Job 41:1-34
-
Ginhulagway han Dios an Leviatan (1-34)
41 “Madadakop mo ba an Leviatan*+ pinaagi hin kawilO mapupugngan an dila hito pinaagi hin pisi?
2 Mabubutangan mo ba hin pisi* an mga buho han irong hitoO matutusok hin kaw-it* an mga panga hito?
3 Makikimalooy ba ito ha imo hin damu ka beses,O makikiistorya ba ito hin malumo ha imo?
4 Maghihimo ba ito hin kasabotan ha imo,Basi magin uripon mo ito ha kadayonan?
5 Uuyagan mo ba ito sugad hin pag-uyag ha tamsiO hihigtan ito para ha imo mga bata nga babaye?
6 Ibabaligya ba ito han mga nakadakop hito?
Pagbabahinbahinon ba nira ito ha mga negosyante?
7 Pupun-on mo ba an panit hito hin mga bulos*+O an ulo hito hin mga bangkaw para ha pangisda?
8 Ibutang an imo kamot ngada hito;Mahinunumdoman mo an imo pakig-away hito ngan diri mo na gud ito uutruhon!
9 Kawang la an bisan ano nga paglaom nga mapirde ito.
Mahahadlok ka gud* ha pakakita mo pa la hito.
10 Waray nangangahas nga labtan ito.
Salit hin-o an makakaato ha akon?+
11 May-ada ba nag-una ha paghatag ha akon hin bisan ano nga sadang ko hiya balosan?+
Akon an anoman nga aada ha ilarom han langit.+
12 Diri ako mahilom mahitungod han mga parte han lawas hito,Mahitungod han kusog hito ngan han lawas hito nga maopay an pagkaporma.
13 Hin-o an naghukas han pantungbaw nga bado hito?
Hin-o an masulod ha nakanganga nga mga panga hito?
14 Hin-o an makakapwersa pag-abri han baba hito?*
Makaharadlok an mga ngipon hito.
15 An likod hito may mga rumbay han mga hingbis*Nga sùsò an pagkaturugkop.
16 An kada tagsa sùsò gud nga nakatugkop ngadto ha sunodSalit waray hangin nga makakaagi ha butnga hini.
17 Napilit ini ha usa kag usa;Nagdudurugkot ini ngan diri magkakaburublag.
18 Pagpusngak hito, nagawas an mga idlap han kalamrag,Ngan an mga mata hito pariho han mga sirak ha kaagahon.
19 An mga idlap han kidlat nagawas ha baba hito;An mga bága nagkakalpad.
20 An mga buho han irong hito nagbubuga hin aso,Pariho hin hudno nga ginsungohan hin mga tikog.
21 An gininhawa hito nagpapalarab hin mga bága,Ngan may laga nga nagawas tikang ha baba hito.
22 Makusog gud an liog hito,Ngan nahahadlok gud an ngatanan nga iginkakatapo hito.
23 An mga suon han unod hito sùsò an pagkasurumpay;Matig-a ini ngan marig-on, nga sugad hin ginhurma tikang ha tinunaw nga metal.
24 An kasingkasing hito matig-a pariho hin bato,Oo, matig-a pariho hin ubos nga bahin han gilingan nga bato.
25 Kon nabangon ito, bisan an magkusog nahahadlok;An pamulopuko hito nakakapalisang.
26 Waray espada nga makakapirde hito;O bisan bangkaw, sugob, o pana.+
27 Para hito, an puthaw sugad la hin uhot,An tumbaga* sugad la hin dunot nga kahoy.
28 An usa nga pana diri nakakapaiwas hito;An mga bato nga iginlalabyog ngada hito nagigin sugad la hin dagami.
29 Para hito, an ibaralbag sugad la hin dagami,Ngan gintataw-an hito an paglagatak han bangkaw.
30 An ilarom nga bahin hito pariho hin magtais nga mga tipak hin daba;Nahapla ito ha lapok pariho hin garamiton ha paggiok.+
31 Ginpapakaladkad hito an kahiladman sugad hin tubig ha daba;Ginpapabura hito an dagat sugad hin haplas ha daba.
32 Nag-iiringgat an gin-aagian hito.
An usa nga tawo maghuhunahuna nga may uban an kahiladman.
33 Waray ito kapariho ha tuna,Usa nga linarang nga ginhimo nga waray nahahadlokan.
34 Ginkikinita hito an ngatanan nga mapahitas-on nga hayop.
Ito an hadi han ngatanan nga magkusog nga ihalas nga hayop.”
