Isaias 2:1-22
2 Daytoy ti nakita ni Isaias nga anak ni Amoz maipapan iti Juda ken Jerusalem:+
2 Iti maudi a paset dagiti aldaw,*Sititibkerto a maipasdekTi bantay ti balay ni Jehova iti ngatuen dagiti bantay,+Ket nangatngatonto ngem kadagiti turod,Ken agturongto iti dayta ti amin a nasion.+
3 Mapanto sadiay ti adu a tattao ket ibagada:“Umaykayo, sumang-attayo iti bantay ni Jehova,Iti balay ti Dios ni Jacob.+
Isuronatayto maipapan kadagiti dalanna,Ket magnatayto kadagiti danana.”+
Ta rummuarto ti linteg* manipud Sion,Ken ti sao ni Jehova manipud Jerusalem.+
4 Agtignayto ti Dios kas ukom kadagiti nasionKet solbarenna dagiti problema* ti adu nga ili.
Pitpitendanto ti espadada a pagbalinen a subsob ti aradoKen dagiti pikada a pagbalinen a kumpay.+
Saanto a mangilayat ti nasion iti espada maibusor iti sabali a nasion,Ken saandanto metten a sursuruen ti makigubat.+
5 Umaykayo, O sangakabbalayan ni Jacob,Magnatayo iti lawag ni Jehova.+
6 Ta binaybay-am ti ilim, ti sangakabbalayan ni Jacob,+Ta napnoda iti bambanag manipud iti Daya;Agsalsalamangkada+ a kas kadagiti Filisteo,Ket aduanda iti annak dagiti ganggannaet.
7 Napno ti dagada iti pirak ken balitok,Ket nakaad-adu ti gamengda.
Napno ti dagada iti kabalio,Ket nakaad-adu ti karuaheda.+
8 Napno ti dagada iti awan serserbina a dios.+
Agruknoyda iti aramid ti imada,Iti inaramid ti ramayda.
9 Isu nga ipababa ti tao ti bagina ken maibabainto,Ket saanmo a mapakawan ida.
10 Sumrekkayo iti dakkel a bato ket aglemmengkayo iti tapok
Gapu iti panagbuteng ken JehovaKen iti nadayag a kinangayedna.+
11 Maipababanto dagiti natangsit,Ken agdumogto* dagiti napannakkel a tao.
Ni Jehova laeng ti maitan-ok iti dayta nga aldaw.
12 Ta dayta ti aldaw ni Jehova a panguluen dagiti armada.+
Dumteng dayta iti asinoman a natangsit ken napangato,Iti asinoman, natan-ok wenno nanumo,+
13 Iti amin a sedro ti Lebanon a nangato ken natan-okKen iti amin a kayo a roble ti Basan,
14 Iti amin a nangato a bantayKen iti amin a nangato a turod,
15 Iti tunggal nangato a torre ken nalagda a pader,
16 Iti amin a barko ti Tarsis+Ken iti amin a napintas a bangka.
17 Maibabanto ti natangsit a tao,Ket maipababanto* dagiti napannakkel a tao.
Ni Jehova laeng ti maitan-ok iti dayta nga aldaw.
18 Naan-anayto nga agpukaw dagiti awan serserbina a dios.+
19 Sumrekto dagiti tattao kadagiti rukib ti dadakkel a batoKen kadagiti abut ti daga,+Gapu iti nakaam-amak a kaadda ni JehovaKen iti nadayag a kinangayedna,+Inton tumakder tapno pagpigergerenna ti daga.
20 Iti dayta nga aldaw, alaento ti tattao dagiti awan serserbina a diosda a pirak ken balitokNga inaramidda a pagdayawandaKet ipalladawda dagita iti ayan dagiti bao* ken panniki,+
21 Tapno sumrekda kadagiti abut ti dadakkel a batoKen iti nagbabaetan dagiti nangato a bato,Gapu iti nakaam-amak a kaadda ni JehovaKen iti nadayag a kinangayedna,Inton tumakder tapno pagpigergerenna ti daga.
22 Para iti pagimbaganyo, dikayon agtalek iti tao,Nga anges laeng ti adda iti agongna.*
Ania koma ti magunggonayo kenkuana?
