Miyambo 18:1-24
18 Munthu aliyense amene amadzipatula amangoganizira kuchita zimene amalakalaka.Iye amakana* nzeru zonse zopindulitsa.
2 Munthu wopusa sasangalala ndi kumvetsa zinthu.Iye amangokonda kuulula zimene zili mumtima mwake.+
3 Munthu woipa akabwera, pamabweranso kunyozeka,Ndipo munthu akamachita zinthu zochititsa manyazi amanyozeka.+
4 Mawu amʼkamwa mwa munthu ali ngati madzi akuya.+
Kasupe wa nzeru ali ngati mtsinje wosefukira.
5 Si bwino kukondera munthu woipa+Kapena kulephera kuchitira chilungamo munthu wolungama.+
6 Zolankhula za munthu wopusa zimayambitsa mikangano,+Ndipo pakamwa pake pamaitana zikwapu.+
7 Pakamwa pa munthu wopusa mʼpamene pamamuchititsa kuti awonongedwe,+Ndipo milomo yake ndi msampha wa moyo wake.
8 Mawu a munthu wonenera ena zoipa ali ngati chakudya chokoma,*+Akachimeza chimalowa mʼmimba.+
9 Munthu waulesi pa ntchito yakeNdi mʼbale wake wa munthu wobweretsa chiwonongeko.+
10 Dzina la Yehova ndi nsanja yolimba.+
Wolungama amathawira mmenemo ndipo amatetezedwa.*+
11 Chuma cha munthu wolemera chili ngati mzinda wokhala ndi mpanda wolimba.Ndipo mʼmaganizo mwake chili ngati mpanda umene ukumuteteza.+
12 Munthu asanagwe, mtima wake umadzikweza,+Ndipo akadzichepetsa amapeza ulemerero.+
13 Munthu akayankhira nkhani asanaimvetsetse,Kumakhala kupusa ndipo amachita manyazi.+
14 Mtima wa munthu ukhoza kupirira matenda,+Koma mtima wosweka ndi ndani angaupirire?+
15 Mtima wa munthu womvetsa zinthu umadziwa zinthu,+Ndipo khutu la munthu wanzeru limafunitsitsa kudziwa zinthu.
16 Mphatso ya munthu imamʼtsegulira njira,+Ndipo imamuthandiza kuti akafike kwa anthu olemekezeka.
17 Woyamba kufotokoza mbali yake pa mlandu amaoneka ngati wolondola,+Mpaka mnzake atabwera nʼkudzamufunsa mafunso.*+
18 Kuchita maere kumathetsa mikangano+Ndipo kumathetsa nkhani pakati pa* anthu amphamvu.
19 Kusangalatsa mʼbale amene walakwiridwa nʼkovuta kwambiri kuposa kulanda mzinda wokhala ndi mpanda wolimba,+Ndipo mikangano ingathe kulekanitsa anthu ngati mageti otseka a mzinda wolimba.+
20 Mimba ya munthu imakhuta zipatso za mawu otuluka pakamwa pake.+Iye amakhuta zokolola za milomo yake.
21 Imfa ndiponso moyo zili mumphamvu ya lilime,+Ndipo amene amakonda kuligwiritsa ntchito adzadya zipatso zake.+
22 Munthu amene wapeza mkazi wabwino wapeza chinthu chabwino,+Ndipo Yehova amamukomera mtima.*+
23 Munthu wosauka akamalankhula amachita kuchonderera,Koma munthu wolemera amayankha mwaukali.
24 Pali anthu ogwirizana amene ndi okonzeka kuchitirana zoipa,+Koma pali mnzako amene amakhala nawe pafupi nthawi zonse kuposa mʼbale wako.+
Mawu a M'munsi
^ Kapena kuti, “Amanyansidwa ndi.”
^ Kapena kuti, “ngati zinthu zofunika kuzimeza msangamsanga.”
^ Mʼchilankhulo choyambirira, “amakwezedwa mʼmwamba,” kutanthauza kuti amaikidwa mʼmalo otetezeka.
^ Kapena kuti, “kudzamufufuza.”
^ Mʼchilankhulo choyambirira, “kumalekanitsa.”
^ Kapena kuti, “amamufunira zabwino.”
