Zɔbu 30:1-31
30 “Be mɔ n ti kpɛnngbɛn tra be’nbe yɛ be srisri min+ siɛn’n niɔn,kusu nn n su kplinman su le kɛ ń fá be si munnaan be uka alua nga be nian min nnɛn’m be su’n.
2 ?Wunmiɛn nga be le i’n, ngue yɛ n fa yoli-ɔ?Be leman wunmiɛn kun.
3 Yalɛ’n nin awe’n ti’n, b’a yo fakafaka kpa.Be didi asiɛ kee’n,kusu nn like fi nunman su, ɔ nannan lɛ ngbɛn.
4 Be kɔ blo lɔ be ko isa ijre ng’ɔ ti yrayra’n.Waka nga be flɛ i zenɛ’n i olui’n yɛ ɔ ti be aliɛ-ɔ.
5 Be kan be bo sran’m be afiɛn.+Sran’m be kpan be su kɛ be su kpan awiefuɛ su sa.
6 Be tran kongo’m be ndroliɛ’m be nun,nin kunman’m be nun, nin yɔbuɛ buɛ’m be nun.
7 Be o ijre’m be afiɛn lɔ yɛ be kpan-ɔn,be tian be wiengu su ijre tɛtɛ’m be afiɛn lɔ.
8 Be kannin be bo nvle’n nun,afin be ti sinnglinfuɛ nin finfinfuɛ’m* be mma mun.
9 Sanngɛ siɛn’n, be jue’m be nun bɔbɔ’n, be di min wun asanse.+Be yo min finfin.*+
10 Be kpɔ min, yɛ be faman be wun mantanman min.+Be sisiman be bo naan b’a ti be nuan nzue b’a ta min ɲrun’n nun.+
11 Kɛ mɔ Ɲanmiɛn deli like nga n fa sasa min wun’n,* m’ɔ kuakuali min’n ti’n,kɛ be wun min’n, like nga be waan bé yó min’n be sisiman be bo naan b’a yo.
12 Be fin min fama su be ba sa woo kɛ sran kpanngban wie mɔ b’a bu min wun akunndan tɛ’n sa.Be yo maan n wanndi,kpɛkun be fa ninnge nga be kwla yo min abɔlɛ’n siesie min atin’n su.
13 Be saci min akpɔ mun,be yo maan min su ɲrɛnnɛn’n yo dan tra laa’n,+sanngɛ sran fi jranman be.*
14 Be ba kɛ talɛ’n i toklo dan wie nun yɛ be su sin sa,be wanndi kɔ lika ng’ɔ sacili’n i afiɛn lɔ.
15 Srɛ dan kpa kun min.Min aɲrunɲan’n w’a ɔ kɛ like wie m’ɔ aunmuan’n fɛ i ɔli’n sa,yɛ like nga n fa min wla n gua su’n nunman lɛ kun, kɛ ɲanmiɛn ble’n sa.
16 Min nguan’n su wie min nun.+Ɲrɛnnɛn cɛn’m+ be nun yɛ n wo-ɔ.
17 Kɔnguɛ’n, min owie’m be nun kpacikpaci min.*+I ya’n kanman ase le.+
18 Be fali wunmiɛn dan kpa be wɔnsɔnwɔnsɔnnin min tralɛ’n.*Kɛ min tralɛ’n i kɔmin nun’n sa’n, ɔ mian min fii.
19 Ɲanmiɛn to min yili nnɔtiɛ’n nun.M’an yo kɛ ndutre nin nzuɛn sa.
20 N kpan flɛ ɔ kɛ a uka min, sanngɛ a tɛman min su.+N jaso jran nglo, sanngɛ a nian min sa doo.
21 A jasoli min wunklunwi su.+Ɔ sa mɔ fanngan o nun’n, a fa yo min like yaya.
22 A man min su, yɛ a fa min kɔ aunmuan’n nun.A fa aunmuan dan’n kpalokpalo min.*
23 Afin n si kɛ á fá min kɔ́ wie’n i sin,sua nga i nun yɛ be kwlaa nga be ɲin o su’n be ti wá yía lɔ’n nun.
24 Sanngɛ sran fi i sa su kanman sran nga w’a bubu*+mɔ kɛ ɔ́ wún i ɲrun’n, ɔ kpan kɛ be de i’n.
25 ?Be nga sa kekle tɔli be su’n* be ti’n m’an sunman??Yalɛfuɛ’n i liɛ’n ti’n, m’an tranman awlabɔɛ’n nun?+
26 N buli i kɛ lika’n yó kpa, sanngɛ ɔ yoli tɛ.N buli i kɛ lika’n kpája, sanngɛ aosin’n yɛ ɔ bali-ɔ.
27 Akluntitiɛ’n nun yɛ n wo sa trilili-ɔ.Afɛ’n yɛ ɔ wo min su cɛn kwlakwla-ɔ.
28 Awlabɔɛ’n nun yɛ n nanti n sin-ɔn.+ Wia’n fiteman.Kɛ sran’m be yia lɛ’n, n jaso, kpɛkun n kpan kɛ be de min.
29 M’an kaci blo alua’m be niaan,yɛ m’an kaci klɔnsoklo’n i wa bla’m be janvuɛ.+
30 Min wunnɛn kplo’n w’a lu sa tuun, yɛ ɔ tutu.+Min owie’m be nun’n yra min fiaan, lika m’ɔ lo’n ti.*
31 Kɛ bé yó sɛ’n, min jru’n yɛ be bo-ɔ,yɛ kɛ bé sún’n, min blo’n yɛ be bo-ɔ.
Ja ngua lɔ ndɛ mun
^ Ebr., “be nga be leman dunman’n.”
^ Ebr., “Be kpɛ min wun flɛn”, “Be di min wun asanse.”
^ Ebr., “ɔ kponzoli min ta’n i ɲanman’n nun’n.”
^ Be kwla se ekun kɛ “sran fi ukaman be.”
^ Ebr., “be fitifiti min owie mun.”
^ Be kwla se ekun kɛ “Ɲrɛnnɛn dan ng’ɔ o min su’n ti’n, be wunman min wlɛ kun.”
^ Be kwla se ekun kɛ “Kɛ á núnnún min’n, ɔ tɛ kɛ ɲanmiɛn yɛ ɔ su kpan kplannankplannan sa.”
^ Ebr., “yɔbuɛ kwle.”
^ Annzɛ “Be nga be cɛn’n timan pɔpɔ manman be’n.”
^ Be kwla se ekun kɛ “min wunnɛn m’ɔ lo’n ti.”
