Isaias 26:1-21

  • Kanta maipapan iti panagtalek ken pannakaisalakan (1-21)

    • Ni Jah Jehova, ti agnanayon a Dakkel a Bato (4)

    • Tattao iti daga masursuroda ti kinalinteg (9)

    • “Agbiagto dagiti minataymo” (19)

    • Sumrekka kadagiti makin-uneg a kuarto ket aglemmengka (20)

26  Iti dayta nga aldaw, maikantanto+ daytoy iti Juda:+ “Natibker ti siudadtayo.+ Ti panangisalakanna* ti agserbi a pader ken bunton a pangsalaknib.+   Luktanyo dagiti ruangan+ tapno makastrek ti nalinteg a nasion,Nasion nga agtultuloy a matalek.   Protektaramto dagidiay naan-anay nga agpannuray kenka;*Ipaayamto ida iti agtultuloy a talna,+Ta agtaltalekda kenka.+   Agtalekkayo nga agnanayon ken Jehova,+Ta ni Jah* Jehova ti agnanayon a Dakkel a Bato.+   Ta impababana dagiti agnanaed iti nangato, iti nangato a siudad. Ipababana dayta,Ipababana agingga iti daga;Itinnagna iti tapok.   Ipayatpayatto dayta ti saka,Ti saka dagiti naparigatan, ti baddek dagiti nanumo.”   Nalinteg* ti dalan daydiay nalinteg. Gapu ta nalintegka,Simpaem ti pagnaan ti nalinteg.   Mangnamnamakami* kenka, O Jehova,Bayat a sursurotenmi ti dalan ti kinahustisiam. Ipatpategmi unay ti naganmo ken tartarigagayanmi a malaglagip dayta.*   Iti rabii, sapsapulenka,*Wen, birbirokennaka ti espirituk;+Ta no mangukomka iti daga,Masursuro dagiti tattao ti kinalinteg.+ 10  Uray no maipakitaan iti asi ti dakes a tao,Saannanto a masursuro ti kinalinteg.+ Agaramidto latta iti dakes uray iti daga ti kinalinteg,+Ket saannanto a makita ti kinatan-ok ni Jehova.+ 11  O Jehova, nakangato ti imam, ngem saanda a makita.+ Makitadanto ti regtam para iti ilim ket maibabainda. Wen, ibusento ti apuymo dagiti kabusormo. 12  O Jehova, ipaayannakamto iti talna,+Ta sika ti makingapuananIti amin nga inaramidmi. 13  O Jehova a Diosmi, adda dagiti apo a nangituray kadakami,+Ngem ti laeng naganmo ti idaydayawmi.+ 14  Natayda; saandanto nga agbiag. Awan pigsada, saandanto a bumangon.+ Ta sinangom idaTapno dadaelem ida ken ti amin a pakalaglagipanda. 15  Pinadakkelmo ti nasion, O Jehova,Pinadakkelmo ti nasion;Pinadayagmo ti bagim.+ Pinalawam unay ti amin a pagpatinggaan ti daga.+ 16  O Jehova, nagpatulongda kenka bayat ti panagrigatda;Inyarasaasda ti kararagda idi dinisiplinam ida.+ 17  Kas iti masikog a dandanin aganakNga agpasikal ken umkis gapu iti ut-ot,Kastakami maigapu kenka, O Jehova. 18  Nagsikogkami, nagpasikalkami,Ngem arigna nagpasngaykami iti angin. Saanmi a naisalakan ti daga,Ket awan ti naipasngay nga agnaed iti daga. 19  “Agbiagto dagiti minataymo. Bumangonto ti bangkay dagiti tattaok.*+ Agriingkayo ket agpukkawkayo a siraragsak,Dakayo nga agnanaed iti tapok!+ Ta ti linnaawyo ket kas iti linnaaw ti agsapa,*Ket pagbiagento ti daga dagiti natay.* 20  Mapanka, O ilik, sumrekka kadagiti makin-uneg a kuartom,Ket irikepmo dagiti ruanganmo.+ Aglemmengka iti apagbiitAgingga a lumabas ti pungtot.+ 21  Ta rumrummuaren ni Jehova iti lugarnaTapno singirenna ti basol dagiti agnanaed iti daga.Ipakitanto ti daga ti imbukbokna a daraKet saannanton a maabbongan dagiti pinatayna.”

Footnotes

Nalawag a tumukoy iti Dios.
Wenno mabalin a, “dagidiay natibker ti panunotna.”
Ti “Jah” ket napaababa a porma ti nagan a Jehova.
Wenno “Patag.”
Wenno “Mangnamnama ti kararuami.”
Kayatna a sawen, malaglagip ken maipakaammo koma ti Dios ken ti naganna.
Wenno “sapsapulennaka ti kararuak.”
Lit., “bangkay a kukuak.”
Wenno mabalin a, “linnaaw dagiti mula (malba).”
Wenno “ipasngayna dagiti awan gawayna a natay.”