Zɔbu 41:1-34
-
Ɲanmiɛn su kan Leviatan i ndɛ (1-34)
41 “?A kwla fa kowa ba tra Leviatan?*+?Annzɛ a kwla fa ɲanman kun cici i taaman’n?
2 ?A kwla fa ɲanman* kun wlɛ i bue’n nun??Annzɛ a kwla fa kowa* kun fiti i aoje’n?
3 ?Ɔ́ kpáta wɔ lele,annzɛ ɔ́ kán ndɛ wɛtɛɛ su klé wɔ?
4 ?Ɔ nin wɔ bé trá aenguɛnaan a fɛ i kaci ɔ kanga sa trilili?
5 ?A nin i bé kán ngowa kɛ anunman wie sa,annzɛ á fá ɲanman kun cící i naan ɔ wa bla kanngan’m be fɛ i kan ngowa?
6 ?Aata difuɛ’m bé yó i atɛ??Bé cɛ́cɛ́ nun mán ninnge atɛ yofuɛ mun?
7 ?Á fá aapɔn* fá srɛ́nsrɛ́n i kplo’n nun?+?Annzɛ á fá cua nga be fa kun jue’n fá srɛ́nsrɛ́n i ti’n nun?
8 Fa ɔ sa’n sie i su.Ngondin nga amún wá tú’n, ɔ wla su fiman su yɛ a su yoman sɔ kun!
9 Sran ng’ɔ lafi su kɛ ɔ kwla trɛ i’n, ɔ su lɛkɛ i wun.Kɛ ɔ ɲinma gúɛ i wun cɛ’n, á úsu sa tututu.*
10 Sran fi kwlá simɛn i wue’n nun kɛ ɔ́ kó klɔ́klɔ́ i.?Ɔ maan wan yɛ ɔ kwla jran min ɲrun-ɔn?+
11 ?Wan yɛ ɔ dun mmua mannin min like m’ɔ fata kɛ n yi mɛn i-ɔ?+Like kwlaa ng’ɔ o ɲanmiɛn’n i bo wa’n ti min liɛ.+
12 Wafa nga i ja’m be fa ti’n,nin wunmiɛn m’ɔ le i’n, ɔ nin wafa nga be yili i m’ɔ ti abonuan’n, ń kɛ́n i kwlaa ndɛ.
13 ?Wan yɛ ɔ yili tralɛ ng’ɔ kɛtɛ i wun’n niɔn??Kɛ ɔ trɛ i aoje’n nun’n, wan yɛ ɔ kwla wlu i afiɛn-ɔn?
14 ?Wan yɛ ɔ kwla miɛn i kɛ ɔ trɛ i nuan’n* nun-ɔn?I nuan’n nun je’m be yo sro.
15 I wiasin bui’m be lɔngɔ su tɛɛn,*Be mantanmantan be wiengu su.
16 Be mantan su kpɛnkpɛnkpɛn ti’n,aunmuan bɔbɔ kwlá sinman be afiɛn.
17 Be sasa be wiengu su.Be tratra be wiengu ti’n,be titi be nun-ɔn,ɔ yoman ye.
18 Kɛ ɔ kpɛ bɛ’n, lika’n kpaja,yɛ i ɲinma’m be ti kɛ wia m’ɔ su tu i bo’n sa.
19 Like wie fin i nuan’n nun fite kɛ ɲanmiɛn su kpa sin piapia sa.Sɛnmlɛn ɲanɲan fin i nuan’n nun fite.
20 Sin wunsrɛn fin i bue’n nun fitekɛ b’a gua fuu nun ijre sa.
21 Aunmuan ng’ɔ fin i bue’n nun’n, ɔ sɔ sɛnmlɛn ba’m be nuan,sin taaman kun fin i nuan’n nun fite.
22 Fanngan ng’ɔ o i kɔmin’n nun’n ti dan.Be kwlaa nga be nin i be yia’n, be usu sa tututu.
23 I nglɛliɛnglɛliɛ’m be sasa su.Be ti sa gbugblugbu, be ti kɛ blalɛ mɔ be kwlá tutuman’n sa.
24 I awlɛn ba’n ti kekleke kɛ yɔbuɛ sa,nanwlɛ, ɔ ti kekleke kɛ yɔbuɛ nga i su yɛ be si like’n sa.
25 Kɛ ɔ jaso’n, safuɲrɛn’m be bɔbɔ be usu sa tututu.Trulɛ ng’ɔ tru sinnzin su’n ti’n, be wawɛ tɔ blo.
26 Tokofi nga be fa wɔ i’n ɔ kwlá yomɛn i like finaan se kɛ cua annzɛ daa* annzɛ ta mma.+
27 I ɲrun’n, blalɛ’n ti kɛ ijre wie sa,aaba’n ti kɛ waka kplɔwa wie sa.
28 Kɛ be to ta mma’n, ɔ wanndiman.Kpafloko nun yɔbuɛ’n ti i ɲrun kɛ ijre kee wie sa.
29 I ɲrun’n, kate’n ti kɛ ijre kee wie sa,kɛ ɔ ti ta’n i ngan’n, ɔ kle i srilɛ.
30 I ku bo’n ti kɛ ufa sɛ buebue m’ɔ la kpa’n sa.Ɔ cuɛn i wun ase nnɔtiɛ’n nun kɛ waka paplapa nga be fa bo ble’n sa.+
31 Ɔ yo maan nzue’n i bo lɔ’n tu kpuyɔkpuyɔ kɛ ɔ o sɛ wie nun sa.Ɔ kejekeje jenvie’n nun kɛ ɲanngo sɛ sa.
32 Kɛ ɔ wuɛ nzue’n, i sin lɔ’n bo nglo.Sran ng’ɔ wun i sɔ’n kwla bu i kɛ nzue’n i ti w’a bo je.
33 Asiɛ’n su’n, like fi nin i sɛman,Wafa nga Ɲanmiɛn yili i’n ti’n, ɔ sroman like fi.
34 Ninnge kwlaa nga be tu be wun’n, ɔ nian be gaan.I yɛ ɔ ti blo nnɛn sroesroe’m be kwlaa be famiɛn’n niɔn.”
Ja ngua lɔ ndɛ mun
^ Kɔlɛ’n, alɛngɛ-ɔ.
^ Ebr., “ijre.”
^ Ebr., “owie.”
^ Cua wafa kun-ɔn. Kɔlɛ’n, i je’n ti pienbie kɛ kowa ba sa.
^ Annzɛ “á lánga ɔ ɲin aanga lɔ.”
^ Ebr., “i nuan’n nun anuan mun.”
^ Be kwla se ekun kɛ “I wun bui m’ɔ lɔngɔ su tɛɛn’n yɛ ɔ fa tu i wun-ɔn.”
^ Ɔ ti kɛ ta mma’n sa, sanngɛ i liɛ’n ɔ ti kpe kan.
