip ti pannakaumsim gapu ta baloka.”   “Ta ti Naindaklan a Nangaramid kenka+ ket kas iti asawam,*+Jehova a panguluen dagiti armada ti naganna,Ken Daydiay Nasantuan ti Israel ti Manangsaka kenka.+ Maawaganto iti Dios iti intero a daga.+   Ta inayabannaka ni Jehova a kasla nabaybay-an ken naparigatan* nga asawa,+Kas iti babai a nakiasawa idi agtutubo pay sa napanawan,” kuna ti Diosmo.   “Ta apagbiit a binaybay-anka,Ngem ummongenkanto manen gapu iti dakkel nga asi.+   Gapu iti nakaro a pungtotko, inlingedko kenka iti apagbiit ti rupak,+Ngem kaasiankanto gapu iti agnanayon a napudno nga ayatko,”+ kuna ti Manangsaka kenka,+ ni Jehova.   “Para kaniak, daytoy ket kas idi panawen ni Noe.+ No kasano nga insapatak nga awanton ti danum a manglapunos iti daga a kas idi panawen ni Noe,+Isapatak met a saanakton a makapungtot kenka ken dikanton dusaen.+ 10  Ta mabalin a maikkat dagiti bantayKen magunggon dagiti turod,Ngem saanto a maikkat ti napudno nga ayatko kenka,+Saanto met a magunggon ti tulagko iti kappia,”+ kuna ni Jehova, Daydiay mangngaasi kenka.+ 11  “O babai a naparigat,+ nabagyo, saan a naliwliwa,+Bangonenka babaen ti batbato ken natangken a sementoKen ti pundasionmo babaen kadagiti safiro.+ 12  Pagbalinek dagiti tuktok ti padermo kas rubi,Dagiti ruanganmo kas nasileng a batbato,*Ken ti amin a pagpatinggaan ti teritoriam kas napateg a batbato. 13  Sursuruanto ni Jehova ti amin nga annakmo,+Ket saanto nga agpatingga ti talna dagiti annakmo.+ 14  Maipasdekkanto a sititibker iti kinalinteg.+ Mayadayokanto iti pannakaidadanes,+Awanto ti pagbutngam ken pagamkam,Ta saanto a makaasideg dayta kenka.+ 15  No adda mangdarup kenka,Saanto a siak ti mangibilin. Maabakto ti asinoman a mangdarup kenka.”+ 16  “Pinarsuak ti eksperto a trabahador,A mangpuypuyot iti beggangTapno agaramid iti armas. Pinarsuak met ti tao a mangdadael.+ 17  Saanto nga agballigi ti aniaman nga armas a naaramid maibusor kenka,+Ken ibilangmonto a dakes ti asinoman nga agsao maibusor kenka inton panangukom. Daytoy ti tawid dagiti adipen ni Jehova,Ken naggapu kaniak ti kinalintegda,” kinuna ni Jehova.+

Footnotes

Wenno “nga addaan iti apo.”
Wenno “apom.”
Lit., “nasaktan iti espiritu.”
Wenno “dumardarang a bato.”