Zɔbu 26:1-14

  • Zɔbu tɛli su (1-14)

    • “W’a uka sran ng’ɔ leman wunmiɛn’n nin-o!” (1-4)

    • ‘Ɲanmiɛn fa asiɛ’n sende i lika m’ɔ nannan lɛ ngbɛn’n nun’ (7)

    • ‘Ninnge nga Ɲanmiɛn yo be’n, i bue kaan sa yɛ ɔ o lɛ-ɔ’ (14)

26  Zɔbu tɛli su kɛ: 2  “Nanwlɛ, w’a uka sran ng’ɔ leman wunmiɛn’n nin-o!W’a de sran ng’ɔ leman fanngan’n nin-o!+  3  Afɔtuɛ nga a fa mannin sran ng’ɔ siman ngwlɛlɛ’n,+ ɔ ti kpa-o!W’a yi ɔ ngwlɛlɛ’n* i nglo dan-o!  4  ?Wan li yɛ a su kan ndɛkle i-ɔ??Wan yɛ ɔ fali ndɛ sɔ mun wlali ɔ nuan-ɔn?  5  Be nga be wuli mɔ be kwlaman like fi yo’n, be usu.Be o nzue mun nin be nun ninnge’m be bo.  6  Ndia’n* nun like fi timan fiawa Ɲanmiɛn* ɲrun,+ɔ wun lika nga like saci lɔ’n* i nun ninnge kwlaa.  7  Ɔ trɛ nglo lɔ lika’n nun sie i lika m’ɔ nannan lɛ ngbɛn’n su,+ɔ fa asiɛ’n sende i lika m’ɔ nannan lɛ ngbɛn’n nun.  8  Ɔ fa nzue mun wlɛ i i ɲanmiɛn ble’n nun.+Ɔ maan kannzɛ be yo nɔnnin bɔbɔ’n, ɲanmiɛn ble’n i nun kpukeman.  9  Ɔ kɛtɛ i famiɛn bia’n su naan b’a wunmɛn i,i ɲanmiɛn ble’n yɛ ɔ fa kata su-ɔ.+ 10  Ɔ ja awɛ* kun ɲanmiɛn’n nin jenvie’n be afiɛn.+Ɔ ja awɛ kun lika m’ɔ kpaja’n nin aosin’n be afiɛn. 11  Ɲanmiɛn m’ɔ la nglo lɔ plaii’n i takatakawlɛ’m be kejekeje.Fɔ ng’ɔ tuli be’n ti’n, be usu sa tututu. 12  Ɔ fɛ i tinmin’n kejekeje jenvie’n,+ɔ fɛ i ngwlɛlɛ’n fa fufu jenvie’n nun nnɛn sroesroe’n.*+ 13  Kɛ ɔ lo wunmiɛn sa’n, ɲanmiɛn su lɔ’n kpaja wauun.Ɔ fɛ i sa’n wɔ wuo nga i wun yo ndrɔn’n* ɔ bo nun bue kun lɔ. 14  Nian! Ninnge ng’ɔ yo be’n, i bue kaan sa yɛ ɔ o lɛ-ɔ.+Feliman ng’ɔ boli’n i bue kaan sa yɛ e tili-ɔ.?Sɛ ɔ ti sɔ’n, wafa ng’ɔ yo mɔ ɲanmiɛn tɛ kplannankplannan’n, wan yɛ ɔ wun i wlɛ-ɔ?”+

Ja ngua lɔ ndɛ mun

^ Annzɛ “ngwlɛlɛ ng’ɔ yo sa ye’n.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Ebr., “i.”
^ Annzɛ “Abadɔn.”
^ Ebr., “Like kukluku.”
^ Ebr., “Raabu.”
^ Annzɛ “seli’n.”

Copyrights for this publication