Isaias 40:1-31
40 “Liwliwaenyo, liwliwaenyo ti ilik,” kuna ti Diosyo.+
2 “Agsaokayo iti puso ti* Jerusalem,Ket ibagayo a nalpasen ti inkapilitan a panagtrabahona,A naikaronan ti basolna.+
Inawatnan ken Jehova ti naan-anay a dusana* gapu iti amin a basolna.”+
3 Adda mangipukpukkaw idiay let-ang:
“Dalusanyo* ti dalan ni Jehova!+
Mangaramidkayo iti nalinteg a kalsada+ iti desierto para iti Diostayo.+
4 Mapangato koma ti tunggal tanap,Ken mapababa ti tunggal bantay ken turod.
Masapul a mapatag ti tibbatibbakol a daga,Ken agbalin a patag ti likkalikkaong a daga.+
5 Maipalgakto ti dayag ni Jehova,+Ket makitanto dayta ti amin a lasag,*+Ta imbaga a mismo dayta ni Jehova.”
6 Dumngegkayo! Adda nangibaga: “Agpukkawkayo!”
Adda met nangisaludsod: “Ania ti ipukkawko?”
“Amin a lasag* ket kas iti berde a ruot.
Amin a napudno nga ayatda ket kas iti sabong iti tanap.+
7 Magango ti berde a ruot,Malaylay ti sabong,+Ta puyotan dayta ti anges* ni Jehova.+
Wen, ti tao ket kas iti berde a ruot.
8 Magango ti berde a ruot,Malaylay ti sabong,Ngem agtalinaed iti agnanayon ti sao ti Diostayo.”+
9 Sumang-atka iti nangato a bantay,Sika a babai a mangipakpakaammo iti naimbag a damag iti Sion.+
Ipigsam ti timekmo,Sika a babai a mangipakpakaammo iti naimbag a damag iti Jerusalem.
Pigsaam, dika agbuteng.
Ipakaammom kadagiti siudad ti Juda: “Adtoy ti Diosyo.”+
10 Umay ti Kangatuan* nga Apo Jehova nga addaan pannakabalin,Ket agturayto ti takiagna.+
Adtoy! Awitna ti itedna a gunggona,Ken adda iti sanguananna ti ipaayna a tangdan.+
11 Aywanannanto* ti arbanna kas maysa a pastor.+
Ummongennanto dagiti karnero babaen ti takiagna,Ket sakruyennanto ida.
Siaannad nga idalannanto dagidiay agpaspasuso.+
12 Asino ti nangsukat iti danum babaen ti dakulapna,+Ken nangrukod iti langit babaen ti maysa a danganna?*
Asino ti nangikabil iti tapok ti daga iti pagsukatan,+Wenno nangtimbang kadagiti bantayKen turod babaen ti timbangan?
13 Asino ti nangrukod* iti espiritu ni Jehova,Ken asino ti mangisuro ken mangbalakad kenkuana?+
14 Asino ti nagkonsultaanna tapno maaddaan iti pannakaawat,Wenno asino ti mangisuro kenkuana iti dalan ti kinahustisia,Wenno mangisuro kenkuana iti pannakaammo,Wenno mangipakita kenkuana iti dalan ti pudno a pannakaawat?+
15 Dagiti nasion ket kasla tedted iti timba,Ken naibilangda kas naingpis a tapok iti timbangan.+
Ipangatona dagiti isla kas iti napino a tapok.
16 Saan nga umanay uray ti Lebanon a mamagtalinaed iti apuy,*Ken saan nga umanay dagiti atap nga animalna kas daton a mapuoran.
17 Amin a nasion ket kasla awan iti sanguananna;+Ibilangna ida a kasla awan, saan nga agpaypayso.+
18 Asino ti pangikomparaanyo iti Dios?+
Ania ti pangyaspinganyo kenkuana?+
19 Mangaramid iti idolo* ti eksperto a trabahador,Balitok ti ikalupkop ti latero,+Ken mangaramid kadagiti pirak a kawar.
20 Mangpili iti kayo nga itedna,+Kayo a saan nga agrunot.
Mangbirok iti eksperto a trabahadorA mangisagana iti kinitikitan nga imahen a saan a matumba.+
21 Diyo kadi ammo?
Diyo kadi nangngeg?
Saan kadi a naibaga kadakayo sipud idi un-unana?
Diyo kadi naawatan sipud idi naisaad dagiti pundasion ti daga?+
22 Adda Maysa nga agnanaed iti ngatuen ti nagtimbukel* a daga,+Ket mayarig kadagiti dudon dagiti agnanaed iti dayta.
Uk-ukradenna ti langit kas iti naingpis a lupotKen iyukradna dayta kas iti tolda a pagnaedan.+
23 Ikkatenna dagiti nangato nga opisialKen pagbalinenna nga awan serserbi dagiti ukom* ti daga.
24 Saanda a pulos naimula,Saanda a pulos naitukit,Saan a pulos nagramut iti daga ti puonda,Ket nayangin ken nagangoda,Naitayabda a kasla garami.+
25 “Asino ti pangyaspingan ken pangipadaanyo kaniak?” kuna Daydiay Nasantuan.
26 “Kumitakayo iti langit.
Asino ti nangparsua kadagitoy a banag?+
Isu Daydiay mangidadaulo kadakuada kas armada sigun iti bilangda;Awaganna amin ida iti naganda.+
Gapu iti napalalo a kinabileg* ken nakaskasdaaw a pannakabalinna,+Awan uray maysa kadakuada ti mapukpukaw.
27 Apay nga ibagam, O Jacob, ken apay nga ideklaram, O Israel,‘Nailemmeng ti dalanko ken Jehova,Ken awan ti hustisia nga inawatko iti Dios’?+
28 Saanmo kadi a naammuan? Saanmo kadi a nangngeg?
Ni Jehova, a Namarsua kadagiti ungto ti daga, ket agnanayon a Dios.+
Saan a mabannog wenno kumapuy.+
Saan a matukod* ti pannakaawatna.+
29 Mangted iti pannakabalin iti daydiay nabannogKen naan-anay a bileg kadagidiay awanan iti pigsa.*+
30 Mabannog ken kumapuyto dagiti ubbing a lallaki,Maitibkol ken matumbanto dagiti agtutubo a lallaki,
31 Ngem pumigsanto dagidiay mangnamnama ken Jehova.
Agtayabdanto a kas kadagiti agila.+
Agtaraydanto ngem saanda a kumapuy;Magnadanto ngem saanda a mabannog.”+
Footnotes
^ Wenno “Agsaokayo iti makaliwliwa iti.”
^ Wenno “doble a dusana.”
^ Wenno “Isaganayo.”
^ Wenno “amin a tattao.”
^ Wenno “Amin a tattao.”
^ Wenno “espiritu.”
^ Wenno “Soberano.”
^ Wenno “Ipastorannanto.”
^ Wenno mabalin a, “makatarus.”
^ Wenno “Saan a makaipaay ti Lebanon iti umdas a pagsungrod.”
^ Wenno “sinukog nga estatua.”
^ Wenno “sirkulo.”
^ Wenno “agtuturay.”
^ Wenno “dinamiko nga enerhia.”
^ Wenno “Saan a matarusan.”
^ Wenno “dinamiko nga enerhia.”
