Isaias 32:1-20

  • Agturayto ti ari ken dagiti prinsipe sigun iti pudno a kinahustisia (1-8)

  • Napakdaaran ti di maseknan a babbai (9-14)

  • Dagiti bendision no maibukbok ti espiritu (15-20)

32  Agturayto ti maysa nga ari+ para iti kinalinteg,+Ken agturayto dagiti prinsipe para iti kinahustisia.   Agbalinto ti tunggal maysa kas paglemmengan* no aganginMaysa a pagkamangan* no agbagyo,Kas ayus ti danum iti namaga a daga,+Kas anniniwan ti dakkel a bato iti natikag a daga.   Saanton nga agkidem ti mata dagidiay makakita,Ken dumngegton ti lapayag dagidiay makangngeg.   Ti puso dagiti darasudos utobendanto ti pannakaammo,Ken nasayud ken nalawagton ti panagsao ti dila dagiti beddal.+   Daydiay dakes saanton a maawagan iti naparabur,Ken daydiay awanan prinsipio saanton a maawagan iti natan-ok;   Ta agsaonto iti awan serserbina daydiay maag,Ken agplano ti pusona iti makadangran a bambanag,+Ta kayatna ti agapostasia* ken agsao iti dakes maibusor ken Jehova,Tapno saan a mapakan daydiay mabisin*Ken saan a mapainum daydiay mawaw.   Dakes dagiti plano ti awanan prinsipio a tao;+Iparegtana ti nakababain nga aramidTapno madadael dagidiay naparigatan babaen ti kinaulbod,+Uray no umiso ti ibagbaga daydiay napanglaw.   Ngem ti naparabur agtignay a sipaparabur,Ken itultuloyna ti agbalin a naparabur.*   “Tumakder ken dumngegkayo iti timekko, dakayo a di maseknan a babbai! Denggenyo ti ibagak, dakayo a naliway a babbai!+ 10  Kalpasan unay ti makatawen, agpigergerkayto, dakayo a naliway,Ta awanto ti apit nga ubas uray nalpasen ti panagbuburas.+ 11  Agpigergerkayo, dakayo a di maseknan a babbai! Agdanagkayo, dakayo a naliway! Ikkatenyo dagiti badoyo,Ket agbidangkayo iti nakersang a lupot.+ 12  Danogenyo ti barukongyo gapu iti leddaangGapu iti napasamak kadagiti talon ken nabunga a kaubasan. 13  Ta mapnonto iti siit ken siitan a mula ti daga ti ilik;Mapnonto ti amin a balay a pagraragsakan,Wen, iti siudad a pagraragsakan.+ 14  Ta nabaybay-an ti napaderan a torre;Napanawan ti naariwawa a siudad.+ Permanente a langalang ti Ofel+ ken ti pagwanawanan,A pakaragsakan dagiti atap nga asno,Ken pagpastoran kadagiti taraken,+ 15  Agingga a maibukbok kadatayo ti espiritu manipud ngato,+Ken agbalinton a hardin ti let-ang,Ket ti hardin maibilangto a kabakiran.+ 16  Agnaedto ti hustisia iti let-ang,Ken agyanto ti kinalinteg iti hardin.+ 17  Kappianto ti resulta ti pudno a kinalinteg,+Ket agnanayonto a kinatalna ken kinatalged ti ibunga ti pudno a kinalinteg.+ 18  Agnaedto ti ilik iti natalna a lugar,Kadagiti natalged ken natalna a paginanaan.+ 19  Ngem dadaelento ti uraro ti kabakiran,Ket mapatagto a naan-anay ti siudad. 20  Naragsakkayo a nagmula iti abay dagiti danum,A nangibulos* iti kalakian a baka ken iti asno.”+

Footnotes

Wenno “paglinongan.”
Wenno “paglemmengan.”
Wenno “agtignay nga awan daydayawna.”
Wenno “ti kararua daydiay mabisin.”
Wenno “natan-ok.”
Wenno “nangwarwar.”