Isaias 27:1-13

  • Pinatay ni Jehova ti Leviatan (1)

  • Kanta maipapan iti Israel kas maysa a kaubasan (2-13)

27  Iti dayta nga aldaw, usarento ni Jehova ti natadem ken nakabutbuteng nga espadana,+Ket kabilenna ti Leviatan,* ti aguy-uyas nga uleg,Ti Leviatan, ti nakakunikon nga uleg.Papatayennanto ti dakkel nga uleg nga agnanaed iti baybay.   Iti dayta nga aldaw, ikantayo kenkuana:* “Adda kaubasan a pagtataudan ti arak!+   Siak, ni Jehova, ti mangsalsalaknib kenkuana.+ Kanayon a sibsibugak.+ Aldaw ken rabii a salsalaknibak,Tapno awan ti mangdangran kenkuana.+   Saanakon a makapungtot kenkuana.+ Asino ti makilaban kaniak babaen ti siitan a mula ken ruot? Ipayatpayat ken puorakto ida a mamimpinsan.   No kasta, agkamang koma kaniak. Makikappia koma kaniak,Wen, makikappia koma kaniak.”   Kadagiti umay nga aldaw, agramutto ti Jacob,Agsabong ken agbuselto ti Israel,+Ket punnuendanto ti daga iti bunga.+   Masapul kadi nga isu ket makabil iti nakaro? Wenno mapapatay iti kasta a pamay-an?   Makisupiatkanto kenkuana babaen ti nakabutbuteng nga ikkis. Papanawemto babaen ti napigsa nga angin iti daya.+   Kastoyto ti pannakaabbong ti biddut ti Jacob,+Ken ti pagbanaganna inton maikkat ti basolna: Pagbalinento ti Dios ti amin a bato ti altarA kas iti narumek a batbato a tisa,Ket awanto ti mabati a sagrado a poste* wenno altar ti insienso.+ 10  Ta mapanawanto ti napaderan a siudad;Mabaybay-anto dagiti pagpaaraban a kas iti let-ang.+ Agarab ken agsadagto sadiay ti urbon a bakaKet ibusennanto dagiti sangana.+ 11  Inton nagangon dagiti saringitna,Umayto sip-aken dagiti babbai,Ket pagsungrodda dagita. Ta awanan pannakaawat daytoy nga ili.+ Isu a saanto ida a kaasian ti Nangaramid kadakuada,Ken saanto a maay-ayo ti Nangporma kadakuada.+ 12  Iti dayta nga aldaw, agburasto ni Jehova iti bunga manipud iti agay-ayus a Karayan* agingga iti Karayan ti Egipto,+ ket mapidutkayto a saggaysa, dakayo nga umili ti Israel.+ 13  Iti dayta nga aldaw, mapuyotanto ti dakkel a tangguyob,+ ket mapanto agruknoy ken Jehova idiay nasantuan a bantay iti Jerusalem+ dagidiay dandanin matay idiay Asiria+ ken dagidiay naiwarawara idiay Egipto.+

Footnotes

Kitaem ti Glosario.
Nalabit tumukoy iti Israel, a nailadawan kas babai ken nayarig iti kaubasan.
Kitaem ti Glosario.
Kayatna a sawen, ti Eufrates.