Zɔbu 40:1-24
40 Zoova tɛli Zɔbu su ekun. Ɔ seli i kɛ:
2 “?Sran ng’ɔ kan sran wun ndɛ’n, ɔ fata kɛ ɔ nin Sran m’ɔ Kwla Like Kwlaa Yo’n be si akplowa?+Maan sran nga i waan ɔ́ íjɔ Ɲanmiɛn’n, ɔ tɛ su.”+
3 Zɔbu tɛli Zoova su kɛ:
4 “Nian! Nán sran yɛle min.+?Ń tɛ́ ɔ su sɛ?M’an fa min sa’n m’an sie min nuan’n su.+
5 N ijɔli kpɛ kun, sanngɛ n su tɛman su kun.Kpɛ nɲɔn, sanngɛ n su kanman ndɛ fi kun.”
6 I sin’n, Zoova m’ɔ o aunmuan dan m’ɔ su tu’n i afiɛn’n, ɔ tɛli Zɔbu su kɛ:+
7 “Yaci, jran kpa kɛ yasua sran sa.Ń má úsa ɔ sa, nga n simɛn i’n, kan kle min.+
8 ?Ɔ waan á sé kɛ sa nga n yo’n, ɔ timɛn i nuan su??Ɔ waan á bú min fɔ naan ɔ ndɛ yo fɛ ti-ɔ?+
9 ?Wunmiɛn o ɔ sa’n nun kɛ Ɲanmiɛn Kpli liɛ’n sa?+?Annzɛ ɔ nɛn’n kwla tɛ kplannankplannan kɛ i liɛ’n sa?+
10 Yaci, yi ɔ aɲrunɲan’n nin ɔ tinmin’n be nglo.Kle kɛ a ti sran dan naan a nin ayɛ yilɛ fata.
11 Yi ya dan nga w’a fa’n i nglo.Nian sran kwlaa ng’ɔ tu i wun’n naan kɛn i ase.
12 Nian sran kwlaa ng’ɔ tu i wun’n naan guɛ i ɲin ase.Tiatia klunwifuɛ’m be su kan be jran lɛ’n.
13 Fa be kwlaa fia ndutre’n nun.Cici be* lika ng’ɔ ti fiawa’n nun.
14 I liɛ’n, ń dí ɔ nanwlɛ*kɛ ɔ sa fama’n kwla de wɔ sakpa.
15 Nian, Beemɔtu* yɛ. N yili amun nɲɔn’n.Ɔ di ijre kɛ nannin tola sa.
16 Nian wunmiɛn ng’ɔ o i wi’n nun’n,ɔ nin i ku lika’n.
17 Ɔ kete i lua’n kɛ sɛdri waka’n sa.I sɔwa’n nun ndin’m be sɔtɔsɔtɔ be wiengu nun.
18 I owie’m be ti kɛ aaba trolotrolo wie sa.I sa nin i ja’m be ti kɛ blalɛ mɔ be boli be trolotrolo’n sa.
19 Ɔ ti Ɲanmiɛn i sa nuan ninnge’m be nun klikli’n.*I Yifuɛ’n i ngunmin cɛ yɛ ɔ kwla fa tokofi wunnge i wun lɔ-ɔ.
20 Afin oka’m be mɛn i aliɛkan blo nnɛn’m be kwlaa be kan ngowa lɔ’n.
21 Ɔ la lotisi waka’m be bo,ɔ fia ndɛma nga be o fɔkɔ nun’n be bo.
22 Lotisi waka’m be fa be fɔnvɔ’n guɛ i su,yɛ kongo’n* nun peplie waka’m be bo sin yiɛ i.
23 Sɛ nzue’n keje kɔ wa kɔ wa’n, srɛ kunmɛn i.Sɛ Zurdɛn’n+ nun nzue’n bo guɛ i nuan wun bɔbɔ’n, ɔ lafi i wun su.
24 ?Kɛ ɔ́ níannían’n, sran kun kwla trɛ i??Annzɛ ɔ kwla fa kowa ba* fiti i bue’n?
