Isaias 63:1-19

  • Agibales ni Jehova kadagiti nasion (1-6)

  • Ti napudno nga ayat ni Jehova iti napalabas (7-14)

  • Kararag ti panagbabawi (15-19)

63  Asino daytoy um-umay manipud Edom,+Manipud Bozra+ a nakabado iti narangrang,*Daytoy nga addaan iti nagpintas a bado,Nga agmarmartsa nga addaan iti dakkel a pannakabalin? “Siak, Daydiay agsasao iti kinalinteg,Daydiay addaan iti dakkel a pannakabalin a mangisalakan.”   Apay a nalabaga ti badom,Ken apay a ti badom ket kas iti bado dagidiay agpayatpayat iti pagpespesan iti ubas?+   “Maymaysaak a nagpespes. Awan ti kaduak. Impayatpayatko ida iti pungtotko,Ken intultuloyko nga imbaddebaddek ida iti ungetko.+ Naparsiakan ti badok iti darada,Ken namansaan ti intero a badok.   Ta adda iti pusok ti aldaw ti panagibales,+Ken dimtengen ti tawen a panangsakak.   Kimmitaak, ngem awan ti matulongan;Nadismayaak ta awan ti mayat a tumulong. Isu nga insalakannak* ti takiagko,+Ken tinulongannak ti pungtotko.   Imbaddebaddekko dagiti tattao gapu iti pungtotko,Binartekko ida iti ungetko+Ken imbukbokko ti darada iti daga.”   Dakamatekto ti panangipakita ni Jehova iti napudno nga ayat,Dagiti nakaskasdaaw nga aramid ni Jehova,Gapu iti amin nga inaramid kadatayo ni Jehova,+Ti adu a naimbag a banag nga inaramidna para iti balay ti Israel,Maitunos iti kinamanangngaasina ken dakkel a napudno nga ayatna.   Ta kinunana: “Sigurado nga isuda ti ilik, annak a matalek.”*+ Gapuna, isu ti Manangisalakan kadakuada.+   Iti amin a panagrigatda, naparigatan met.+ Insalakan ida ti personal a mensaherona.*+ Sinakana ida gapu iti ayat ken asina,+Ket binagkat ken inawitna ida iti amin nga aldaw idi un-unana.+ 10  Ngem nagrebeldeda+ ket pinagleddaangda ti nasantuan nga espirituna.+ Isu a nagbalin a kabusorda,+Ken nakilaban kadakuada.+ 11  Linagipda ti nagkauna nga al-aldaw,Ti kaaldawan ni Moises nga adipenna: “Sadino ti ayan Daydiay nangilasat kadakuada iti baybay+ ken dagiti pastor ti arbanna?+ Sadino ti ayan Daydiay nangikabil kenkuana iti nasantuan nga espirituna,+ 12  Daydiay nangiwanwan iti nadayag nga imana iti kannawan nga ima ni Moises,+Daydiay nangbisngay iti danum iti sanguananda+Tapno makaaramid iti agnanayon a naganna,+ 13  Daydiay nangpapagna kadakuada iti nadawel a danum,*Tapno makapagnada a saan a maitikleb,Kas iti kabalio iti nalawa a lugar?* 14  Kas kadagiti taraken a mapan iti tanap,Paginanaen ida ti espiritu ni Jehova.”+ Kastoy ti panangidalanmo iti ilim,Tapno mangaramidka iti nadayag* a nagan para kenka.+ 15  Tuman-awka manipud langit ket kumitakaManipud iti nangato a pagnanaedam a nasantuan ken nadayag.* Sadino ti ayan ti kinaregta ken kinabilegmo,Ti pannakipagrikna*+ ken panangngaasim?+ Naipaidam dagita kaniak. 16  Ta sika ti Amami;+Nupay dinakami am-ammo ni AbrahamKen dinakami mabigbig ni Israel,Sika, O Jehova, ti Amami. Ti Manangsaka a nabayagen a mangsaksaka kadakami.+ 17  O Jehova, apay nga impalubosmo a suminakami* iti dalanmo? Apay nga impalubosmo a tumangken* ti pusomi tapno saankami nga agbuteng kenka?+ Agsublika maigapu kadagiti adipenmo,Dagiti tribu iti tawidmo.+ 18  Apagbiit a tinagikua dayta ti nasantuan nga ilim. Impayatpayat dagiti kabusormi ti santuariom.+ 19  Nabayagen a kas man la saannakami nga inturayan,Kas kadagidiay saan a naawagan iti naganmo.

Footnotes

Wenno mabalin a, “narangrang a nalabaga.”
Wenno “a pinagballiginak.”
Wenno “napudno.”
Wenno “ti anghel iti sanguananna.”
Wenno “adalem a danum.”
Wenno “let-ang?”
Wenno “napintas.”
Wenno “napintas.”
Lit., “Ti pannakariribuk ti makin-uneg a paspasetmo.”
Wenno “nga insinanakami.”
Wenno “Apay a pinatangkenmo.”