Job 16:1-22
16 Hi Job binaton:
2 “Damu na nga butang nga sugad hini an akon nabatian hadto.
Kamo ngatanan nakakapaluya nga mga paraliaw!+
3 May kataposan pa ba an waray pulos nga mga pulong?
Ano an nakakaaghat ha imo nga bumaton ha sugad hini nga paagi?
4 Puydi liwat ako magyakan pariho han iyo pagyakan.
Kon kamo an aadi ha akon kahimtang,*Puydi ako maghimo hin makakombinse nga mga panyakan kontra ha iyo
Ngan magpilingpiling ha iyo.+
5 Kondi imbes nga buhaton ito, paparig-unon ko kamo pinaagi han mga pulong han akon baba,Ngan an pagliaw han akon mga im-im mag-iiban han iyo mga kasakit.+
6 Kon magyakan ako, diri naiibanan an akon kasakit,+Ngan kon humilom ako, naiibanan ba liwat an akon kasakit?
7 Kondi yana ginhimo niya ako nga maluya;+Iya ginbungkag an akon bug-os nga panimalay.*
8 Ginkakaptan mo liwat ako, ngan an akon kahimtang nagpapamatuod hito,Salit an akon mismo kagasa* nabuhát ngan nagtitestigo ha akon atubangan.
9 An iya kasina nagkuniskunis ha akon, ngan nagdudumot hiya ha akon.+
An iya mga ngipon nangingigot kontra ha akon.
Ginbubuno ako han akon kaaway pinaagi han iya mga mata.+
10 An ira baba ginbuka nira hin daku kontra ha akon,+Ngan may pagtamay nga gintampalo nira ako;Damu gud hira nga nagtitirirok kontra ha akon.+
11 Igintutubyan ako han Dios ngadto ha mga bata nga lalaki,Ngan iya ako igin-iitsa ngadto ha mga kamot han magraot.+
12 Murayaw ako, kondi iya ako ginsamok;+Ginrabot niya ako ha may liog ngan gindugmok ako;Katapos iya ako ginpuntirya.
13 Ginpapalibotan ako han iya mga parapamana;+Iya ginbubuno an akon mga kidney+ ngan diri nalolooy;Iya iginhuhuwad ha tuna an akon apdo.
14 Sugad ako hin pader nga pauroutro niya nga gin-guguhangan;Sugad hiya hin girriro nga nasulong ha akon.
15 Nagtahi ako hin sako nga panapton basi tabonan an akon panit,+Ngan iginlubong ko ha tapotapo an akon dignidad.*+
16 An akon nawong namula tungod han pagtinangis,+Ngan ha akon mga lukaplukap aada an duro nga kasisidman,*
17 Bisan kon an akon mga kamot waray ginbuhat nga kamadarahog
Ngan putli an akon pag-ampo.
18 O tuna, ayaw pagtabuni an akon dugo!+
Ngan diri unta magkaada lugar nga pahuwayan an akon pangaraba!
19 Bisan yana, an akon testigo aadto ha kalangitan;Hiya nga makakagtestigo para ha akon aadto ha kahitas-an.
20 Ginmiminos ako han akon mga kaupod+
Samtang an akon mata nagtitinangis ngadto* ha Dios.+
21 May-ada unta magin tagapamutnga han usa nga tawo ngan han Dios,Sugad la nga may tagapamutnga ha usa nga tawo ngan ha iya igkasi-tawo.+
22 Kay an mga tuig nga maabot pipira la,Ngan maglalakat ako ha dalan diin diri na ako makakabalik.+
