Isaias 60:1-22

  • Agsilnag ti dayag ni Jehova iti Sion (1-22)

    • Kas kadagiti kalapati iti aponda (8)

    • Balitok imbes a gambang (17)

    • Ti bassit agbalinto a sangaribu (22)

60  “Tumakderka, O babai,+ mangipaayka iti lawag, ta dimtengen ti lawagmo. Nagsilnag kenka ti dayag ni Jehova.+   Ta maabbonganto ti daga iti kinasipngetKen dagiti nasion iti nakaro a kinasipnget;Ngem agsilnagto kenka ni Jehova,Ket makitanto kenka ti dayagna.   Umayto dagiti nasion iti lawagmo+Ken dagiti ari+ iti naraniag a kinadayagmo.*+   Kumitaka iti aglawlawmo! Naguummongda amin; um-umayda kenka. Um-umay ti annakmo a lallaki manipud iti adayo,+Ken ti annakmo a babbai a maub-ubba.+   Iti dayta a tiempo, makitamto ket agraniagka,+Ket agragsakto ti pusom ken mapno iti rag-o,Ta maiyegto kenka ti kinabaknang ti baybay;Ken umay kenka ti sanikua dagiti nasion.+   Mapnonto ti dagam* kadagiti kamelio,Kadagiti urbon a kalakian a kamelio ti Midian ken ti Efa.+ Umayto amin a naggapu idiay Sheba;Mangitugotdanto iti balitok ken olibano. Ipakaammodanto ti pannakaidaydayaw ni Jehova.+   Maummongto kenka ti amin a taraken ti Kedar.+ Agserbinto kenka dagiti kalakian a karnero ti Nebayot.+ Umaydanto iti altarko ket awatek dagita,+Ken papintasekto ti nadayag* a balayko.+   Siasino dagitoy nga agtaytayab a kasla ulep,Kasla kalapati nga agturturong iti aponda?*   Mangnamnamanto kaniak dagiti isla;+Dagiti barko ti Tarsis ti umun-una,*A mangyeg kadagiti annakmo manipud iti adayo,+Agraman ti pirak ken balitokda,Para iti nagan ni Jehova a Diosmo ken Daydiay Nasantuan ti Israel,Ta padayagennakanto.*+ 10  Bangonento dagiti ganggannaet dagiti padermo,Ken agserbinto kenka dagiti arida,+Ta dinusaka gapu iti pungtotko,Ngem kinaasianka gapu iti kinaimbagko.+ 11  Kanayonto a silulukat dagiti ruanganmo;+Saandanto a maiserra iti aldaw ken rabii,Tapno maiyeg kenka ti sanikua dagiti nasion,Ket idauluanto dayta dagiti arida.+ 12  Ta mapukawto ti aniaman a nasion ken pagarian a saan nga agserbi kenka;Ket naan-anayto a madadael dagiti nasion.+ 13  Umayto kenka ti dayag ti Lebanon,+Agraman ti kayo a parwa, presno, ken sipres,+Tapno mapapintas ti ayan ti santuariok;Padayagekto ti pagbatayan dagiti sakak.+ 14  Umayto agruknoy kenka ti annak dagidiay nangparigat kenka;Agparintumengto iti sakam ti amin a saan a mangraraem kenka,Ket awagandakanto iti siudad ni Jehova,Ti Sion ti Nasantuan ti Israel.+ 15  Imbes a mabaybay-an ken magurguraka, nga awan ti lumabas kenka,+Pagbalinenkanto a gubuayan ti agnanayon a panagpannakkel,Panggapuan ti panagrag-o iti amin a henerasion.+ 16  Inumemto ti gatas dagiti nasion,+Agsusokanto iti barukong dagiti ari;+Ket sigurado a maammuamto a siak, ni Jehova, ti Manangisalakan kenka,Ken ti Mannakabalin a Dios ni Jacob ti Manangsaka kenka.+ 17  Imbes a gambang mangyegakto iti balitok,Ken imbes a landok mangyegakto iti pirak,Imbes a kayo, gambang,Ken imbes a bato, landok;Ket dutokakto ti talna kas manangaywanmoKen ti kinalinteg kas manangted iti trabahom.+ 18  Awanton ti madamag a kinaranggas iti dagamWenno pannakadadael ken pannakarba kadagiti pagpatinggaan ti teritoriam.+ Ken awagamto dagiti padermo iti Pannakaisalakan+ ken dagiti ruanganmo iti Dayaw. 19  Para kenka, saanton a ti init ti lawag iti aldaw,Saanto metten a makaited kenka iti lawag ti raniag ti bulan,Ta agbalinto ni Jehova nga agnanayon a lawagmo,+Ken ti Diosmo ti agbalinto a pintasmo.+ 20  Saanton a lumnek ti initmo,Saanto metten a kumudrep ti bulanmo,Ta agbalinto ni Jehova nga agnanayon a lawagmo,+Ken agpatingganton dagiti aldaw a panagladingitmo.+ 21  Nalintegton ti amin a tattaom;Tagikuaendanto ti daga iti agnanayon. Isuda ti saringit nga immulak,Ti aramid dagiti imak,+ tapno mapapintasak.+ 22  Ti bassit agbalinto a sangaribuKen ti nagbassit agbalinto a nabileg a nasion. Siak, ni Jehova, papardasekto dayta iti bukodna a tiempo.”

Footnotes

Wenno “kinaraniag ti parbangonmo.”
Lit., “Mapnokanto.”
Wenno “napintas.”
Wenno “abut ti umokda.”
Wenno “kas iti dati.”
Wenno “papintasennakanto.”