Job 19:1-29
19 Hi Job binaton:
2 “Tubtob san-o niyo pag-iinaringiton an akon kalag*+Ngan pagdidinugmukon ako pinaagi hin mga pulong?+
3 Hinin napulo ka beses ginsaway* niyo ako;Diri kamo naaawod nga trataron ako hin maraot.+
4 Ngan kon nagsayop gud man ako,An akon sayop nagpapabilin ha akon.
5 Kon magpirit kamo nga pahitas-on an iyo kalugaringon labaw ha akon,Nga nasiring nga makatadunganon an pagpakaalo ha akon,
6 Hibaroi niyo nga an Dios an naglimbong ha akon,Ngan gindakop niya ako pinaagi han iya pukot nga panlit-ag.
7 Kitaa! Padayon ako nga nagsisininggit, ‘Kamadarahog!’ kondi waray nabaton ha akon;+Padayon ako nga nangangaraba para hin bulig, kondi waray hustisya.+
8 An akon aragian iya gin-ulangan hin pader nga bato, ngan diri ako nakakaagi;Iya gintabonan hin kasisidman an akon mga dalan.+
9 Iya ako ginhukasan han akon kadungganan
Ngan ginkuha an korona tikang ha akon ulo.
10 Iya ako ginbubungkag tubtob nga mawara ako;An akon paglaom iya gin-gagabot sugad hin kahoy.
11 An iya kasina naglalaga kontra ha akon,Ngan iya ako gintatagad sugad nga iya kaaway.+
12 An iya mga sundalo urosa nga nagkakaabot ngan naglilikos ha akon,Ngan nagkakampo hira ha palibot han akon tolda.
13 An akon mismo kabugtoan iya ginpaiwas pahirayo ha akon,Ngan an mga nakilala ha akon dinistansya ha akon.+
14 Waray na an akon duok nga mga kaupod,*Ngan ginkalimtan na ako han mga tawo nga kilala ko gud.+
15 Para ha mga bisita ha akon balay+ ngan ha akon mga uripon nga babaye usa ako nga estranghero;Ha ira pagkita usa ako nga dayo.
16 Gintatawag ko an akon surugoon, kondi diri hiya nabaton;Pinaagi han akon baba nakikimalooy ako ha iya nga pumaid ha akon.
17 An akon mismo gininhawa nagin mangil-ad ha akon asawa,+Ngan mabaho ako ha akon mismo kabugtoan.*
18 Bisan an gudtiay nga kabataan nagtatamay ha akon;Kon nabuhát ako, ginyayaangyaangan nira ako.
19 An ngatanan ko nga duok nga sangkay nadiri na ha akon,+Ngan an akon mga hinigugma nakontra na ha akon.+
20 An akon mga tul-an nadukot ha akon panit ngan ha akon unod,+Ngan haros diri ako makatalwas ha kamatayon.*
21 Kaloy-i niyo ako, mga kaupod ko, kaloy-i niyo ako,Kay ginhampak ako han kamot mismo han Dios.+
22 Kay ano nga padayon niyo ako nga gintitimaraot pariho han ginbubuhat han Dios,+Ngan diri kamo naundang ha pag-atake ha akon?*+
23 Kon iginsurat la unta an akon mga pulong,Kon naisurat la unta ito ha usa nga libro!
24 O kon igin-ukit la unta ito ha bato ha kadayonan,Pinaagi hin pansurat nga puthaw ngan hin tingga!
25 Kay maaram gud ako nga buhi an akon paratubos;+Ha urhi makanhi hiya ngan matindog ha bawbaw han tuna.*
26 Katapos madaot an akon panit,Samtang buhi pa ako,* makikita ko an Dios,
27 Nga makikita ko hin personal,Nga makikita han akon mismo mga mata, diri han mga mata han iba.+
Pero ha akon sulod nanluluya gud ako!*
28 Kay nasiring kamo, ‘Ha ano nga paagi naton hiya gintitimaraot?’+
Nga sugad hin ako an hinungdan han problema.
29 Kahadluki niyo an espada,+Kay an espada nagsisirot ha mga nagbubuhat hin mga sayop;Angay niyo hibaroan nga may-ada hukom.”+
Mga footnote
^ O “gin-insulto.”
^ O “akon mga paryente.”
^ Lit., “ha mga anak nga lalaki han akon tagoangkan,” karuyag sidngon, an tagoangkan nga nag-anak ha akon (an tagoangkan han akon nanay).
^ Lit., “Ngan nakakatalwas ako nga panit han akon mga ngipon na la an aadi ha akon.”
^ Lit., “Ngan diri na la matunghan ha akon unod?”
^ Lit., “ha bawbaw han tapotapo.”
^ O “Samtang aadi pa ha akon an akon unod.”
^ O “An akon mga kidney diri na nagana.”
