Job 7:1-21
7 “Diri ba an kinabuhi han mortal nga tawo ha tuna pariho hin pinirit nga pagtrabaho,Ngan diri ba an iya mga adlaw pariho han mga adlaw han sinuholan nga trabahador?+
2 Pariho hin uripon, iya ginhihingyap an lambong,*Ngan pariho hin sinuholan nga trabahador, iya ginhuhulat an iya suhol.+
3 Tungod hito nakapanunod ako hin waray pulos nga mga bulan,Ngan ginbahinán ako hin mga gab-i nga may kasakitan.+
4 Kon nahigda ako napakiana ako, ‘San-o ako mabuhát?’+
Kondi samtang nag-iiha an kagab-ihon, naglilinurolimbag ako tubtob ha maagahon.*
5 An akon unod naputos hin mga ulod ngan bug-os-bug-os nga mga tuna;+An akon panit puno hin mga kugang ngan nana.+
6 An akon mga adlaw mas madagmit lumabay kay han lansadera hin parahablon,+Ngan natatapos ito nga waray paglaom.+
7 Hinumdumi nga an akon kinabuhi pariho han hangin,+Ngan an akon mata diri na gud utro makakakita hin kalipay.*
8 An mata nga nakakakita ha akon yana diri na makakakita ha akon;An imo mga mata mamimiling ha akon, pero waray na ako.+
9 Pariho hin dampog nga napapas ngan nawawara,An tawo nga nahingangadto ha Lubnganan* diri na nabalik.+
10 Diri na hiya mauli ha iya balay,Ngan diri na hiya makikita ha iya lugar.+
11 Salit diri ko pupugngan an akon baba.
Magyayakan ako tungod han duro nga kasakit han akon espiritu;Magrireklamo ako kay nasasakit gud ako!*+
12 Dagat ba ako o usa nga daku nga linarang ha dagat,Nga magbubutang ka hin gwardya ha akon?
13 Kon nasiring ako, ‘An akon katre magliliaw ha akon;An akon higdaan mabulig pag-iban han akon kasakitan,’
14 Imo ako ginlilisang pinaagi hin mga inopNgan ginhahadlok ako pinaagi hin mga bisyon,
15 Nga tungod hito pipilion ko* nga diri na guminhawa,Oo, pipilion ko an kamatayon imbes nga inin akon lawas.*+
16 Ginsusumhan na ako ha akon kinabuhi;+ diri ko na karuyag nga mabuhi pa.
Pabay-i na la ako, kay an akon mga adlaw pariho hin gininhawa.+
17 Ano ba an mortal nga tawo nga imo man hiya gintatagad
Ngan iginpupokus an imo atensyon* ha iya?+
18 Kay ano nga imo hiya gin-iinspeksyon kada aga
Ngan ginsasarihan hiya ha kada takna?+
19 Diri ka ba malingiw tikang ha akon
Ngan papabay-an ako tubtob nga matulon ko an akon laway?+
20 Kon nakasala ako, may mahihimo ba ako nga makakadaot ha imo, an Paraobserbar ha katawohan?+
Kay ano nga imo ako ginpupuntirya?
Nakakabug-at ba ako ha imo?
21 Kay ano nga diri mo ginpapasaylo an akon pagtalapas
Ngan diri ginpapalabay an akon sayop?
Kay diri mag-iiha mahigda na ako ha tapotapo,+Ngan mamimiling ka ha akon, pero waray na ako.”
