Isaias 51:1-23
51 “Dumngegkayo, dakayo nga agar-aramid iti kinalinteg,Dakayo a mangbirbirok ken Jehova.
Kumitakayo iti dakkel a bato a nakatikapanyoKen iti abut a nakakalianyo.
2 Kumitakayo ken Abraham nga amayoKen ni Sara+ a nangyanak kadakayo.*
Ta maymaysana idi inayabak,+Ket binendisionak ken pinaaduk.+
3 Ta liwliwaento ni Jehova ti Sion.+
Liwliwaennanto amin a nadadael a lugarna,+Ken pagbalinennanto a kas iti Eden ti let-angna+Ken kas iti hardin ni Jehova ti tanapna.+
Agrag-o ken agragsakto,Agyaman ken agkantanto.+
4 Ipangagnak, O ilik,Ken denggennak, sika a nasionko.+
Ta mangtedakto iti linteg,+Ken iyegkonto ti hustisiak kas lawag ti tattao.+
5 Asidegen ti kinalintegko.+
Dumtengto ti panangisalakanko,+Ukomento ti takiagko dagiti tattao.+
Mangnamnamanto kaniak dagiti isla,+Ken urayendanto ti takiagko.*
6 Tumangadkayo iti langit,Ken kumitakayo iti daga.
Ta in-inutto nga agpukaw ti langit a kas iti asuk;Dumaanto ti daga a kas iti bado,Matayto dagiti agnanaed iti dayta a kas iti sepsep.
Ngem agnanayonto ti panangisalakanko,+Ken saanto nga agpatingga* ti kinalintegko.+
7 Denggendak, dakayo a makaammo iti kinalinteg,Tattao nga adda iti pusoda ti lintegko.*+
Dikay agbuteng iti pananglais ti tao,Ken dikay agamak iti pananginsultoda.
8 Ibusento ida ti insekto a kas iti bado;Kanen ida ti insekto* ti bado a kas iti delana.+
Ngem agnanayonto ti kinalintegko,Ken ti panangisalakanko iti amin a henerasion.”+
9 Agriingka! Agriingka! Agpapigsaka,O takiag ni Jehova!+
Agriingka kas idi nagkauna nga al-aldaw, kas kadagiti naglabas a henerasion.
Saan aya a sika ti nangrangrangkay ken Rahab,*+Ken nangduyok iti nagdakkel nga animal iti baybay?+
10 Saan aya a sika daydiay nangpamaga iti baybay, ti nakaad-adalem a dandanum?+
Daydiay namagbalin a dalan ti lansad ti baybay tapno makaballasiw dagiti nasaka?+
11 Agsublinto dagidiay sinaka ni Jehova.+
Agpukpukkawdanto iti rag-o a mapan idiay Sion,+Makoronaandanto* iti awan patinggana a rag-o.+
Agragsak ken agrag-odanto,Ket saandanto nga agladingit ken agsennaay.+
12 “Siak a mismo ti mangliwliwa kadakayo.+
Apay koma nga agbutengkayo iti tao a matayto+Ken iti anak ti tao a malaylay a kas iti berde a ruot?
13 Apay a lipatem ni Jehova a Nangaramid kenka,+Daydiay nangyunnat iti langit+ ken nangisaad iti pundasion ti daga?
Ken agmalmalem a kanayon a mabutbutengka iti pungtot ti manangidadanes,*A kas man la nakasagana a mangdadael kenka.
Sadino itan ti ayan ti pungtot ti manangidadanes?
14 Asidegen a mawayawayaan daydiay sikakawar a nakakubbo;+Saanto a matay ken maipan iti abut,Saanto met a maawanan iti tinapay.
15 Ngem siak ni Jehova a Diosmo,A mangkibkibur iti baybay ken mamagdaranudor kadagiti dalluyonna+—Jehova a panguluen dagiti armada ti naganna.+
16 Ikabilkonto ti sasaok iti ngiwatmo,Ken linongankanto iti anniniwan ti imak,+Tapno maisaadko ti langit ken ti pundasion ti daga+Ken ibagak iti Sion, ‘Sika ti ilik.’+
17 Agriingka! Agriingka! Bumangonka, O Jerusalem,+A nabartek iti kopa ti pungtot iti ima ni Jehova.
Imminumka iti kopita;Inibusmo ti nagyan ti kopa isu nga agibar-ibarka.+
18 Awan kadagiti annak nga impasngayna ti nangiturong kenkuana,Ken awan kadagiti annak a pinadakkelna ti nangiggem iti imana.
19 Napasamak kenka dagitoy dua a banag.
Asinonto ti makipagrikna kenka?
Pannakadadael ken pannakarba, bisin ken espada!+
Asinonto ti mangliwliwa kenka?+
20 Natalimudaw dagiti annakmo.+
Nagiddada iti amin a suli ti kalsada*
Kas iti atap a karnero iti iket.
Napnoda iti pungtot ni Jehova, ti pammabalaw ti Diosmo.”
21 Isu a pangngaasim ta denggem daytoy,O babai a naparigat ken nabartek, ngem saan nga iti arak.
22 Daytoy ti kinuna ti Apom, ni Jehova a Diosmo, a nangidepensa iti ilina:“Alaekto iti imam ti kopa a namagibar-ibar kenka,+Ti kopita, ti kopa ti pungtotko;Pulos a saankanton nga uminum iti dayta.+
23 Ikabilkonto dayta iti ima dagidiay mangparparigat kenka,+Dagidiay nangibaga kenka,* ‘Agrukobka ta magnakami iti rabawmo!’
Isu a pinagbalinmo ti bukotmo a kas iti daga,Kas iti kalsada a pagnaanda.”
Footnotes
^ Wenno “nagpasikal a nangyanak kadakayo.”
^ Wenno “pannakabalinko.”
^ Wenno “saanto a madadael.”
^ Wenno “instruksionko.”
^ Wenno mabalin nga, “igges.”
^ Lit., “Maparabawanto ti uloda.”
^ Wenno “mangpalawlaw kenka.”
^ Lit., “iti ulo ti amin a kalsada.”
^ Wenno “iti kararuam.”
