Job 30:1-31
30 “Yana gintataw-an nira ako+—Han kalalakin-an nga mas bata kay ha akon,Nga an mga tatay diri ko tutugotanHa pagbulig ha mga ayam nga nagbantay ha akon panon.
2 Ano an pulos ha akon han kusog han ira mga kamot?
An ira kusog nawara na.
3 Nanluluya hira tungod han kapobrehan ngan kagutom;Nangingitkit hira ha uga nga tunaNga nadaot na ngan waray naukoy.
4 Gintitirok nira an maasin nga herba tikang ha mga tanaman;An ira pagkaon amo an gamot han kahoy nga retama.
5 Ginpapaiwas hira ha komunidad;+Gin-guguliatan hira han mga tawo pariho han ira pagsinggit ha usa nga kawatan.
6 Naukoy hira ha mga bakilid han mga pangpang,*Ha mga buho ha tuna ngan ha mga bato.
7 Tikang ha mga tanaman naguliat hiraNgan nagpupurumpon ha butnga han tunukon nga mga tanom.
8 Sugad nga mga anak han mga tawo nga waray buot ngan han mga tawo nga waray ngaran,Ginpaiwas hira* ha tuna.
9 Kondi yana ira ako ginmiminos bisan ha ira mga kanta;+Nagin irinsultuhon* nira ako.+
10 Nadiri hira ha akon ngan napahirayo ha akon;+Diri hira nag-aalang pagtupra ha akon nawong.+
11 Tungod kay an Dios nagkuha han akon armas* ngan nagpaubos ha akon,Nawawad-an hira hin pagpugong* ha akon atubangan.
12 Ha akon too nabuhát hira pariho hin masamok nga grupo;Ira ako ginpapapalagiwPero ha akon aragian nagbubutang hira hin mga ulang basi madaot ako.
13 Ira gin-guguba an akon mga dalanNgan ginpapaduro an akon kakurian,+Ngan waray bisan hin-o nga nagpapaundang ha ira.*
14 Nagkakaabot hira nga sugad hin naagi ha daku nga guhang han pader;Padayon hira nga naabante bisan pa han kagubaan.
15 Nahahadlok gud ako;An akon dignidad sugad hin ginpapalid han hangin,Ngan an akon katalwasan nawawara sugad hin dampog.
16 Yana an akon kinabuhi* nagtitikawara ha akon;+An mga adlaw han pag-antos+ nangangapot ha akon.
17 Ha gab-i an kaul-ol nanunusok ha akon mga tul-an;*+
An kangutngot diri gud naundang.+
18 Tungod han daku nga pwersa an akon bado nababag-o an hitsura;*
Pariho han kwelyo han akon bado, natitilo ako hito.
19 Iginlabog ako han Dios ngadto ha lapok;Nagin tapotapo ngan abo na la ako.
20 Nangangaraba ako ha imo para hin bulig, pero diri mo ako ginbabaton;+Natindog ako, pero nagkikinita ka la ha akon.
21 Waray kalooy nga ginkontra mo ako;+Imo ako gin-aatake pinaagi han bug-os nga kusog han imo kamot.
22 Imo ako ginpupurot ngan gindadara pinaagi han hangin;Katapos imo ako iginpapalid-palid pinaagi han bagyo.*
23 Kay maaram ako nga imo ako dadad-on ngadto ha kamatayon,Ngadto ha balay diin magkikirigta an ngatanan nga buhi.
24 Pero waray bisan hin-o nga bug-os nga magbubungkag ha tawo nga waray mahihimo*+Samtang nangangaraba hiya para hin bulig ha panahon han iya kakurian.
25 Waray ko ba tangisi an mga nagkukuri?*
Waray ba ako* masubo para ha mga pobre?+
26 Bisan kon naglaom ako hin kaopayan, karaotan an inabot;Naglaom ako hin kalamrag, kondi kasisidman an inabot.
27 An pag-ukay ha akon tiyan diri naundang;An mga adlaw han pag-antos inabot ha akon.
28 Naglalakat-lakat ako nga masurub-on;+ waray sirak.
Ha butnga han katawohan, nabuhát ako ngan nangangaraba para hin bulig.
29 Nagin bugto ako han mga tsakal*Ngan kaupod-upod han mga anak nga babayé han ostrits.+
30 An akon panit nangingitom ngan nagbabakbak;+An akon mga tul-an sugad hin nasusunog tungod han kapaso.*
31 An akon arpa gin-gagamit para la ha pagtaguminatay,Ngan an akon plawta para ha aringasa han pagtangis.
Mga footnote
^ Lit., “Ginlatigo hira tipagawas.”
^ Lit., “darahunon; puplunganon.”
^ Lit., “nagbadbad han higot han akon bawog.”
^ O “Iginlalabog nira an renda.”
^ O posible nga “waray bisan hin-o nga nabulig ha ira.”
^ O “kalag.”
^ Lit., “an akon mga tul-an ginbabarina.”
^ O posible nga “Tungod han akon duro nga pag-antos nabag-o an akon hitsura.”
^ O posible nga “imo ako ginbubungkag nga may hagubuhob han makusog gud nga hangin.”
^ Lit., “ha usa nga tambak han kagubaan.”
^ O “an mga nagkukuri ha bug-os nga adlaw?”
^ O “an akon kalag.”
^ Ha Ingles, jackal.
^ O posible nga “hiranat.”
