Isaias 1:1-31

  • Ti ama ken ti rebelde nga annakna (1-9)

  • Kagura ni Jehova ti panagdayaw a pormalidad laeng (10-17)

  • “Aglilinnawagtayo” (18-20)

  • Maisublinto ti Sion kas matalek a siudad (21-31)

1  Daytoy ti sirmata a nakita ni Isaias*+ nga anak ni Amoz maipapan iti Juda ken Jerusalem idi kaaldawan da Uzias,+ Jotam,+ Ahaz,+ ken Ezekias,+ nga ar-ari ti Juda:+   Dumngegka, O langit, mangipangagka, O daga,+Ta kinuna ni Jehova: “Nangpadakkelak kadagiti annak,+Ngem nagrebeldeda kaniak.+   Ammo ti baka ti nanggatang kenkuana,Ken ammo ti asno ti kulluong nga inaramid ti makintaraken kenkuana;Ngem saannak nga am-ammo ti Israel,*+Saan a nagtignay a sisisirib ti ilik.”   Kaasi pay ti managbasol a nasion,+Ti ili a nakadagdagsen ti basolna,Puli ti dakes a tattao, annak a managdakdakes! Pinanawanda ni Jehova;+Saanda a rinaem Daydiay Nasantuan ti Israel;Timmallikudda kenkuana.   Ania pay ti sumaruno a pakadangranyo gapu iti panagrebeldeyo?+ Nasakit ti intero nga uloyo,Ken nakapuy ti intero a pusoyo.+   Manipud dapan agingga iti uloyo, awan ti nasalun-at. Napno iti sugat, dunor, ken gaddil—Saan a naagasan* wenno nabedbedan wenno nasapsapuan iti lana.+   Napanawan ti dagayo. Nauram dagiti siudadyo. Ib-ibusen dagiti ganggannaet ti produkto ti dagayo iti sanguananyo.+ Kas iti langalang a disso a dinadael dagiti ganggannaet.+   Napanawan ti anak a babai ti Sion a kas iti paglinongan* iti kaubasan,Kas iti kalapaw iti talon dagiti pipino,Kas iti siudad a napalawlawan.+   No saan a nangibati kadatayo ni Jehova a panguluen dagiti armada iti sumagmamano a nakalasat,Nagbalintayon a kas iti Sodoma,Ken kaslatayon iti Gomorra.+ 10  Denggenyo ti sao ni Jehova, dakayo a diktador* ti Sodoma.+ Ipangagyo ti linteg* ti Diostayo, dakayo nga umili ti Gomorra.+ 11  “Ania ti pagimbaganna kaniak ti adu a datonyo?”+ kuna ni Jehova. “Naumaakon kadagiti datonyo a mapuoran a kalakian a karnero+ ken iti taba dagiti nataraken nga animal,+Saanakon a maragsakan iti dara+ dagiti urbon a kalakian a baka,+ karnero, ken kalding.+ 12  No umaykayo iti sanguanak,+Asino ti nangibaga kadakayoNga agpagnapagnakayo iti paraangak?+ 13  Isardengyon ti mangyeg iti awan serserbina a daton a bukbukel. Karimonko ti insiensoyo.+ Selselebraranyo ti baro a bulan+ ken sabbath,+ ken agtataripnongkayo+—Ngem diak maanusan ti nasantuan a panagtataripnongyo ta lalaokanyo iti panagsalamangka.+ 14  Kagurak ti panangselebraryo kadagiti baro a bulan ken piesta. Makapadagsen dagita kaniak;Naumaakon a mangaw-awit kadagita. 15  No iyukradyo dagiti dakulapyo,Saankayo a kitaen.+ Uray no mamin-adu nga agkararagkayo,+Saanak a dumngeg;+Napno dagiti imayo iti dara.+ 16  Bugguanyo ti bagiyo, dalusanyo ti bagiyo;+Ikkatenyo dagiti dakes nga aramidyo iti sanguanak;Isardengyo ti agaramid iti dakes.+ 17  Sursuruenyo ti agaramid iti naimbag, ipakatyo ti hustisia,+Ilintegyo ti manangirurumen,Idepensayo ti kalintegan ti awanan ama nga ubing,*Ken agpakaasikayo para iti balo a babai.”+ 18  “Umaykayo ket aglilinnawagtayo,” kuna ni Jehova.+ “Uray no nakalablabbaga dagiti basolyo,Mapapurawdanto a kas iti niebe;+Uray no dagita ket kas kalabaga ti tela a krimson,Mapapurawdanto a kas iti delana. 19  No situtulokkayo a dumngeg,Kanenyonto dagiti naimbag nga apit iti daga.+ 20  Ngem no saanyo a kayat ket agrebeldekayo,Maibuskayto iti espada,+Ta ni Jehova ti nangibaga iti daytoy.” 21  Anian ta nagbalin a balangkantis+ ti matalek a siudad!+ Ipakpakatna idi ti hustisia;+Adda idi kenkuana ti kinalinteg,+Ngem ita, manangpapatayen.+ 22  Nagbalin a narugit ti pirakmo,+Nalaokan iti danum ti serbesam.* 23  Natangken ti ulo dagiti prinsipem ken kaduada dagiti mannanakaw.+ Kaay-ayoda ti pasuksok ken magustuanda ti sagut.+ Ipapaidamda ti hustisia kadagiti awanan iti amma,*Ken saanda nga as-asikasuen ti darum ti balo a babbai.+ 24  Gapuna, kinuna ti pudno nga Apo, ni Jehova a panguluen dagiti armada,Daydiay Mannakabalin ti Israel: “Ikkatekto dagiti kalabanko,Agibalesakto kadagiti kabusorko.+ 25  Dusaenkayto,Naan-anayto a runawek ti rugityo,Ikkatekto ti amin a rugityo.+ 26  Isublikto dagiti ukomyo kas idi damoKen dagiti mamalbalakadyo kas idi rugrugi.+ Kalpasanna, maawagankayto iti Siudad ti Kinalinteg, Matalek nga Ili.+ 27  Masubbotto ti Sion babaen ti hustisia,+Ken dagiti umilina nga agsubli, babaen ti kinalinteg. 28  Agpadanto a madadael dagiti rebelde ken managbasol,+Ken mapapatayto dagidiay mangpanaw ken Jehova.+ 29  Mabainto dagidiay agtarigagay kadagiti nabileg a kayo a tinarigagayanyo,+Ken mabainkayto gapu kadagiti hardin* a piniliyo.+ 30  Ta agbalinkayto a kas iti dakkel a kayo a malaylaylay dagiti bulongna,+Ken kas iti hardin nga awan danumna. 31  Agbalinto ti napigsa a lalaki a kas iti pagguyod,*Ken ti trabahona kas iti rissik;Agpadadanto a mauram,Ket awanto ti makaiddep iti dayta.”

Footnotes

Kaipapananna, “Panangisalakan ni Jehova.”
Wenno “saan nga am-ammo ti Israel ti apona.”
Lit., “napespes.”
Wenno “abong-abong.”
Wenno “nga agtuturay.”
Wenno “instruksion.”
Wenno “ulila.”
Wenno “serbesam a trigo.”
Wenno “ulila.”
Nalabit dagiti kayo ken hardin a mainaig iti panagdayaw iti idolo.
Linabag ti tali a nalaka a mauram.