Zɔbu 10:1-22
10 “Nguan nun tranlɛ’n w’a flan min.+Klunngbɔ ng’ɔ o min klun’n ti’n, ń plánń kán awlabɔɛ ng’ɔ o min su’n i ndɛ.
2 Ń sé Ɲanmiɛn kɛ: ‘Nán bu min fɔ.Sa nga ti yɛ a nin min kun’n, kan kle min.
3 ?Kɛ a kle ɔ bɔbɔ ɔ sa nuan like’n+ i ɲrɛnnɛn’n,mɔ a yo i finfin’n,kpɛkun a fa klunwifuɛ’n i afɔtuɛ’n su’n, a ɲan su ye?
4 ?A le klɔ sran ɲinma??Annzɛ a wun ase kɛ klɔ sran* liɛ’n sa?
5 ?Ɔ cɛn’m be ti kɛ klɔ sran’m be liɛ’n sa,annzɛ ɔ afuɛ’m be ti kɛ klɔ sran liɛ’n sa,+
6 mɔ i ti yɛ a kunndɛkunndɛ min fɔnlɛ’n,kpɛkun a fa ɔ ɲin sie i min sa tɛ’n su sa trilili-ɔ?+
7 A si kɛ m’an fɔnman.+Yɛ sran fi kwlá deman min ɔ sa nun.+
8 Ɔ bɔbɔ ɔ sa yɛ a fa siesieli min yɛ a yili min-ɔn.+Sanngɛ siɛn’n, ɔ waan á núnnún min mlɔnmlɔnmlɔn.
9 Yaci, nán ɔ wla fi su kɛ fa yɛ a fa yili min-ɔn.+Kpɛkun siɛn’n, a su yo naan n sa min sin ndutre’n nun.+
10 ?W’a faman min w’a sieman min nin ku sɛ’n nun,yɛ w’a siesieman minye lɔ?*
11 A fali wunnɛn ba nin kplo wlali min kɛ tralɛ sa,yɛ a fali owie nin ndin fa yoli min.+
12 A mannin min nguan yɛ a kloli min titi.A sasali min yɛ a niannin min* lika.+
13 Sanngɛ a kunndɛli kɛ á yó ninnge sɔ mun nvialiɛ nun.*N si kɛ ninnge sɔ’m be fin wɔ.
14 Sɛ n yoli sa tɛ’n, nn a wunnin min,+yɛ a su yaciman min sa tɛ’n cɛman min.
15 Sɛ n yoli sa tɛ’n, nn min yako!Yɛ sɛ m’an yoman sa bɔbɔ’n, n su kwlá manman min ti’n su,+afin ɲannzuɛn’n nin ɲrɛnnɛn’n be o min su dan!+
16 Sɛ n man min ti’n su kan’n, a di min wun koniɛn kɛ asɔmɔli sa,+kpɛkun a fa ɔ wunmiɛn’n yo min sa yaya ekun.
17 A ko kunndɛ min wun lalofuɛ uflɛ bakpɛkun a fa min wun ya kpa tra laa’n,ɲrɛnnɛn ng’ɔ tɔ min su kusu’n, be kanman.
18 ?Yɛ nn ngue ti yɛ a yoli maan n fin min nin ku sɛ’n nun fiteli-ɔ?+Sɛ ɔ ti kɛ n wuli ka naan sran ɲinma w’a gua min wun’n, nn ɔ flunman.
19 Sɛ ɔ yoli sɔ’n, nn ɔ ti kɛ m’an baman mɛn’n nun le sa.Nn be fali min min nin i ku sɛ’n nun trele be ɔli ndia’n nun lɔ.’
20 Min cɛn nga be te ka’m b’a sɔnman.+ Maan ɔ yaci min diin.Maan ɔ kpɛ i ɲin lika uflɛ naan n ɲan min ti kan*+
21 kwlaa naan m’an wɔ (yɛ n su saman min sin)+lika nga i nun lu tritri kpa’n nun’n,*+
22 lika sɔ’n nun lu tritri kpa,lika sɔ’n nun’n, fɔnvɔ’n cɛnnin yɛ lika’n ti sukusuku,lɔ’n, wia’n nun ti kɛ aosin’n nun sa.”
Ja ngua lɔ ndɛ mun
^ Ebr., “klɔ sran m’ɔ kwla wu’n.”
^ Ebr., “?W’a guaman min kɛ nɔnnɔn sa, yɛ w’a keteman min kɛ flomazi sa?”
^ Annzɛ “min nguan’n”, “wunmiɛn mɔ n lo’n.”
^ Ebr., “Ninnge sɔ mun’n, a fiali be ɔ awlɛn’n nun.”
^ Annzɛ “n bo sro kan.”
^ Annzɛ “lika nga i nun lu’n mɔ wie’n i fɔnvɔ’n wo lɔ’n.”
