Isaias 23:1-18

  • Mensahe maibusor iti Tiro (1-18)

23  Ti mensahe maibusor iti Tiro:+ Agdung-awkayo, dakayo a barko ti Tarsis!+ Ta nadadaelen ti sangladan; saanen a maserrek. Naipakaammo dayta kadakuada manipud Kitim.+   Agulimekkayo, dakayo nga agnanaed iti igid ti baybay. Pinabaknangdakayo dagiti komersiante a taga-Sidon+ nga aglaylayag iti baybay.   Nailayag iti rabaw ti danum ti bukel* ti Sihor,*+Ti apit ti Nilo, ti napastrekna,Ket naisangpet ti ganansia dagiti nasion.+   Agbainka, O Sidon, sika a pagkamangan iti baybay,Ta kinuna ti baybay: “Saanak pay a nagpasikal ken nagpasngay,Saanak a naaddaan iti agtutubo a lallaki, wenno nangpadakkel iti agtutubo a babbai.”*+   Maladingitanto ti tattao iti damag maipapan iti Tiro,+Kas idi nadamagda ti maipapan iti Egipto.+   Bumallasiwkayo idiay Tarsis! Agdung-awkayo, dakayo nga agnanaed iti igid ti baybay!   Daytoy kadi ti siudadyo a nabayagen a nakaragragsak, sipud idi immuna a tiempo? Makadandanon ken agnanaed idi kadagiti adayo a daga.   Asino ti nangikeddeng iti pagbanagan ti Tiro,Ti mangmangted kadagiti korona,A dagiti komersiantena ket prinsipe,Ken mararaem dagiti negosiantena iti intero a daga?+   Inkeddeng daytoy ni Jehova a panguluen dagiti armada,Tapno maikkat ti kinapangasna gapu iti pintasna,Ken maibabain ti amin a mararaem iti intero a daga.+ 10  O anak a babai ti Tarsis, ballasiwem ti dagam a kas iti Karayan Nilo. Awanen ti pagaramidan iti barko.*+ 11  Inyunnat ni Jehova ti imana iti baybay;Ginunggonna dagiti pagarian. Imbilinna a madadael dagiti pagkamangan iti Fenicia.+ 12  Kinunana: “Saankanton a naragsak,+Sika a nairurumen, birhen nga anak ti Sidon. Tumakderka, bumallasiwka idiay Kitim.+ Uray sadiay saankanto a makainana.” 13  Kitaenyo ti daga dagiti Caldeo!+ Dagitoy a tattao—saan a dagiti Asiriano+Pinagbalinda dayta* nga apon dagiti animal iti desierto. Nangaramidda kadagiti torreda a pangraut;Rinebbada dagiti nalagda a torrena,+Ket pinagbalinda a reggaay. 14  Agdung-awkayo, dakayo a barko ti Tarsis,Ta nadadaelen ti pagkamanganyo.+ 15  Iti dayta nga aldaw, malipatanto ti Tiro iti 70 a tawen,+ kas iti kapaut ti biag* ti maysa nga ari. Iti ngudo ti 70 a tawen, mapasamakto iti Tiro ti kas iti kanta ti maysa a balangkantis: 16  “Mangalaka iti arpa, likawem ti siudad, sika a nalipatan a balangkantis. Laingem ti agtokar iti arpa;Agkantaka iti adu a kanta,Tapno malagipdaka.” 17  Iti ngudo ti 70 a tawen, kaasianto ni Jehova ti Tiro, ket umawatto manen iti tangdan ken makikamalala iti amin a pagarian iti daga. 18  Ngem agbalinto a nasantuan ken Jehova ti ganansia ken tangdanna. Saanto a maidulin wenno maurnong, ta agpaayto dayta iti ili ni Jehova, tapno agpennekda a mangan ken agbadoda iti napintas.+

Footnotes

Lit., “bin-i.”
Kayatna a sawen, maysa a sanga ti Karayan Nilo.
Lit., “kadagiti birhen.”
Wenno mabalin a, “ti sangladan.”
Mabalin a tumukoy iti Tiro.
Lit., “kadagiti aldaw.”