Isaias 16:1-14

  • Tuloy ti mensahe maibusor iti Moab (1-14)

16  Mangipatulodkayo iti karnero iti agturay iti daga,Manipud Sela a lumasat iti let-angNga agturong iti bantay ti anak a babai ti Sion.   Kas billit a napapanaw iti umokna,+Kastanto ti pagbalinan dagiti umili ti Moab kadagiti pagballasiwan ti Arnon.+   “Mangbalakadkayo, itungpalyo ti desision. Pagbalinenyo ti anniniwanyo iti tengnga ti aldaw a kas kasipnget ti rabii. Ilemmengyo dagiti naiwarawara ken dikay traidoren dagiti naglibas.   Agtaeng koma kenka dagiti naiwarawara a kukuak, O Moab. Agbalinka a paglemmenganda gapu iti manangdadael.+ Agpatingganto ti manangirurumen,Agpatingganto ti pannakadadael,Ket maibusto iti daga dagiti mangipayatpayat iti sabsabali.   Tumibkerto ti maysa a trono gapu iti napudno nga ayat. Matalekto daydiay agtugaw iti tolda ni David;+Patasto ti panangukomna ken alisto a mangipakat iti kinalinteg.”+   Nadamagmi ti kinapangas ti Moab—nakapangpangas+Ti kinatangsit, kinapangas, ken kinarungsotna;+Ngem awanto ti serserbi ti panagpangasna.   Isu a dung-awanto ti Moab ti pannakadidigrana;Dung-awandanto amin.+ Dagidiay nakabkabil sangitandanto ti bibingka a pasas ti Kir-hareset.+   Ta nagtikag dagiti bakras ti Hesbon.+Ti puon ti ubas ti Sibma,+Dagiti sangana a napno iti naluom nga ubas* ket pinayatpayatan ti agtuturay kadagiti nasion;Dimmanon dagita idiay Jazer;+Nagsaknapda iti let-ang. Nagwaras dagiti saringitna agingga iti baybay.   Isu a sangitakto ti puon ti ubas ti Sibma kas iti panangsangitko iti Jazer. Basaenkanto iti luluak, O Hesbon ken Eleale,+Ta nagpatinggan ti panagpukkaw gapu iti bunga ti kalgawmo ken iti panagapitmo.* 10  Naawan ti panagragsak iti hardin,Ken awan dagiti kanta ti panagragsak wenno panagpukkaw kadagiti kaubasan.+ Awanen dagiti ubas a maipayatpayat iti pagpespesan.Ta pinasardengko ti panagpukkaw.+ 11  Isu a nagpigerger ti unegko gapu iti Moab,+Kas iti kuerdas ti arpa,Ken ti kaunggak gapu iti Kir-hareset.+ 12  Uray no agbannog ti Moab a mapan iti nangato a disso ken agkararag iti santuariona, awanto ti maaramidanna.+ 13  Daytoy ti impakpakauna ni Jehova maipapan iti Moab. 14  Kinuna ni Jehova: “Maibabainto ti dayag ti Moab ken mariribukan unay iti uneg ti tallo a tawen, kas iti tawtawen ti matangtangdanan a trabahador,* ket manmanonto laeng ti mabati ken nakapsutda.”+

Footnotes

Wenno “nalabaga nga ubas.”
Wenno mabalin a, “Ta napasamak ti pukkaw ti gubat iti bunga ti kalgawmo ken iti panagapitmo.”
Wenno “siaannad a nabilang kas iti panagbilang ti matangtangdanan a trabahador”; kayatna a sawen, eksakto a tallo a tawen.