Isaias 24:1-23

  • Ikkaten ni Jehova ti nagyan ti daga (1-23)

    • Ni Jehova, Ari idiay Sion (23)

24  Ikkaten ni Jehova ti amin a nagyan ti daga ken pagbalinenna a nabaybay-an.+ Ibaliktadna* dayta+ ken iwarawarana dagiti agnanaed.+   Agpadanto ti mapasamak iti tunggal maysa: Ti umili ken ti padi,Ti adipen ken ti amona a lalaki,Ti adipen ken ti amona a babai,Ti gumatgatang ken ti aglaklako,Ti agpabpabulod ken ti bumulbulod,Ti agpapautang ken ti umut-utang.+   Maikkatto amin a nagyan ti daga;Maipanawto amin,+Ta daytoy ti imbaga ni Jehova.   Agladingit* ti daga;+ madaddadaelen. Malaylay ti nabunga a daga; agmagmagan. Agkakapsuten dagiti prominente a tattao iti daga.   Rinugitan dagiti umili ti daga,+Ta saanda a nagtulnog kadagiti linteg,+Binaliwanda ti regulasion,+Ken dinadaelda ti agnanayon* a tulag.+   Gapuna, nailunod ti daga,+Ket basol dayta dagiti umili. Isu a bimmassit dagiti agnanaed iti daga,Ken manmano ti nabati kadakuada.+   Agladingit* ti baro nga arak, malaylay ti puon ti ubas,+Ken agsennaay amin a naragsak ti pusona.+   Simmardeng ti naragsak nga uni ti pandereta;Nagpatingga ti tagari dagiti agraragsak;Simmardeng ti naragsak a tokar ti arpa.+   Awan ti kanta iti panaginumda iti arak,Ken napait ti arak kadagidiay umin-inum. 10  Narba ti nagpanawan nga ili;+Naiserra ti tunggal balay tapno awan ti makastrek. 11  Agpukpukkawda iti kalsada ta awan ti arak. Awanen ti panagraragsak;Nagpukawen ti rag-o iti daga.+ 12  Nabaybay-an ti nadadael a siudad;Naan-anay a narba ti ruanganna.+ 13  Kastoyto ti pagbalinan ti daga, iti tengnga dagiti umili: Kas no maburasan ti kayo nga olibo,+Ken no maadas ti ubas kalpasan ti panagbuburas.+ 14  Ipigsadanto ti timekda,Agpukkawdanto a siraragsak. Manipud iti baybay,* ipakaammodanto ti kinadayag ni Jehova.+ 15  Isu nga idaydayawdanto ni Jehova iti lugar ti lawag;*+Kadagiti isla ti baybay, idaydayawdanto ti nagan ni Jehova a Dios ti Israel.+ 16  Manipud ungto ti daga, mangmangngegmi dagiti kanta: “Dayag* para iti Daydiay Nalinteg!”+ Ngem ibagak: “Agkakapsutak, agkakapsutak! Kaasiak pay! Mangal-allilaw ti manangallilaw;Mangal-allilaw ti manangallilaw babaen ti kinaulbod.”+ 17  Buteng, abut, ken silo ti agur-uray kenka nga agnanaed iti daga.+ 18  Matnagto iti abut ti asinoman nga aglibas gapu iti uni ti pagbutbutngan,Ket masiluan ti asinoman a makaruar iti abut.+ Ta maluktanto dagiti pagruaran ti danum iti langit,Ket magunggonto ti pundasion ti daga. 19  Nagnganga ti daga;Nagunggon ti daga;Nakaro ti pannakayegyeg ti daga.+ 20  Agibar-ibar ti daga a kas iti nabartek a tao,Ken agpallapallayog a kas iti kalapaw no naangin. Nakadagdagsen ti basolna,+Isu a matumba ket saanto a makabangon. 21  Iti dayta nga aldaw, ukomento ni Jehova ti armada iti ngatoKen dagiti ari iti rabaw ti daga. 22  MaurnongdantoKas kadagiti balud a naurnong iti abut,Ket maipupokda iti bartolina;Sanguennanto ida kalpasan ti adu nga aldaw. 23  Aglidemto ti kabus a bulan,Ken agsipngetto ti naraniag nga init,+Ta ni Jehova a panguluen dagiti armada ket nagbalinen nga Ari+ idiay Bantay Sion+ ken idiay Jerusalem,Ket maidaydayawto iti sanguanan dagiti panglakayen iti ilina.*+

Footnotes

Wenno “Tiritirenna ti rupa.”
Wenno mabalin nga, “Agmaga.”
Wenno “nagkauna.”
Wenno mabalin nga, “Agmaga.”
Wenno “iti laud.”
Wenno “iti daya.”
Wenno “Dekorasion.”
Lit., “sanguanan dagiti panglakayenna.”