Job 8:1-22
8 Katapos, hi Bildad+ nga Shuhita+ binaton:
2 “Tubtob san-o ka magyiyinakan hin sugad hini?+
An mga pulong han imo baba sugad la hin makusog nga hangin!
3 Babalikoon ba han Dios an hustisya,O babalikoon ba han Makagarahum-ha-ngatanan an katadongan?
4 Kon an imo mga anak nakasala ha iya,Igintugot niya nga sirotan hira tungod han ira pagtalapas;*
5 Pero kon masarig ka la ha Dios+
Ngan makikimalooy ha Makagarahum-ha-ngatanan para hin pag-uyon,
6 Ngan kon tinuod ka nga putli ngan matadong,+Maghahatag hiya hin atensyon ha imo*
Ngan ibabalik ka niya ha lugar nga angay ha imo.
7 Ngan bisan kon minos an imo tinikangan,Magigin mainuswagon gud an imo tidaraon.+
8 Alayon pakianhi an nahiuna nga henerasyon,Ngan tagi hin atensyon an mga butang nga nahibaroan han ira mga amay.+
9 Kay kakulop* la kita igin-anak, ngan waray kita hinbabaroan,Tungod kay an aton mga adlaw ha tuna sugad hin lambong.
10 Diri ba hira magtututdo ha imoNgan magsusumat ha imo han ira hinbabaroan?*
11 Matubo ba hin hitaas an tanom nga papiro kon waray hanang?
Matubo ba hin hitaas an tangbo kon waray tubig?
12 Samtang namumukad pa ito ngan waray pa utda,Mauuna pa ito kauga kay han iba nga tanom.
13 Ini an dadangatan* han ngatanan nga nahingangalimot ha Dios,Kay mahahanaw an paglaom han maraot nga tawo,*
14 Han tawo nga waray pulos an ginsasarigan
Ngan an iya gintataporan madali mautod pariho hin balay han lawa.*
15 Masandig hiya ha iya balay, pero mauutod ito;Maniniguro hiya pagkapot hito, pero diri ito mailob.
16 Usa hiya nga mahulos nga tanom nga nasisirakan han adlaw,Ngan an iya mga saha nanunubo ha bug-os nga garden.+
17 Ha tinambak nga mga bato, nabalighot an iya mga gamot;Namimiling hiya hin balay dida ha mga bato.*
18 Kondi kon gabuton* hiya tikang ha iya lugar,Ito nga lugar magninigar ha iya ngan masiring, ‘Waray ko gud ikaw makita.’+
19 Oo, ha sugad hito hiya mawawara;*+
Katapos, may iba nga manunubo tikang ha tapotapo.
20 Sigurado nga diri isasalikway han Dios an mga nagtitipig han integridad,*Ngan diri niya susuportaran an* magraot nga mga tawo,
21 Kay iya pupun-on an imo baba hin pagtinawa
Ngan an imo mga im-im hin mga singgit han kalipay.
22 An mga nangangalas ha imo susul-otan hin kaarawdan,Ngan an tolda han magraot nga mga tawo mawawara na.”
Mga footnote
^ Lit., “Iya hira igintubyan ha kamot han ira pagtalapas.”
^ O “Magmamata hiya para ha imo.”
^ Ha iba nga lugar, “kahapon.”
^ Lit., “Ngan magpapagawas hin mga pulong tikang ha ira kasingkasing?”
^ Lit., “Sugad hito an mga dalan.”
^ O “han apostata.”
^ O “pariho hin lawa-lawa.”
^ O “Nagkikita hiya ha balay nga bato.”
^ O “lamuyon.”
^ O “ito an pagkawara han iya dalan.”
^ O “an mga waray ikasaway.”
^ Lit., “kakaptan an kamot han.”
