Isaias 50:1-11

  • Mangyeg kadagiti problema ti basol ti Israel (1-3)

  • Ti natulnog nga adipen ni Jehova (4-11)

    • Dila ken lapayag dagiti nasursuruan (4)

50  Daytoy ti kinuna ni Jehova: “Ayanna ti kasuratan ti diborsio+ ti inayo, a pinapanawko? Wenno asino kadagiti nakautangak ti nangilakuak kadakayo? Nailakokayo gapu kadagiti biddutyo,+Ken napapanaw ti inayo gapu kadagiti basolyo.+   Apay ngarud nga awan ti adda ditoy idi immayak? Apay nga awan ti simmungbat idi immawagak?+ Ababa kadi unay ti imak a mangsubbot,Wenno awan kadi ti pannakabalinko a mangisalakan?+ Agmaga ti baybay no ibilinko;+Mapagbalinko a desierto dagiti karayan.+ Malungsot dagiti ikan gapu iti kaawan ti danum,Ket matayda gapu iti waw.   Kinawesak ti langit iti kinalidem,+Ken inabbongak dayta iti nakersang a lupot.”   Inikkannak ti Kangatuan* nga Apo Jehova iti dila a nasursuruan,*+Tapno ammok no ania ti umiso a sao*+ nga isungbatko iti* nabannog. Binigat a ririingennak;Ririingenna ti lapayagko a dumngeg a kas kadagiti nasursuruan.+   Linuktan ti Kangatuan nga Apo Jehova ti lapayagko,Saanak a rebelioso.+ Saanak a napan iti sabali a direksion.+   Intayak ti bukotko kadagiti mangkabkabil kaniakKen dagiti pingpingko kadagidiay mangparparut iti barbasko. Diak inlinged ti rupak iti nakababain a bambanag ken iti tupra.+   Ngem tulongannakto ti Kangatuan nga Apo Jehova.+ Isu a saanakto a makarikna iti pannakaibabain. Isu a pinatangkenko ti rupak a kas iti bato,*+Ket ammok a saanakto a maibabain.   Asideg Daydiay mangidekdeklara a nalintegak. Asino ti mangakusar* kaniak?+ Agtakderkami a dua.* Asino ti mangidarum kaniak? Umasideg koma kaniak.   Tulongannakto ti Kangatuan nga Apo Jehova. Asino ti mangibaga a nakabasolak? Dumaandanto amin a kasla iti bado. Ibusento ida ti insekto. 10  Asino kadakayo ti agbuteng ken Jehova,Ken dumngeg iti timek ti adipenna?+ Asino ti nagna iti nakaro a kinasipnget, nga awan ti lawag? Agtalek koma iti nagan ni Jehova ket agsadag* iti Diosna. 11  “Dakayo amin a mangpaspasged iti apuy,A mangpataud kadagiti rissik,Magnakayo iti lawag ti apuyyo,Iti tengnga dagiti rissik a rinubrobanyo. Daytoyto ti lak-amenyo iti imak: Agiddakayto gapu iti nakaro nga ut-ot.

Footnotes

Wenno “Soberano.”
Wenno “dila a nasanay a naimbag.”
Lit., “maysa a sao.”
Wenno mabalin a, “no kasano a pabilgen ti.”
Wenno “pamulinawen.”
Wenno “makisupiat.”
Wenno “Agsinnangokami.”
Wenno “agpannuray.”