Zɔbu 29:1-25
29 Zɔbu guɛli i ndɛ’n* su ekun. Ɔ seli kɛ:
2 “?Sɛ n sa min sin anglo nga be sinnin’n be su’n,i nun mɔ Ɲanmiɛn niannin min su’n nin?
3 Blɛ sɔ’n nun’n, ɔ fɛ i kannin’n kpaja min ti’n su,blɛ sɔ’n nun’n, i kannin’n ti’n n kwla nanti aosin tritri’n nun,+
4 kɛ ɔ́ yó sɔ’n, nn n te le wunmiɛn kpa,blɛ sɔ’n nun’n, min tannin sua’n nun lɔ’n, n wun kɛ e nin Ɲanmiɛn e ti janvuɛ,+
5 blɛ sɔ’n nun’n, nn Sran m’ɔ Kwla Like Kwlaa Yo’n nin min o nun,yɛ min mma’m* be kwlaa be bo sin yia min,
6 blɛ sɔ’n nun’n, min ja’m be takataka bɛli nun,yɛ ngo’n fin yɔbuɛ’m be nun sonji man min.+
7 Kɛ n kɔ klɔ’n i anuan’nnun lɔ’n,+mɔ n tran min bia’n su gua dan’n su lɛ’n,+
8 kɛ gbanflɛn’m be wun min’n, be cuɛn be wun,*yɛ sran oke mun bɔbɔ be jaso jran nglo.+
9 Sran dandan’m be ukeman be nuan.Be fa be sa’n sie be nuan’n su.
10 Be timan yasua nga be le ɲrun’n be nɛn’n.Be taaman’n mantan be lalolalo’n nun kpɛ.
11 Be nga be tie min ndɛ’n, be kan min wun ndɛ kpa,yɛ be nga be wun min’n, be di min ti lalo.
12 Afin n de yalɛfuɛ ng’ɔ kpan kɛ be ukɛ i’n,+nin ba ng’ɔ leman si’n, ɔ nin sran ng’ɔ leman sran naan w’a ukɛ i’n.+
13 Sran nga ɔ ka kan naan w’a wu’n, ɔ bo muae man min,+yɛ n yo maan angbeti bla’n i klun jɔ fɔuun.+
14 N fa sa nuan su sɛsɛ yolɛ’n n wlali min wun kɛ tralɛ sa.Jɔlɛ klanman nga n di’n, ɔ ti kɛ tralɛ tɛnndɛn* nga be wla’n nin tannin tanmue nga be fa cici be ti’n sa.
15 Min yɛ n ti aɲinsifuɛ’n i ɲinma’n niɔn,min yɛ n ti sran nga i ja’n yo i ya’n i ja’n niɔn.
16 Yalɛfuɛ’n i si’n yɛle min.+Be nga n siman be’n, n niannin be ndɛ’n nun n kannin.+
17 N bubuli sa tɛ yofuɛ’n i aoje’n,+yɛ n deli nnɛn ng’ɔ o i nuan nun’n.
18 N kɛnnin i titi kɛ: ‘Ń wú min bɔbɔ min awlo’n nun,+naan min cɛn’m bé sɔ́n kpanngban kɛ aunɲan sa.
19 Min olui’m bé trɛ́ lele bé jú nzue’m be nun,yɛ bɔlɛ’n ká min sama’m be su kɔnguɛ.
20 Min aɲrunɲan’n su kanman ase le,yɛ n su yaciman ta ng’ɔ o min sa nun’n i tolɛ le.’
21 Ndɛ nga ń má kán’n, yɛ sran’m be minndɛ i-ɔ,be gua bliin yɛ be minndɛ min afɔtuɛ’n niɔn.+
22 Kɛ n ko wie ijɔ’n, be leman ndɛ be kɛnmɛn i kun.Min ndɛ’n gua be su’n nun blɛblɛblɛ.*
23 Be minndɛ min kɛ be su minndɛ nzue’n sa.Be tran minndɛ min naan bé tíe min nuan ndɛ’n kɛ sran wie mɔ w’a minndɛ nzue kasiɛn ng’ɔ ko tɔ’n i lele’n sa.+
24 Kɛ n nian be mɔ n sri puɛɛ’n, ɔ bo be nuan.Kɛ be wun min ɲrun m’ɔ kpaja’n, be wla gua ase.*
25 N kleli be atin kɛ be su kpɛn wie sa,n kacili kɛ famiɛn kun m’ɔ nin i sonja’m be o’n sa,+n yoli kɛ sran kun m’ɔ fɔnvɔ be nga be sran w’awu’n sa.+
Ja ngua lɔ ndɛ mun
^ Ebr., “ɲanndra’n.”
^ Annzɛ “sufuɛ’m.”
^ Ebr., “be fia.”
^ Ebr., “tralɛ tɛnndɛn ng’ɔ leman sa’n.”
^ Ebr., “kpɛn kunngunngun.”
^ Be kwla se ekun kɛ “be kanman min ɲrun m’ɔ kpaja’n i ase.”
