Isaias 18:1-7

  • Mensahe maibusor iti Etiopia (1-7)

18  Kaasi pay ti daga dagiti natagari a nagpayak nga insekto,Iti rehion dagiti karayan ti Etiopia!+   Ibaonna dagiti mensahero iti baybay,Babaen kadagiti bangka a papiro, ket kunana: “Inkayo, dakayo a napartak a mensahero,Iti nasion a natayag ken nalamuyot ti kudilna,*Iti ili a kabuteng ti amin a lugar,+Iti nabileg, manangsakup a nasion,*Nga inyanud dagiti karayan ti dagana.”   Aminkayo nga aggigian iti dayta a lugar ken dakayo nga agnanaed iti daga,Makakitakayto iti kasla senial* a naipangato iti bambantay,Ken makangngegkayto iti kas iti uni ti tangguyob.   Ta daytoy ti kinuna kaniak ni Jehova: “Saanakto a masinga ken kumitaak iti* natalged a dissok,Kas iti pudot ti naraniag nga init,Kas iti linnaaw iti napudot a panagaani.   Ta sakbay ti panagani,Inton nalpasen ti panagsasabong ken agluomen dagiti ubas,Maputed dagiti saringitna iti kumpayKen maikkat dagiti gamatna.   Dagiti bangkayda ket kanento dagiti dadakkel a billit iti bantayKen dagiti animal iti daga. Kanento ida dagiti dadakkel a billit iti tiempo ti kalgaw,Ken dagiti animal iti daga iti tiempo ti panagani.   Iti dayta a tiempo, addanto sagut a maited ken Jehova a panguluen dagiti armada—Manipud iti nasion a natayag ken nalamuyot ti kudilna,*Manipud iti ili a kabuteng ti amin a lugar,Manipud iti nabileg, manangsakup a nasion,*Nga inyanud dagiti karayan ti dagana—Iti lugar a nakaikabilan ti nagan ni Jehova a panguluen dagiti armada, ti Bantay Sion.”+

Footnotes

Lit., “nasion a nabennat ken nakaskasan.”
Wenno “nasion a napigsa ken mangipayatpayat.”
Wenno “pagilasinan a poste.”
Wenno mabalin a, “manipud iti.”
Lit., “nasion a nabennat ken nakaskasan.”
Wenno “nasion a napigsa ken mangipayatpayat.”