Isaias 22:1-25

  • Mensahe maipapan iti Tanap ti Sirmata (1-14)

  • Sinukatan ni Eliakim ni Sebna kas agay-aywan iti balay (15-25)

    • Simboliko a pasok (23-25)

22  Ti mensahe maipapan iti Tanap ti Sirmata:*+ Ania ti mapaspasamak kenka? Apay nga immuli iti atep ti amin nga umilim?   Napno ti siudadmo iti riribuk,Naariwawa dayta, ili a napno iti ragragsak. Saan a natay iti espada dagiti natay nga umilim,Ken saanda a natay iti gubat.+   Nagtalaw amin a diktadormo.+ Naibaludda a saan a kasapulan ti pana. Naibalud ti amin a tattao a nasarakan,+Uray no nagtalawda iti adayo.   Isu a kinunak: “Saandak a kitkitaen,Ta agsangitakto iti napait.+ Diyo ipapilit a liwliwaendakGapu iti pannakadadael ti anak a babai ti* ilik.+   Ta aldaw dayta ti riribuk, pannakaabak, ken panagdanag,+Manipud iti Kangatuan* nga Apo, ni Jehova a panguluen dagiti armada,Iti Tanap ti Sirmata. Marbanto ti pader,+Ken adda ikkis iti bantay.   Alaen ti Elam+ ti pagikargaan iti panaIti karuahe ken kadagiti kabalio,*Ken iruar* ti Kir+ ti kalasag.   Mapnonto dagiti kasayaatan a tanapmo*Iti karuahe a pakigubat,Ket agpuestonto dagiti kabalio* iti ruangan,   Ken maikkatto ti kortina* ti Juda. “Iti dayta nga aldaw, kumitakanto iti pagidulinan iti armas ti Balay iti Bakir,+  ket makitayonto ti adu a giwang ti Siudad ni David.+ Ummongenyonto dagiti danum ti makimbaba a pagurnongan iti danum.+ 10  Bilangenyonto dagiti balay iti Jerusalem, ken rugpuenyonto dagita tapno tumibker ti pader. 11  Mangaramidkayto iti pagurnongan iti nagbaetan ti dua a pader para iti danum ti daan a pagurnongan, ngem diyonto makita ti Naindaklan a Dios a nangaramid ken nangporma iti dayta iti nabayagen a tiempo. 12  Iti dayta nga aldaw, ti Kangatuan nga Apo, ni Jehova a panguluen dagiti armada,Kiddawennanto ti panagsangit ken panagladingit,+Ti panagpakalbo ken panagbado iti nakersang a lupot. 13  Ngem panagselebrar ken panagragragsak ti napasamak,Panagparti kadagiti baka ken karnero,Pannangan iti karne ken panaginum iti arak.+ ‘Mangan ken uminumtayo, ta inton bigat mataytayo.’”+ 14  Kastoy ti imbaga kaniak ni Jehova a panguluen dagiti armada: “‘Saanto a maabbongan daytoy a basol agingga a mataykayo,’+ kuna ti Kangatuan nga Apo, ni Jehova a panguluen dagiti armada.” 15  Daytoy ti kinuna ti Kangatuan nga Apo, ni Jehova a panguluen dagiti armada: “Mapanka ken Sebna+ a mangay-aywan iti balay* ti ari ket ibagam, 16  ‘Apay nga addaka ditoy, ken asino ti kabagiam ditoy, ta nangaramidka iti pakaitabonam ditoy?’ Nangaramid iti pakaitabonanna iti nangato a disso; nangaramid iti paginanaanna* iti nabato a turod. 17  ‘Ipuruaknakanto ni Jehova, sika a lalaki, ket tiliwennaka. 18  Balkutennakanto a siiirut sa ipalladawnaka kas iti bola iti nalawa a daga. Idiayto ti pakatayam a kaduam dagiti nadayag a karuahem, a pakaibabainan ti balay ni apom. 19  Ikkatenkanto iti posisionmo ken padisienka iti saadmo. 20  “‘Iti dayta nga aldaw, awagakto ti adipenko a ni Eliakim+ nga anak ni Hilkias, 21  ket itedkonto kenkuana ti nagayad a badom, ti barikesmo,+ ken ti autoridadmo.* Agbalinto nga ama kadagiti agnanaed iti Jerusalem ken iti balay ti Juda. 22  Ikabilkonto iti abagana ti tulbek ti balay ni David.+ Luktannanto ket awanto ti makairikep; ken irikepnanto ket awanto ti makailukat. 23  Ipalokkonto a kas iti pasok iti natibker a disso, ket agbalinto a kas nadayag a trono iti balay ni amana. 24  Ibitindanto kenkuana ti amin a dayag* ti balay ni amana, dagiti annak ken kaputotan,* ti amin a babassit a pagkargaan, sinanmalukong a pagkargaan, kasta met ti amin a dadakkel a karamba. 25  “‘Iti dayta nga aldaw,’ kuna ni Jehova a panguluen dagiti armada, ‘maikkatto ti pasok a naipalok iti natibker a disso,+ sa maputed ken matnag, ket madadaelto ti aw-awitenna, ta ni Jehova a mismo ti nangibaga iti dayta.’”

Footnotes

Nalawag a tumukoy iti Jerusalem.
Maysa a personipikasion, nalabit mangyebkas iti asi wenno simpatia.
Wenno “Soberano.”
Wenno “kumakabalio.”
Wenno “isagana.”
Wenno “kapatagam.”
Wenno “kumakabalio.”
Wenno “proteksion.”
Wenno “palasio.”
Lit., “pagtaenganna.”
Wenno “panangituraymo.”
Lit., “kadagsen.”
Wenno “saringit.”