Zɔbu 18:1-21
18 Bildadi+ m’ɔ fin Sua i osu’n nun’n tɛli su kɛ:
2 “?Cɛn onin ko naan amun* a yaci ndɛ sɔ’m be kanlɛ?Maan amun kle kɛ amun wun sa wlɛ kan, naan e kusu e ijɔ.
3 ?Ngue ti yɛ amun bu e nnɛn-ɔn?+?Ngue ti yɛ amun bu e sinnglinfuɛ-ɔ?*
4 ?Sɛ ya nga w’a fɛ i lɛ ti’n, a titi ɔ bɔbɔ ɔ wun nun trɛtrɛɛtrɛ’n,ɔ dunman nun ti’n, bé tú asiɛ’n su??Annzɛ yɔbuɛ tanda’n tú i bó kɔ́ lika uflɛ?
5 Nian, klunwifuɛ’n i kannin’n núan,yɛ sin ng’ɔ trɔ’n i taaman’n su jueman kun.+
6 Saan i tannin sua’n i bo kannin’n lú tritritri,yɛ kannin ng’ɔ o i ti su nglo’n, ɔ́ núan.
7 I ja ng’ɔ tu i juejue su’n, ɔ́ gó nun,yɛ ajalɛ ng’ɔ fa’n, ɔ́ yí ibɔbɔ ase.+
8 Afin i ja’n fɛ́ i kó yí i tɛ kun nun,kpɛkun ɔ́ nántinánti i buɛbuɛ’n nun.
9 Aya kun trɛ́ i ja sin’n.Aya kun trɛ́ i.+
10 Asiɛ’n kata ɲanman ng’ɔ́ wá trɛ́ i’n su,aya kun wo i atin’n su lɔ su minndɛ i.
11 Sa sroesroe’m be fin wa be fin wa be tɔ i su,+yɛ be su i su lele be mɛntɛn i koko.
12 Wunmiɛn nunmɛn i nun kun,yɛ ɲrɛnnɛn’n ti’n,+ ɔ́ bó tanngan.*
13 I wunnɛn kplo’n tutu sa fofofo.Tukpacɛ ng’ɔ kun tɛ kpa’n,* ɔ didi i likalika mun.
14 I tannin sua m’ɔ la nun lɔ diin’n, be tu i nun,+kpɛkun ɔ nanti kɔ ɲrɛnnɛn’m be famiɛn’n* i wun lɔ.
15 Aofuɛ’m* bé lá i tannin sua’n nun.Bé fá sufru bé sánndi i sua’n su.+
16 I bo olui’m bé wú kee,yɛ i sama nga be o nglo’nbé glɔ́.
17 Be wla fí i su asiɛ’n su,akpɔ’m be su’n, sran fi su simɛn i dunman.*
18 Bé fɛ́ i lika kpajawa’n nun bé kɔ́ aosin tritri’n nun,yɛ bé kɛ́n i bo asiɛ m’ɔ yo like ye’n su.
19 Ɔ su ɲanman ba naan se kɛ osu nunfuɛ i nvle’n nunfuɛ’m be afiɛn,yɛ ɔ su ɲanman sran naan w’a kɛ i tranwlɛ’n nun.
20 Kɛ i cɛn’n ko ju’n, Wia Atɔliɛ lɔfuɛ’m be nuan bó be wun,yɛ Wia Afiliɛ lɔfuɛ’m be wun úsu be sa tututu.
21 Kɛ sa tɛ yofuɛ’m be tannin sua’m be yo kɛ ngalɛ’n sa,yɛ sran ng’ɔ siman Ɲanmiɛn’n, kɛ i lika liɛ’n yo sɔ wie-ɔ.”
