Zɔbu 28:1-28
28 “Ɔ le lika kun mɔ be ko tu sika’n niɔn,yɛ ɔ le sika ɔkwlɛ mɔ be yi i nun fiɛn’n i lika liɛ.+
2 Be tu blalɛ’n asiɛ’n nun,yɛ be klo yɔbuɛ mun yɛ be yi aaba’n niɔn.+
3 Sran’n kwla aosin tritri’n.Ɔ niannian aosin nin lika tritri kpa’n nun,naan ɔ́ kúnndɛ yɔbuɛ kpakpa mun.
4 Ɔ ko kpɛ kunman kun sran’m be tranwlɛ’n i sin mmuammua kpa lɔ,sran’m be wla fili lika sɔ mun, be nanti sinman lɔ bɔɔ kaan sa.Sran wie’m be jra lɔ, yɛ be sende ɲanman’m be su tekaantekaan.
5 Asiɛ’n su yɛ like nga be di’n ɔ fifi-ɔ.Sanngɛ i bo lɔ liɛ’n, ɔ ti wluwluwlu kɛ sin wie o lɔ sa.*
6 Lɔ’n, safii o yɔbuɛyɔbuɛ’m be nun,yɛ sika ɔkwlɛ’n o ndutre’n nun.
7 Anunman nga be di nnɛn’n, be wie fi be siman atin’n,kotoklo ble’n i ɲinma’n w’a wunmɛn i.
8 Nnɛn nga be yo sro’n, be nun wie fi w’a tiaman su.Asɔmɔli gbanflɛn’n w’a sinman lɔ.
9 Sran’n fɛ i sa’n fin yɔbuɛ kekleke’n.Ɔ fu buɛ oka’m be bo lɔ lele ɔ utu be ɲin ase.
10 Ɔ kpɛ buɛ yɔbuɛ tanda’n nun naan nzue sonji+ sin nun.I ɲinma’n sie ninnge kpakpa kwlaa be nzɔliɛ.
11 Ɔ tannin nzue ba’m be ɲinma’n,kpɛkun ɔ fa like ng’ɔ ti fiawa’n fite weiin’n nun.
12 ?Sanngɛ ngwlɛlɛ’n, nin yɛ be kwla wun i-ɔ?+?Yɛ nin yɛ sa wlɛ wunlɛ’n i bo’n wo-ɔ?+
13 Sran fi wunmɛn i kpa m’ɔ ti’n i wlɛ,+yɛ be kwlá wunmɛn i be nga be ɲin o su’n be mɛn’n nun.
14 Nzue bunman’m be se kɛ: ‘Ɔ nunman e nun!’Yɛ jenvie’n waan: ‘Ɔ nunman min wun wa!’+
15 Be fa sika ɔkwlɛ jrɛiin be to-ɔ, ɔ yoman ye.Yɛ sɛ be sunnzun sika be man’n, be kwlá ɲɛnmɛn i.+
16 Be fa Ofii lɔ sika ɔkwlɛ’n+ wie be to-ɔ, ɔ yoman ye,yɛ be fa oniksi mɔ be ɲɛnmɛn i ngbɛnngbɛn’n nin safii be to-ɔ, ɔ yoman ye.
17 Be kwlá faman sika ɔkwlɛ nin vɛli be sunnzunmɛn i.Sɛ be fa kpongbo m’ɔ ti sika ɔkwlɛ jrɛiin* be man’n, be kwlá ɲɛnmɛn i.+
18 Be boman korai* nin klistali be su diman jɔlɛ,+afin ngwlɛlɛ bajɛ kun ti kpa tra nɛnnglɛnman bajɛ kun lelele.
19 Be kwlá faman Kisi lɔ topazi’n+ sunnzunmɛn i.Be kwlá faman sika ɔkwlɛ jrɛiin bɔbɔ toman.
20 ?Sanngɛ nin yɛ ngwlɛlɛ’n fin-ɔn??Yɛ nin yɛ sa wlɛ wunlɛ’n i bo’n o-ɔ?+
21 Be fa fiali ninnge kwlaa nga be o nguan nun’n be wun,+yɛ anunman nga be tu sin nglo lɔ’n be wunmɛn i.
22 Like saciwlɛ’n nin wie’n be se kɛ:‘I nganniɛn yɛ ɔ guali e su’n nun-ɔn.’
23 Ɲanmiɛn yɛ ɔ si i sin atin’n niɔn.I kunngba cɛ yɛ ɔ si lika ng’ɔ tran’n niɔn.+
24 Ɔ nian lele ju asiɛ’n i tiwatiwa’m be su,yɛ ɔ wun ninnge kwlaa nga be o ɲanmiɛn’n i bo wa’n.+
25 Kɛ ɔ mannin aunmuan’n i fanngan+m’ɔ sunnzunnin nzue mun’n,+
26 kɛ ɔ mannin nzue ng’ɔ tɔ’n i mmla’n,+m’ɔ kleli nzue mɔ kɛ ɔ mlan tritritri’n, aunmuan’n fita kpɛkun ɲanmiɛn’n tɛ kplannankplannan’n i atin’n,+
27 yɛ ɔ wa wunnin ngwlɛlɛ’n naan w’a yiyi nun.Ɔ fa bali kpɛkun ɔ kpɛli i bo niannin.
28 Yɛ ɔ seli klɔ sran’n kɛ:‘Nian, Zoova srolɛ’n yɛ ɔ ti ngwlɛlɛ’n niɔn,+kɛ be kaci be sin si sa tɛ’n yɛ ɔ ti sa wlɛ wunlɛ’n niɔn.’”+
Ja ngua lɔ ndɛ mun
^ Ɔ ti weiin kɛ wafa nga be yo naan b’a yi yɔbuɛ kpakpa mun’n i ndɛ yɛ ɔ kan-ɔn.
^ Annzɛ “nga be yili i nun fiɛn’n.”
^ Nian Ndɛ’m be bo tulɛ lika’n nun lɔ.
