Job 32:1-22
32 Salit inin tulo nga lalaki inundang pagpangalimbasog ha pagbaton kan Job, kay kombinsido hiya han iya pagkamatadong.*+
2 Kondi nasina gud hi Elihu nga anak nga lalaki ni Barakel nga Buzita+ tikang ha pamilya ni Ram. An iya kasina naglarab kontra kan Job kay nangalimbasog hi Job nga pamatud-an nga husto hiya* imbes nga an Dios.+
3 Nasina gud liwat hiya ha tulo nga kaupod ni Job kay waray hira makaagi hin baton kondi ira iginpahayag nga maraot an Dios.+
4 Naghihinulat la hi Elihu nga bumaton kan Job, kay mas magurang hira ha iya.+
5 Han nakita ni Elihu nga an tulo nga lalaki waray na naibabaton, naglaga an iya kasina.
6 Salit hi Elihu nga anak ni Barakel nga Buzita nagtikang pagyakan, nga nasiring:
“Batan-on ako*Ngan kamo mga lagas na.+
Salit nagpugong ako sugad nga respeto,+Ngan waray ako mangahas pagsumat ha iyo han akon hinbabaroan.
7 Naghunahuna ako, ‘Magyakan unta an edad,*Ngan magpahayag unta hin kinaadman an kadamu han mga tuig.’
8 Kondi an espiritu nga aada ha katawohan,An gininhawa han Makagarahum-ha-ngatanan, an naghahatag ha ira hin pagsabot.+
9 An edad* diri la amo an nakakahimo nga maaramon ha usa nga tawo,Ngan diri la an lagas nga mga tawo an nakakasabot han kon ano an husto.+
10 Salit nasiring ako, ‘Pamati kamo ha akon,Ngan susumatan ko liwat kamo han akon hinbabaroan.’
11 Kitaa! Naghinulat ako han iyo mga pulong;Nagpinamati ako han iyo pangatadongan+Samtang naghihinunahuna kamo hin igyayakan.+
12 Namati ako hin maopay ha iyo,Kondi waray ha iyo nakagpamatuod nga sayop hi Job*O nakabaton han iya mga argumento.
13 Salit ayaw kamo pagsiring, ‘Nakaagi kami hin kinaadman;An Dios, diri an usa nga tawo, an nagpapamatuod nga sayop hiya.’
14 Diri ako an ginpuntirya han iya mga pulong,Salit diri ko hiya babatunon pinaagi han iyo mga argumento.
15 Nahahadlok hira, waray na hira naibabaton;Waray na hira naisisiring pa.
16 Naghulat ako, pero waray na hira magpadayon ha pagyakan;Nagtitinindog la hira, nga waray na iginbabaton pa.
17 Salit mabaton liwat ako;Magsusumat liwat ako han akon hinbabaroan,
18 Kay damu an akon isisiring;An espiritu ha sulod ko nag-aaghat ha akon.
19 An akon tiyan pariho hin bino nga waray ginhuhungawan,Pariho hin bag-o nga anit nga mga surudlan nga hirani na maburit.+
20 Payakna ako basi mag-opay an akon pag-abat!
Ibubuka ko an akon mga im-im ngan mabaton.
21 Diri ako magpapaurog ha bisan hin-o;+Ngan diri liwat ako mag-uulog-ulog* ha bisan hin-o nga tawo,
22 Kay diri ako maaram mag-ulog-ulog;Kon ginbuhat ko ito, ginpatay unta dayon ako Niya nga naghimo ha akon.
