Zɔbu 16:1-22
16 Zɔbu tɛli su kɛ:
2 “Ndɛ kɛ ngalɛ sa mun’n, m’an ti wie pɛ.Amun kwlakwla amun sran fɔnvɔlɛ’n be awlɛn-o!+
3 ?Naan ndɛ ngbɛnngbɛn’m* be su wieman le??Ngue yɛ ɔ su ɔ bo mɔ a tɛ su sɔ-ɔ?
4 N kwla ijɔ kɛ amun sa wie.Sɛ amun yɛ sa ng’ɔ o min su yɛ’n wo amun su’n,nn amun wun ndɛ nga ń má kán’n, saan bé fá su,kpɛkun kɛ n wun amun’n ń kéjekéje min ti’n.+
5 Sanngɛ n su yoman sɔ. Ń kán ndɛ ń fá wlá amun fanngan,yɛ fɔnvɔlɛ nga ń fɔ́nvɔ amun’n ti’n, amun wla gúa ase.+
6 Sɛ n ijɔ’n, min afɛ’n su kanman ase.+?Yɛ sɛ n yaci ijɔlɛ kusu’n, min afɛ’n kpɛ́ su jú nin?
7 Sanngɛ kɛ é sé yɛ’n, Ɲanmiɛn w’a yo lele n wunman min wun fɛ.+W’a nunnun min awlo wunmuan’n.*
8 Asa ekun’n, a bitili min, yɛ i sɔ’n w’a kaci kɛ lalofuɛ wie sa,M’an yo koklo lele min wunnɛn’n bɔbɔ jaso bu min fɔ.
9 I ya ng’ɔ fali’n w’a titi min nun, yɛ w’a fɛ i ɲin w’a ci min kpa liɛ su.+Kɛ ɔ wun min’n, ɔ di i je’n.Min kpɔfuɛ’n kplongblo i ɲinma’n nian min kaintɛ kpa.+
10 B’a trɛ be nuan nun gbawun min wun,+be kpacili min ɲrun’n nun tɛtɛ kpa.Be sɔnnin kpa, yɛ be bo w’a yo kun min wun.+
11 Ɲanmiɛn fa min wla gbanflɛn kanngan’m be sa nun,yɛ ɔ to min yi i klunwifuɛ’m be sa nun.+
12 N wo min olɛ lɛ diin, sanngɛ ɔ wa bubuli min nun.+Ɔ trali min kɔmin sin’n, kpɛkun ɔ kpɔtɔli min.Min wun yɛ ɔ to i ta mma mun-ɔn.
13 I ta tofuɛ’m be bo sin yia min.+Ɔ fitifiti min aklɛnzia’n,+ ɔ siman min aunnvɔɛ bɔɔ kaan sa.Ɔ bo min wiwi’n guɛ i asiɛ wun.
14 W’a fitifiti min lelele.Ɔ tɔ min su kɛ alɛ kunfuɛ wie sa.
15 N kpali bajɛ tralɛ naan m’an fa kata min wunnɛn’n su,+yɛ n fali ɲrun* nga n le i’n n wlɛli i ase, ndutre’n nun.+
16 M’an sun lele min ɲrun’n w’a blo kankankan,+yɛ min ɲinma bui mun b’a dun sa tuun,*
17 Kusu nn m’an yoman sa kekleekle wie fi,yɛ srɛlɛ nga n srɛ’n fiɛn kaan sa nunmɛn i wun.
18 Asiɛ, nán kata min mmoja’n su.+Nán maan kpanlɛ nga ń kpán yɛ’n ɲan wunmiɛn lowlɛ.
19 Kɛ é sé yɛ bɔbɔ’n, min lalofuɛ’n wo ɲanmiɛn su lɔ.Sran ng’ɔ kwla di min ti lalo’n wo nglo lɔ.
20 Kɛ min janvuɛ’m bé srí min’n,+Nn ń sún flɛ́* Ɲanmiɛn.+
21 Maan be kpɛ sran kunnin Ɲanmiɛn be afiɛn ndɛ’n nun,Kɛ sran kun fa kpɛ sran nin sran be afiɛn ndɛ’n nun’n sa.+
22 Afin afuɛ nga be ka’n, b’a sɔnman.Kpɛkun ń fá atin nga sran fa su-ɔ, ɔ sɛmɛn i sin kun’n.+
