Isaias 57:1-21
57 Natay daydiay nalinteg,Ngem awan ti nangipapuso iti dayta.
Naipanaw* dagiti napudno a lallaki,+Ngem awan ti nakadlaw a naipanaw ti nalintegGapu* iti kalamidad.
2 Natalnan.
Amin a magmagna iti kinalinteg ket agin-inanan iti iddada.*
3 “Ngem dakayo, umasidegkayo,Dakayo nga annak ti mangkukulam a babai,Dakayo nga annak ti mannakikamalala ken balangkantis:
4 Asino ti pagkakatawaanyo?
Asino ti loklokuen ken dildilatanyo?
Saan kadi nga annaknakayo ti managbasol,Annak ti manangallilaw,+
5 Dagidiay napigsa ti seksual a tarigagayda iti nagbabaetan ti dadakkel a kayo,+Iti sirok ti narukbos a kayo,+A nangpatay kadagiti annakda kadagiti tanap,*+Iti nagbabaetan ti dadakkel a bato?
6 Dagiti nalamuyot a bato iti tanap* ti bingaymo.+
Wen, dagita ti bingaymo.
Uray kadagita, nangibukbokka iti daton nga inumen ken nangipaayka kadagiti sagut.+
Rumbeng kadi a mapnekak* kadagitoy a banag?
7 Insaganam ti iddam iti tuktok ti nangato a bantay,+Ken immulika sadiay tapno agidaton.+
8 Nangikabilka iti pakalaglagipam iti likud ken iti hamba ti ridaw.
Pinanawannak ket naglabuska;Immulika ken pinalawam ti iddam.
Ken nakitulagka kadakuada.
Kinaykayatmo ti nakikaidda kadakuada,+Ken kinitam ti mabagbagi ti lalaki.*
9 Napanka ken Melek* a nangitugotka iti lanaKen adu a bangbanglo.
Imbaonmo iti adayo dagiti mensaherom,Iti kasta, bimmabaka iti Tanem.*
10 Nagbannogka a mangsurot iti adu a dalanmo,Ngem dimo imbaga, ‘Awanen ti namnama!’
Pimmigsaka pay ketdi.
Isu a saanka a simmuko.*
11 Asino ti kaamak ken kabutengmoIsu a nagulbodka?+
Saannak a linagip.+
Awan ti impapusom.+
Saan kadi a nagulimekak ken pinalabasko dagiti aramidmo?*+
Isu a saanka a nagbuteng kaniak.
12 Ipakaammokto ti ‘kinalintegmo’+ ken dagiti aramidmo.+Ket saankanto a magunggonaan kadagita.+
13 Inton agpatulongka,Saannakanto a maisalakan ti adu nga idolom.+
Itayabto amin dagita ti angin,Anges laeng ti mangitayab kadagita,Ngem ti agkamang kaniak tawidennanto ti dagaKen tagikuaenna ti nasantuan a bantayko.+
14 Maibaganto, ‘Agaramidkayo, agaramidkayo iti kalsada! Isaganayo ti dalan!+
Ikkatenyo ti aniaman a bangen iti dalan ti ilik.’”
15 Ta daytoy ti kinuna ti Kangatuan,Nga agbibiag* iti agnanayon+ ken nasantuan ti naganna:+
“Agnanaedak iti nangato ken nasantuan a lugar,+Ngem kaduak met dagiti marigrigatan ken nanumo,Tapno mapabileg ti espiritu dagiti nanumoKen mapapigsa ti puso dagiti marigrigatan.+
16 Ta saanko a busoren ida iti agnanayonKen saanak nga agtalinaed a sipupungtot;+Ta kumapuy ti espiritu ti tao gapu kaniak,+Uray dagiti agang-anges a parsua nga inaramidko.
17 Nakapungtotak iti dakes nga aramidna, ti kinaagumna iti material a gunggona,+Isu a dinusak, inlingedko ti rupak, ken nakapungtotak.
Ngem intultuloyna ti nagrebelde,+ ket sinurotna ti kayat ti pusona.
18 Nakitak dagiti ar-aramidenna,Ngem paimbagen+ ken iturongkonto+Ken liwliwaekto+ manen* agraman dagiti agladladingit nga umilina.”+
19 “Mangpataudak iti bunga ti bibig.
Maipaayanto iti agtultuloy a talna daydiay adda iti adayo ken iti asideg,”+ kuna ni Jehova,“Ken paimbagekto.”
20 “Ngem dagiti dakes ket kas iti baybay a saan a makatalna,A mangyallo-allon kadagiti ruot ti baybay ken pitak.
21 Awan ti talna kadagiti dakes,” kuna ti Diosko.+
Footnotes
^ Kayatna a sawen, natay.
^ Wenno mabalin a, “Manipud.”
^ Kayatna a sawen, iti tanem.
^ Karayan a maaddaan laeng iti danum no panagtutudo.
^ Karayan a maaddaan laeng iti danum no panagtutudo.
^ Wenno “Liwliwaek kadi ti bagik.”
^ Mabalin a tumukoy iti panagdayaw iti idolo.
^ Wenno mabalin nga, “iti ari.”
^ Lit., “nabannog.”
^ Wenno “ken inlimedko ti bambanag?”
^ Wenno “agnanaed.”
^ Wenno “supapakakto iti liwliwa.”
