Isaias 15:1-9

  • Mensahe maibusor iti Moab (1-9)

15  Ti mensahe maibusor iti Moab:+ Napagulimek ti Ar+ iti Moab,Ta nadidigra iti maysa a rabii. Napagulimek ti Kir+ iti Moab,Ta nadidigra iti maysa a rabii.   Isu ket simmang-at iti Balay* ken idiay Dibon,+Kadagiti nangato a disso tapno agsangit. Dung-awan ti Moab ti Nebo+ ken Medeba.+ Nakalbo ti amin nga ulo,+ naputdan ti amin a barbas.+   Nagbadoda iti nakersang a lupot kadagiti kalsadana. Agdung-awda amin kadagiti atep ken plasada;Simmalogda nga agsangsangit.+   Nagikkis ti Hesbon ken Eleale;+Nangngeg idiay Jahaz ti timekda.+ Isu nga agpukpukkaw dagiti soldado ti Moab. Agpigpigerger.   Sangsangitan ti pusok ti Moab. Nagkamang idiay Zoar+ ken Eglat-selisiya+ dagiti naglibas a Moabita. Agsangsangitda a sumang-at idiay Luhit;Agsangsangitda nga agpa-Horonaim gapu ta nadidigrada.+   Naatianan ti danum ti Nimrim;Nagango dagiti berde a ruot,Awanen ti ruot ken awanen ti makita a berde.   Gapuna, impanawda amin a nabati iti pagipempenanda ken ti kinabaknangda;Bimmallasiwda iti tanap* dagiti kayo nga alamo.   Ta nagallangogan ti ikkis iti teritoria ti Moab.+ Dimmanon idiay Eglaim ti panagdung-aw;Dimmanon idiay Beer-elim ti panagdung-aw.   Ta napno iti dara dagiti danum ti Dimon,Ken adda pay ipalak-amko iti Dimon: Darupen ti leon dagiti naglibas a taga-MoabKen dagiti nabati iti daga.+

Footnotes

Wenno “Templo.”
Karayan a maaddaan laeng iti danum no panagtutudo.