Isaias 53:1-12

  • Panagsagaba, ipapatay, ken pannakaitabon ti adipen ni Jehova (1-12)

    • Naumsi ken naliklikan (3)

    • Imbaklayna dagiti sakit ken ut-ot (4)

    • ‘Kas iti karnero iti pagpartian’ (7)

    • Ibaklayna ti basol ti adu (12)

53  Asino ti namati iti imbagami?*+ Ket asino ti nangipakitaan ni Jehova+ iti pannakabalinna?*+   Agtubonto dayta kas saringit+ iti sanguananna,* kas ramut iti natikag a daga. Saan a nasayaat ti langana, ken saan a nangayed;+Ket inton makitatayo, saantayo a maay-ayo iti langana.*   Um-umsien ken likliklikan ti tattao,+Maysa a tao a nairanta* iti ut-ot ken sakit. Kas man la saantayo a nakita ti rupana.* Maum-umsi, ken imbilangtayo nga awan pategna.+   Kinapudnona, imbaklayna dagiti sakittayo,+Ken inawitna dagiti ut-ot a marikriknatayo.+ Ngem imbilangtayo kas nadusa, kinabil ti Dios ken naparigatan.   Ngem naduyok+ gapu iti basoltayo;+Nagrigrigat gapu kadagiti bidduttayo.+ Imbaklayna ti dusa tapno maaddaantayo iti talna,+Ken immimbagtayo gapu kadagiti sugatna.+   Naiwarawaratayo amin a kas karnero,+A nagturong iti bukodna a dalan,Ket impabaklay kenkuana ni Jehova ti amin a basoltayo.+   Naidadanes+ ken impalubosna nga agrigat,+Ngem saan a pulos nagun-uni. Kas iti karnero a naipan iti pagpartian,+Kas iti kabaian a karnero a naulimek iti sango dagiti mangpukpukis kenkuana,Ken saan a nagun-uni.+   Naipanaw gapu iti saan a patas a pannakaukom;*Ken asino ti maseknan kadagiti detalye ti henerasionna?* Ta napapatay iti daga dagiti sibibiag;+Nakabkabil* gapu iti basol ti ilik.+   Inton matay, maitabon* iti nakaitaneman dagiti dakes,+Ken dagiti baknang,*+Uray no awan ti inaramidna a dakes*Ken saan a nangallilaw.+ 10  Ngem pagayatan* ni Jehova nga agsagaba, ken impalubosna nga agsakit. No idatagmo ti biagna* kas daton gapu iti biddut,+Makitananto ti kaputotanna,* paatiddogenna dagiti aldawna,+Ken agballiginto ti pagragsakan* ni Jehova babaen kenkuana.+ 11  Gapu iti ladingitna,* mapnekto iti makitana. Babaen ti pannakaammo ti adipenko,+ daydiay nalinteg,Tulongannanto nga agbalin a nalinteg ti adu a tattao,+Ken awitenna dagiti biddutda.+ 12  Gapu iti dayta, ikkakto iti bingay a kas iti adu a tattao,Ken ibingaynanto kadagiti nabileg dagiti samsam,Gapu ta intedna ti biagna* agingga iti ipapatay+Ken naibilang kadagiti managbasol;+Imbaklayna ti basol ti adu a tattao,+Ken bimmallaet para kadagiti managbasol.+

Footnotes

Wenno mabalin nga, “iti nangngegmi?”
Lit., “takiagna.”
Mabalin a sanguanan ti asinoman a makakita wenno sanguanan ti Dios.
Wenno “awan ti naisangsangayan a langa a pangtarigagayantayo kenkuana.”
Wenno “makatarus.”
Wenno mabalin nga, “Isu ket kas iti tao a saan a kayat a taliawen dagiti tattao.”
Lit., “panangirurumen ken pannakaukom.”
Wenno “iti wagas ti panagbiagna?”
Wenno “Napapatay.”
Wenno “adda mangted iti pakaitabonanna.”
Lit., “ti tao a baknang.”
Wenno “kinaranggas.”
Wenno “pagragsakan.”
Wenno “kararuana.”
Lit., “bin-ina.”
Wenno “pagayatan.”
Wenno “Gapu ta mariribukan ti kararuana.”
Wenno “kararuana.”