Job 37:1-24
37 “Yana an akon kasingkasing napitik hin malaksiNgan nalukso tikang ha hinmumutangan hito.
2 Pamati hin maopay ha hagubuhob han iya tingogNgan ha dalugdog nga nagawas ha iya baba.
3 Iya ito ginbubuhian ha ilarom han bug-os nga kalangitan
Ngan iginpapadara an iya kidlat+ ngadto ha mga sidsid han tuna.
4 Katapos hito may nauwang nga tunog;Nagpapadalugdog hiya ha harangdon nga tingog,+Ngan diri niya ginpupugngan an kidlat kon nababatian an iya tingog.
5 An Dios nagpapadalugdog han iya tingog+ ha urusahon nga paagi;Nagbubuhat hiya hin urusahon nga mga buhat nga diri gud naton nasasabtan.+
6 Kay nasiring hiya ha niebe, ‘Kahulog ha tuna,’+
Ngan ha bunok han uran, ‘Pagbunok hin makusog.’+
7 Ginpapaundang han Dios an ngatanan nga ginbubuhat han mga tawo*Basi mahibaroan han tagsa nga mortal nga tawo an Iya buhat.
8 An ihalas nga mga hayop nasulod ha mga taragoan hitoNgan nagpapabilin ha mga luruk-an hito.
9 An makusog gud nga hangin nahuyop tikang ha hinmumutangan hito,+Ngan an mga hangin nga tikang ha norte nagdadara han kahagkot.+
10 Pinaagi han gininhawa han Dios, napuporma an yelo,+Ngan an haluag nga katubigan nagigin yelo.+
11 Oo, an mga dampog iya ginbubutangan hin bug-at pinaagi hin tubig;Iya iginpapasarang an iya kidlat+ ha mga dampog;
12 Nagbibirik-birik ito diin man niya ito ginpapakadto;Gintutuman hito an anoman nga iya iginsusugo+ ha bawbaw han inuukyan nga tuna.*
13 Ha pagsirot*+ man o para ha kaopayan han tunaO ha pagpakita han iya maunungon nga gugma, ginpapahinabo niya ito.+
14 Pamatii ini, Job;Undang ngan hunahunaa hin maopay an urusahon nga mga buhat han Dios.+
15 Maaram ka ba kon paonan-o ginkukontrol* han Dios an mga dampogNgan kon paonan-o hiya nagpapakidlat tikang ha iya dampog?
16 Maaram ka ba kon paonan-o naglulutaw-lutaw an mga dampog?+
Ini an urusahon nga mga buhat han Dios nga perpekto an kahibaro.+
17 Kay ano nga nagpapaso an imo badoKon an tuna diri nagkikiwa tungod han hangin nga tikang ha sur?+
18 Mabibitad* mo ba kaupod niya an kalangitan+Nga sugad katig-a hin metal nga espiho?
19 Sumati kami kon ano an sadang namon isiring ha iya;Diri kami makakabaton kay aadi kami ha kasisidman.
20 Sadang ba hiya sumatan nga karuyag ko magyakan?
O may ginsiring ba an bisan hin-o nga sadang ipahibaro ha iya?+
21 Diri ngani nira nakikita an kalamrag,*Bisan kon mapawa ito ha langit,Tubtob nga may hangin nga nalabay ngan naghahawan han mga dampog.
22 Tikang ha norte nagawas an kahayag nga sugad hin bulawan an kolor;An pagkaharangdon han Dios+ urusahon gud.
23 Diri naton masasabtan hin bug-os an mahitungod ha Makagarahum-ha-ngatanan;+Daku an iya gahum,+Ngan diri gud niya gintatalapas an iya hustisya+ ngan hura nga pagkamatadong.+
24 Salit sadang hiya kahadlokan han mga tawo.+
Kay diri niya gin-uuyonan an bisan hin-o nga naghuhunahuna nga maaramon hira.”*+
