Zɔbu 36:1-33
-
Elii kannin Ɲanmiɛn i dan mɔ be kwlá wunmɛn i bo’n i ndɛ (1-33)
36 Elii seli ekun kɛ:
2 “Kɛ ń yíyí ndɛ’n nun’n, tra ɔ awlɛn kan ekun min wun,afin ń má kán ndɛ wie mun ekun Ɲanmiɛn dunman nun.
3 Ń má kán like kwlaa nga n si i’n i ndɛ,min Yifuɛ’n yɛ ń sé kɛ ɔ yo sa i nuan su sɛsɛsɛ-ɔ.+
4 Nanwlɛ, min ndɛ’m be timan ato ndɛ.Sran ng’ɔ si sa kwlakwla kpan’n,+ ɔ o ɔ ɲrun wa.
5 Ɲanmiɛn le tinmin,+ yɛ ɔ yiman sran fi blo.I sa wlɛ wunlɛ’n* cɛnnin.
6 Ɔ su sasaman klunwifuɛ’n i nguan’n,+sanngɛ ɔ di ɲrɛnnɛnfuɛ’n i jɔlɛ klanman mɛn i.+
7 Ɔ yimɛn i ɲin sran kpa’m be su.+Ɔ fa be nin famiɛn mun tran famiɛn bia’m be su,*+ kpɛkun be ɲan kɔmin tititi.
8 Sanngɛ sɛ b’a ci be nin jrɔkɔ’n,yɛ sɛ be o awlabɔɛ’n nun kɛ ɲanman wie yɛ w’a ci be sa’n,
9 ɔ yi sa nga be yoli’n i nglo kle be,Ɔ yi fɔnlɛ nga be wun tulɛ’n ti’n be fɔnnin’n i nglo kle be.
10 Fɔ tulɛ’n ti’n, ɔ tike be su’n,yɛ ɔ se be kɛ be kaci be sin be si sa tɛ yolɛ’n.+
11 Sɛ be fɛ i ndɛ’n su naan be su i’n,bé dí ye lele bé fá wú,bé dí aklunjɔɛ afuɛ kwlakwla.+
12 Sanngɛ sɛ be fɛmɛn i ndɛ’n su, tokofi kún be+yɛ be su siman like fi naan b’a wu.
13 Be nga be ndɛ nunman Ɲanmiɛn i ndɛ nun’n* klunngbɔ trán be klun.Kannzɛ bɔbɔ ɔ cili be’n, be su kpanman kɛ be uka be.
14 Kɛ bé wú’n, nn be te yo gbanflɛn,+be nin yasua nga be bo tekle amuin sua’m be nun mun yɛ be di mɛn-ɔn.*+
15 Sanngɛ kɛ ɲrɛnnɛnfuɛ’m bé wún be ɲrun’n, Ɲanmiɛn* de be.Kɛ bé míanmían be kplɔlɔlɔ’n, ɔ tike be su’n.
16 Ɔ cuɛn wɔ kɔ mmua naan awlabɔɛ’n w’a tɔmanɔ su,+ɔ fa ɔ kɔ lika gbawun kun nun, kan be mianmianman sran lɔ’n,+yɛ ɔ fa aliɛ kpakpa mun sie ɔ tabli’n su fa fɔnvɔ wɔ.+
17 I liɛ’n, jɔlɛ nga bé dí klunwifuɛ’n, ɔ́ jɔ́ ɔ klun,+kɛ ɔ́ yó sɔ’n, nn b’a bu ndɛ’n, yɛ b’a yo sa i nuan su sɛsɛ.
18 Nian ɔ wun su, nán maan ya dan’n su ɔ bo naan a yo abɔlɛ,*+yɛ nán maan adi ninnge lɔuun kpa wie mlin wɔ.
19 ?Kpanlɛ nga a kpan kɛ be uka ɔ’nannzɛ ɔ ɲin mɔ w’a miɛn i lele’n ti’n, ɲrɛnnɛn’n su tɔman ɔ su?+
20 Nán ɔ ɲin tran kɔnguɛ’n i sin,blɛ sɔ’n nun yɛ sran’m be tu be lika’n nun-ɔn.
21 Nian ɔ wun su naan w’a yoman sa tɛ,nán klo i tra ɲrɛnnɛn’n.+
22 Nian, Ɲanmiɛn i tinmin’n ti’n ɔ le ɲrun dan.?Like klefuɛ benin yɛ ɔ ti kɛ i sa-ɔ?
23 ?Wan yɛ ɔ kwla kle i ajalɛ,*+annzɛ ɔ kwla se i kɛ: ‘Like nga a yoli’n timan su-ɔ’?+
24 Maan ɔ wla kpɛn sa ng’ɔ yo be’n be manmanlɛ’n su,+sa sɔ mun yɛ sran’m be toli be ti jue-ɔ.+
25 Klɔ sran’m be kwlaa be wunnin sa sɔ mun,klɔ sran’m be jrannin mmua lɔ be niannin be siin.
26 Nanwlɛ, Ɲanmiɛn i dan m’ɔ ti’n e kwlá wunmɛn i wlɛ,+i afuɛ nga w’a di’n, e kwlá wunmɛn i wlɛ* bɔɔ kaan sa.+
27 Ɔ cuɛn nzue m’ɔ kpɛnkpɛn’n kɔ nglo.+Kpukpuwa’n yo kpikplikpi kpɛkun ɔ kaci nzue.
28 Kpɛkun ɲanmiɛn ble’m be yo maan nzue’n gua.+Ɔ gua kpanngban kpa klɔ sran’m be su.
29 ?Wafa nga ɲanmiɛn ble’m be siesie nglo lɔ’n, sran kun kwla wun i wlɛ??Kɛ ɲanmiɛn’n kpan kplannankplannan i tannin sua’n* nun lɔ’n, sran kun kwla wun i wlɛ?+
30 Nian wafa ng’ɔ fa ɲanmiɛn m’ɔ kpa sin piapia’n*+ fa kɛtɛ i tannin sua’n su’n,yɛ ɔ kata jenvie’n i bo lɔ’n* su.
31 Ninnge sɔ mun yɛ ɔ fa nian sran’m be lika-ɔ.*Ɔ man be aliɛ kpanngban kpa.+
32 Ɔ fɛ i sa kata ɲanmiɛn m’ɔ kpa sin piapia’n su,kpɛkun ɔ kle i lika ng’ɔ fata kɛ ɔ wɔ’n.+
33 I ɲanmiɛn m’ɔ kpan kplannankplannan’n kɛn i balɛ’n i ndɛ,nnɛn’m be bɔbɔ be bo sran* ng’ɔ su ba’n i jɔ.
Ja ngua lɔ ndɛ mun
^ Ebr., “awlɛn’n.”
^ Be kwla se ekun kɛ “ɔ sie famiɛn mun.”
^ Annzɛ “Be nga be nin Ɲanmiɛn b’a bu’n.”
^ Be kwla se ekun kɛ “yɛ be wie be mɛn’n i di-ɔ.”
^ Ebr., “Ɔ.”
^ Annzɛ “naan a bo ndɛ awlabɔɛ’n ti.”
^ Be kwla se ekun kɛ “kɛn i wun ndɛ”, “se i kɛ ɔ wa kan sa ng’ɔ yoli’n i ndɛ.”
^ Ebr., “e kwlá simɛn i nuan.”
^ Ebr., “kpata’n.”
^ Ebr., “kannin’n.”
^ Ebr., “i olui mun.”
^ Be kwla se ekun kɛ “ɔ fa kpli sran’m be ti-ɔ.”
^ Be kwla se ekun kɛ “like.”
