Isaias 61:1-11

  • Nadutokan a mangipakaammo iti naimbag a damag (1-11)

    • “Tawen ti kinaimbag ni Jehova” (2)

    • “Dadakkel a kayo ti kinalinteg” (3)

    • Tumulong dagiti ganggannaet (5)

    • “Papadi ni Jehova” (6)

61  Adda kaniak ti espiritu ti Kangatuan* nga Apo Jehova,+Ta dinutokannak* ni Jehova a mangipakaammo iti naimbag a damag kadagiti naemma.+ Imbaonnak a mangliwliwa* kadagiti nasaktan ti pusona,Mangiwaragawag iti pannakawayawaya dagiti naipanawKen mangilukat iti mata dagiti balud,+   Mangiwaragawag iti tawen ti kinaimbag ni JehovaKen iti aldaw a panagibales ti Diostayo,+Mangliwliwa iti amin nga agladladingit,+   Mangtulong kadagiti agledleddaang gapu iti Sion,Tapno ikkanna ida iti dalungdong imbes a dapo,Iti lana ti panagragsak imbes a panagleddaang,Iti bado ti panangidaydayaw imbes a naupay nga espiritu. Ket maawagandanto iti dadakkel a kayo ti kinalinteg,Dagiti mula ni Jehova, a mangipadayag* kenkuana.+   Bangonendanto dagiti nagkauna a rebba;Patakderandanto dagiti napanawan a lugar iti napalabas,+Tarimaanendanto dagiti nadadael a siudad,+Dagiti lugar a napanawan iti adu a henerasion.+   “Umayto dagiti estranghero ket ipastoranda dagiti tarakenyo,Ken pagtrabahuenyonto dagiti ganggannaet+ kadagiti talon ken kaubasanyo.+   No maipapan kadakayo, maawagankayto iti papadi ni Jehova;+Awagandakayto iti ministro ti Diostayo. Kanenyonto ti sanikua dagiti nasion,+Ken ipagpannakkelyonto ti kinadayagda.*   Imbes a pannakaibabain, maikkankayto iti doble a bingay,Imbes a pannakaipababa, agpukkawdanto a siraragsak gapu iti bingayda. Wen, doblento ti bingayda iti dagada.+ Agnanayonto a naragsakda.+   Ta siak, ni Jehova, ay-ayatek ti hustisia;+Kagurak ti panagtakaw ken kinakillo.+ Simamatalekto nga itedko ti tangdanda,Ken mangaramidakto iti agnanayon a tulag kadakuada.+   Agdinamagto kadagiti nasion ti kaputotanda*+Ken agdinamagto kadagiti tattao ti annakda. Mabigbigto ida ti amin a makakita kadakuada,Nga isuda ti kaputotan* a binendisionan ni Jehova.”+ 10  Agragsakakto unay gapu ken Jehova. Agragsakto ti intero a kinataok* gapu iti Diosko.+ Ta kinawesannak iti pannakaisalakan;+Binalkutnak iti kagay* ti kinalinteg,Kas iti nobio a nakaturbante a kas iti turbante ti padi,+Ken kas iti nobia a nangarkos iti bagina. 11  Ta no kasano a mangpataud ti daga iti saringitKen patubuen ti hardin ti naimula iti dayta,Ti Kangatuan nga Apo JehovaPagtubuennanto met ti kinalinteg+ ken dayaw+ iti sanguanan ti amin a nasion.

Footnotes

Wenno “Soberano.”
Wenno “pinulotannak.”
Lit., “mangpatapat.”
Wenno “mangpapintas.”
Wenno “kinabaknangda.”
Lit., “bin-ida.”
Lit., “bin-i.”
Wenno “kararuak.”
Wenno “awan imana a kagay.”