Job 22:1-30
22 Hi Elipaz+ nga Temanita binaton:
2 “May pulos ba ha Dios an usa nga tawo?
May kapulsanan ba ha iya an bisan hin-o nga may hilarom nga pagsabot?+
3 Importante ba ha Makagarahum-ha-ngatanan* nga matadong ka,O may nakukuha ba hiya tungod kay nagkikinabuhi ka nga may integridad?+
4 Sisirotan ka ba niyaNgan dadad-on ha korte tungod han imo hilarom nga respeto ha iya?
5 Diri ba ito tungod kay duro gud an imo mismo karaotanNgan waray kataposan an imo mga sayop?+
6 Kay nakuha ka hin kolateral tikang ha imo kabugtoan hin waray hinungdan,Ngan ginhuhukasan mo an mga tawo han ira mga bado ngan ginbabayaan hira nga hubo.*+
7 An tawo nga kapoy diri mo gintatagan hin tubig nga maiinom,Ngan an ginugutom diri mo gintatagan hin pagkaon.+
8 An tuna gintatag-iya han tawo nga gamhanan,+Ngan an tawo nga ginpapaboran naukoy dida hito.
9 Kondi an mga balo nga babaye imo ginpabaya nga waray dara,Ngan an mga butkon han mga bata nga waray tatay* imo ginpaluya.*
10 Tungod hito napapalibotan ka hin mga lit-ag,*+
Ngan an tigda nga mga kasakitan nakakapahadlok ha imo;
11 Tungod hito masirom gud salit diri ka nakakakita,Ngan natatabonan ka hin baha.
12 Diri ba an Dios aadto ha kahitas-an han langit?
Ngan kitaa kon mationan-o kahitaas an ngatanan nga bitoon.
13 Kondi nagsiring ka: ‘Ano gud ba an hinbabaroan han Dios?
Makakaghukom ba hiya bisan kon madulom gud?
14 Ginsasalipdan hiya han mga dampog salit diri hiya nakita
Samtang naglalakat-lakat hiya ha arko* han langit.’
15 Susundan mo ba an kadaan nga dalanNga ginlaktan han magraot nga mga tawo,
16 Mga tawo nga gin-agaw* antes pa umabot an ira panahon,Nga an pundasyon gin-anod hin baha?*+
17 Nagsiniring hira ha tinuod nga Dios: ‘Pabay-i kami!’
Ngan ‘Ano an mahihimo ha amon han Makagarahum-ha-ngatanan?’
18 Kondi hiya an Dios nga nagpuno han ira mga balay hin mag-opay nga mga butang.
(An sugad nga maraot nga panhunahuna hirayo ha akon panhunahuna.)
19 An magtadong makita hini ngan magrarayhak,Ngan an inosente magmiminos ha ira ngan masiring:
20 ‘An amon mga kakontra ginbungkag,Ngan usa nga kalayo an mag-uugtang han nahisalin ha ira.’
21 Kilalaha Hiya, ngan magigin murayaw ka;Katapos, maabot ha imo an mag-opay nga mga butang.
22 Karawata an balaud tikang ha iya baba,Ngan tipigi ha imo kasingkasing an iya mga pulong.+
23 Kon bumalik ka ha Makagarahum-ha-ngatanan, ipapahiuli ka;+Kon kuhaon mo an pagkadiri-matadong tikang ha imo tolda,
24 Kon ilalabog mo an imo bulawan* ngadto ha tapotapoNgan an bulawan han Ofir+ ngadto ha batoon nga mga pangpang,*
25 An Makagarahum-ha-ngatanan an imo magigin bulawan,*Ngan hiya an imo magigin pinakamaopay nga silber.
26 Sugad man, sigurado nga magmamalipayon ka tungod han Makagarahum-ha-ngatanan,Ngan imo ihahangad an imo nawong ngadto ha Dios.
27 Manginginyupo ka ha iya, ngan mamamati hiya ha imo;Ngan imo tutumanon an imo mga saad.
28 Maglalampos an anoman nga imo didesisyonan nga buhaton,Ngan an kalamrag masanag ha imo aragian.
29 Kay pauubson ka kon arogante ka magyakan,Kondi tatalwason niya an mapainubsanon.*
30 Tatalwason niya an mga inosente;Salit kon malimpyo an imo mga kamot, sigurado nga tatalwason ka.”
Mga footnote
^ O “Nakakapalipay ba ha Makagarahum-ha-ngatanan.”
^ Lit., “ginhuhukas mo an mga bado han mga hubo.”
^ O “han mga ilo.”
^ Lit., “gindugmok.”
^ Lit., “mga lit-ag para ha tamsi.”
^ O “sirkulo.”
^ O “nga ginpahalipot an kinabuhi.”
^ Lit., “salog.”
^ O “mga tipik hin bulawan.”
^ O “mga tipik hin bulawan.”
^ O “an tawo nga an mga mata nagkikita ha ubos.”
