Job 12:1-25
12 Katapos, hi Job binaton:
2 “Sigurado nga kamo an katawohan nga maaram,*Ngan an kinaadman mamamatay kaupod niyo!
3 Kondi may pagsabot* liwat ako.
Diri ako ubos ha iyo.
Hin-o an diri maaram hini nga mga butang?
4 Nagin pataraw-an ako ha akon mga kaupod,+Kay nagtatawag ako ha Dios ngan naglalaom hin baton.+
Ginhihimo nga pataraw-an an tawo nga matadong ngan waray ikasaway.
5 An tawo nga mahimyang an kahimtang nagtatamay ha kadaot,Naghuhunahuna nga para la ito ha mga tawo nga nagkikiang-kiang* an mga tiil.*
6 An mga tolda han mga tulisan may kamurayawan,+Ngan talwas an mga tawo nga nagpapasina ha Dios,+An mga tawo nga an ira dios aada ha ira mga kamot.
7 Kondi alayon pakianhi an mga hayop, ngan tututdoan ka hito;Pati an mga tamsi ha langit, ngan susumatan ka hito.
8 O tagda an* tuna, ngan tututdoan ka hito;Ngan ipapahayag ito ha imo han mga isda ha dagat.
9 Hin-o hini ngatanan an diri maaram
Nga an kamot ni Jehova an nagbuhat hini?
10 Aada ha iya kamot an kinabuhi han tagsa nga buhi nga linarang*
Ngan an espiritu* han tagsa nga tawo.*+
11 Diri ba an talinga nag-uusisa hin mga pulongSugad la nga an dila* natilaw hin pagkaon?+
12 Diri ba an kinaadman aada ha mga lagas,+Ngan diri ba an pagsabot aada ha mga tawo nga hilawig an kinabuhi?
13 Usa hiya nga Dios nga may kinaadman ngan gahum;+May-ada hiya katuyoan ngan pagsabot.+
14 Kon may ginbubungkag hiya, diri na ito matutukod utro;+An iya na ginsadhan, waray tawo nga makakaabri.
15 Kon ginpupugngan niya an katubigan, nahubas an ngatanan;+Kon ginbubuhian niya ito, nabaha an tuna.+
16 May-ada hiya kusog ngan praktikal nga kinaadman;+Panag-iya niya an nahisisimang ngan an nagsisimang;
17 An mga magsaragdon iya ginpapalakat nga waray sapin an tiil,*Ngan an mga hukom iya ginhihimo nga mga lurong.+
18 Iya ginbabadbad an mga gapos nga iginbubutang han mga hadi,+Ngan iya ginpapahaan an ira hawak.*
19 An mga saserdote iya ginpapalakat nga waray sapin an tiil,+Ngan iya gintatangtang an mga tawo nga marig-on nga nakaestablisar an gahum;+
20 Iya ginpapahilom an masasarigan nga mga magsaragdonNgan ginkukuha an maopay nga panhunahuna han lagas nga kalalakin-an;*
21 Nagpapahayag hiya hin pagtamay ha mga dungganon,+Ngan iya ginhihimo nga maluya an mga gamhanan;*
22 Nagsusumat hiya hin higlarom nga mga butang tikang ha kasisidman,+Ngan an duro nga kasisidman iya gindadara ha kalamrag;
23 Nagpapakusog hiya hin mga nasud basi bungkagon hira;Nagpapahaluag hiya hin mga nasud basi madistyero niya hira.
24 Ginkukuha niya an pagsabot* han mga lider han katawohanNgan ginpapahinabo niya nga maglinakat-lakat hira ha mga disyerto nga waray dalan.+
25 Nangangapkap hira ha kasisidman,+ diin waray kalamrag;Ginpapahinabo niya nga magpatlaag hira pariho hin hubog nga mga tawo.+
Mga footnote
^ Lit., “kamo an katawohan.”
^ Lit., “kasingkasing.”
^ O “nahitatalindas.”
^ Ha iba nga lugar, “siki.”
^ O posible nga “pakiistorya ha.”
^ O “an kalag han kada tagsa nga buhi.”
^ O “gininhawa.”
^ Lit., “han ngatanan nga unod han tawo.”
^ Lit., “ngalangala.”
^ O “nga ginhukasan han ngatanan nga butang.”
^ Ha iba nga lugar, “kupsan.”
^ O “han mga tigurang.”
^ Lit., “ginbabadbad an paha han mga gamhanan.”
^ Lit., “kasingkasing.”
