Isaias 4:1-6

  • Pito a babbai iti maymaysa a lalaki (1)

  • Nadayagto ti pagtubuen ni Jehova (2-6)

4  Iti dayta nga aldaw, gammatanto ti pito a babbai ti maysa a lalaki+ ket kunada: “Dakaminto laeng ti mangan iti tinapaymiKen mangisuot iti badomi;Maawagankami la ketdi iti naganmoTapno maikkat ti pakaumsianmi.”*+  Iti dayta nga aldaw, nangayed ken nadayagto ti mula a pagtubuen ni Jehova, ket ti maapit iti daga ti pagpannakkel ken pintas dagiti makalasat iti Israel.+  Maawaganto a nasantuan ti asinoman nga agtalinaed iti Sion ken mabati iti Jerusalem, amin a naisurat ti naganda nga agnaed idiay Jerusalem.+  Inton dalusan ni Jehova ti rugit* dagiti annak a babbai ti Sion+ ken ugasanna ti dara a naibukbok iti tengnga ti Jerusalem babaen ti panangukomna ken umap-apuy* a pungtotna,+  mangaramidto met ni Jehova iti ulep ken asuk iti aldaw ken nalawag nga apuy iti rabii iti ngatuen ti Bantay Sion ken iti ngatuen dagiti lugar a pagtataripnongan;+ ta addanto linong ti amin a nadayag.  Addanto kalapaw a paglinongan iti napudot nga aldaw,+ ken pagkamangan ken proteksion iti bagyo ken tudo.+

Footnotes

Kayatna a sawen, ti pannakaibabain gapu iti kinaawan asawa wenno anak.
Lit., “takki.”
Wenno “mangikkat.”