Job 39:1-30
39 “Maaram ka ba han panahon han pag-anak han mga kanding ha bukid?+
Nagkinita ka ba han igin-aanak han mga bugsok an ira mga nati?+
2 Gin-iihap mo ba an mga bulan nga kinahanglan nira makompleto?
Maaram ka ba han panahon han ira pag-anak?
3 Naluob hira kon igin-aanak nira an ira mga nati,Ngan natatapos an mga kaul-ol han ira pagbatî.
4 An ira mga nati nagigin makusog ngan nananagku nga layaw;Nabaya ito ngan diri na nabalik ha ira.
5 Hin-o an nagbuhi ha ihalas nga asno,*+
Ngan hin-o an nagbak-ad han mga higot han ihalas nga asno?
6 Ginhimo ko nga balay hito an disyerto nga kapataganNgan urukyan hito an maasin nga tuna.
7 Gintatamay hito an kasamok han syudad;Diri hito nababatian an mga guliat han paratugway.
8 Naglilibot-libot ito ha mga bungtod, namimiling hin panabsaban,Namimiling han tagsa nga berde nga tanom.
9 Andam ba magserbisyo ha imo an ihalas nga todo nga baka?+
Magpapalabay ba ito han gab-i ha imo kwadra?*
10 Mahihigot mo ba ha tudling an ihalas nga todo nga baka pinaagi hin pisi,O masunod ba ito ha imo ha pag-arado* ha walog?
11 Masarig ka ba ha pagin makusog gud hitoNgan papabay-an ito nga magtrabaho han imo mabug-at nga trabaho?
12 Masarig ka ba nga dadad-on hito ha imo an imo ani,*Ngan titirukon ba hito an mga lugas ngadto ha imo giriokan?
13 An mga pako han ostrits malipayon nga nagpapalapaka,Kondi an iya ba mga pako ngan barahibo maipapariho han kanan sigwenya?+
14 Kay ginbabayaan niya ha tuna an iya mga bonayNgan ginpapapaso niya ito ha tapotapo.
15 Nahingangalimtan niya nga bangin may makatamak hito ngan mapusa itoO bangin matamak-tamakan ito hin ihalas nga hayop.
16 Maraot an iya pagtratar ha iya mga anak, nga sugad hin diri ito iya;+Diri hiya nahahadlok nga bangin makarag la an iya ginkurian.
17 Kay an Dios waray maghatag ha iya hin* kinaadmanNgan waray hiya bahiní hin pagsabot.
18 Kondi kon nabuhát hiya ngan ginpapalapaka an iya mga pako,Gintataw-an niya an kabayo ngan an nasakay hito.
19 Ikaw ba an naghahatag ha kabayo han kusog hito?+
Ginsusul-otan mo ba an liog hito hin madakmol nga buhok?
20 Mapapalukso mo ba ito pariho hin duron?
Makaharadlok an makusog nga pagpusngak hito.+
21 Nagbabanyak-banyak ito ha tuna ha walog ngan nalilipay gud;+Nasulong ito ngadto ha girra.*+
22 Gintataw-an hito an kahadlok ngan waray ito ginkakahadlokan.+
Diri ito naatras tungod han espada.
23 An surudlan hin mga pana nalagatak ngada hito,Ngan an mga bangkaw nag-iidlap.
24 Tungod kay nangungurog ngan diri nakakahulat, naragudos ito,*Diri ito nahahawiran kon nababatian an* tunog han sungay.
25 Kon ginhuhuypan an sungay, naghihirihiri ito,Tikang ha hirayo nasisimhot hito an girraNgan nababatian an gugliat han mga kumander ngan an singgit han pakiggirra.+
26 Tungod ba han imo pagsabot an falkon malaksi nga nagtitipaigbaw,Nga ginbubuklad an mga pako hito tipakadto ha sur?
27 O tungod ba han imo sugo an agila nalupad tipaigbaw+Ngan naghihimo han salag hito ha kahitas-an,+
28 Nga nagpapalabay han gab-i ha pangpang,Nga naukoy ha balwarte hito ha hitaas nga bato?*
29 Tikang didto namimiling ito hin pagkaon;+An mga mata hito nagkikita ha hirayo gud.
30 An mga piyak hito nasupsop hin dugo;Ngan kon hain an mga ginpamatay, aadto ito.”+
Mga footnote
^ O “ha asno nga onager.”
^ O “tubongan han hayop.”
^ O “pagsurod.”
^ Lit., “binhi.”
^ Lit., “nagpahinabo nga hingalimtan niya an.”
^ Lit., “Nagawas ito basi tapoon an mga gamit nga pan-girra.”
^ Lit., “ginlalamoy hito an tuna.”
^ O posible nga “Diri ito natuod ha.”
^ Lit., “ha kataisan han usa nga hitaas nga bato.”
