Spreuke 1:1-33

  • Doel van die spreuke (1-7)

  • Gevare van slegte assosiasie (8-19)

  • Ware wysheid roep uit in openbaar (20-33)

1  Die spreuke van Salomo,+ die seun van Dawid,+ die koning van Israel.+   Hierdie spreuke bied wysheid+ en dissiplineen hulp om wyse woorde te verstaan.   Dit gee dissipline+ wat lei tot insig,regverdigheid,+ goeie oordeel+ en beginselvastheid.   Dit maak iemand wat onervare is, verstandig.+ Dit gee aan ’n jong man kennis en denkvermoë.+   ’n Wyse persoon luister en neem meer kennis in.+ ’n Verstandige man vra vir wyse leiding+   om ’n spreuk en ’n moeilike gesegde,*die woorde van wyses en hulle raaisels,+ te verstaan.   Vrees* vir Jehovah is die begin van kennis.+ Net dwase haat wysheid en dissipline.+   Luister, my seun, na die dissipline van jou pa,+en moenie die onderrigting* van jou ma verwerp nie.+   Dit is ’n aantreklike krans vir jou kop+en ’n pragtige versiering vir jou nek.+ 10  My seun, as sondaars jou probeer mislei, moet jy hulle nie volg nie.+ 11  Hulle sê dalk: “Kom saam met ons. Laat ons iemand voorlê en hom doodmaak. Ons sal wegkruip en wag vir onskuldige slagoffers. 12  Ons sal hulle lewend insluk net soos die Graf,*heel, soos dié wat diep in die aarde afdaal. 13  Laat ons al hulle kosbare skatte vat. Ons sal ons huise daarmee vul. 14  Kom saam met ons,en ons sal alles wat ons steel, gelykop verdeel.” 15  My seun, jy moet hulle nie volg nie. Bly weg van hulle paaie.+ 16  Want hulle is haastig om slegte dinge te gaan doen. Hulle kan nie wag om iemand te vermoor nie.+ 17  Dit help nie om ’n vangnet te span waar ’n voël dit kan sien nie. 18  Daarom lê hulle mense voor om hulle dood te maak. Hulle wag in hulle wegkruipplekke om mense te vermoor. 19  So tree mense op wat op ’n oneerlike manier wins probeer maak. Dié wat dit verkry, sal hulle lewe verloor.+ 20  Ware wysheid+ roep uit in die straat.+ Dit roep hard uit op die openbare pleine.+ 21  Op die hoek van die besige strate roep dit uit. By die ingange van die stadspoorte sê dit:+ 22  “Onervarenes, hoe lank sal julle lief wees vir onervarenheid? Spotters, hoe lank sal julle dit geniet om te spot? En dwase, hoe lank sal julle kennis haat?+ 23  Luister* wanneer ek julle teregwys.+ Dan sal ek vir julle wysheid* gee. Ek sal my woorde aan julle bekend maak.+ 24  Want ek het geroep, maar julle wou nie luister nie. Ek het my hand uitgesteek, maar niemand het aandag geskenk nie.+ 25  Julle het al my raad bly ignoreeren my teregwysing verwerp. 26  Daarom sal ek lag wanneer rampspoed julle tref. Ek sal spot wanneer dit wat julle vrees, oor julle kom,+ 27  wanneer dit wat julle vrees, soos ’n storm komen julle rampspoed soos ’n stormwind aankom,wanneer moeilike tye en probleme julle tref. 28  Dan sal hulle na my bly roep, maar ek sal nie antwoord nie. Hulle sal my bly soek, maar hulle sal my nie vind nie.+ 29  Want hulle het kennis gehaat+en hulle het gekies om Jehovah nie te vrees nie.+ 30  Hulle het my raad verwerp. Hulle het geen respek vir my teregwysing gehad nie. 31  Daarom sal hulle die gevolge van hulle dade dra,+en hulle sal in al hulle planne verstik. 32  Want die hardkoppigheid van die onervarenes sal tot hulle dood lei,en die oorgerustheid van die dwase sal hulle vernietig. 33  Maar die een wat na my luister, sal in veiligheid woon+en sal nie vir rampspoed bang wees nie.”+

Voetnote

Of “’n gelykenis”.
Of “Diep respek”.
Of “wet”.
Of “Sjeool”. Sien Woordelys.
Of “Draai om”.
Lett. “my gees”. Verwys moontlik na wysheid wat deur God se gees voorsien word.