Job 29:1-25
29 Hi Job nagpadayon ha iya diskurso,* nga nasiring:
2 “Kon aadto la unta ako ha naglabay nga mga bulan,Ha mga adlaw nga an Dios nagbabantay pa ha akon,
3 Han ginpapasanag pa niya ha akon ulo an iya lampara,Han naglalakat pa ako ha kasisidman pinaagi han iya kalamrag,+
4 Han* makusog pa ako,Han inaabat pa ha akon tolda an pakigsangkay han Dios,+
5 Han kaupod ko pa an Makagarahum-ha-ngatanan,Han nakapalibot pa ha akon an akon mga anak,*
6 Han ginhuhugasan pa hin mantikilya an akon mga aragian,Ngan an mga bato nagpapagawas pa para ha akon hin mga sapa hin lana.+
7 Han nagawas pa ako ngadto ha ganghaan han syudad+Ngan nalingkod didto ha plasa,+
8 An batan-on nga mga lalaki nakakakita ha akon ngan napiliw,*Ngan bisan an lagas nga mga lalaki nabuhát ngan nagpapabilin nga natindog.+
9 An mga prinsipe nagpupugong ha pagyakan;Gintatak-oman nira an ira baba.
10 An mga tingog han prominente nga mga tawo diri na nababatian;An ira dila napilit ha ira ngalangala.
11 An bisan hin-o nga nakakabati ha akon nagyayakan hin maopay mahitungod ha akon,Ngan an mga nakakakita ha akon nagpapamatuod para ha akon.
12 Kay akon gintatalwas an pobre nga nangangaraba para hin bulig,+Pati na an bata nga waray tatay ngan an bisan hin-o nga waray nabulig.+
13 An tawo nga tikamatay nagbibendisyon ha akon,+Ngan ginpalipay ko an kasingkasing han balo nga babaye.+
14 Nagsul-ot ako hin pagkamatadong sugad nga akon bado;An akon hustisya pariho hin hilaba nga bado* ngan hin putos ha ulo.
15 Nagin mga mata ako han buta
Ngan mga tiil han piay.
16 Nagin tatay ako han mga pobre;+Nag-iimbistigar ako han kaso han mga tawo nga diri ko kilala.+
17 Ginbabari ko an mga panga han magburuhat hin sala+Ngan gin-aagaw an biktima tikang ha iya mga ngipon.
18 Nasiring ako hadto, ‘Mamamatay ako ha akon kalugaringon nga balay,*+
Ngan an akon mga adlaw magigin sugad kadamu han mga baras.
19 An akon mga gamot makanap ngadto ha katubigan,Ngan an tun-og magpapabilin ha akon mga sanga ha bug-os nga gab-i.
20 An akon dungog pirme bag-o,Ngan an bawog ha akon kamot padayon nga magpapana.’
21 An mga tawo namamati nga may ginpapamulat;Hilom nga naghuhulat hira han akon sagdon.+
22 Katapos ko magyakan, waray na hira naisisiring;An akon mga pulong nasulod hin hinay-hinay* ha ira mga talinga.
23 Naghuhulat hira ha akon pariho han paghulat ha uran;Nanganga hira hin daku nga sugad hin naghuhulat ha uran ha katsaringsing.+
24 Kon nahiyom ako ha ira, haros diri hira makatoo;An kahayag han akon nawong nagpapasarig ha ira.*
25 Gintatagan ko hira hin instruksyon sugad nga ira ulo,Ngan nagkinabuhi ako pariho hin hadi ha butnga han iya mga sundalo,+Pariho hin tawo nga nagliliaw han mga nagtataguminatay.+
