Job 28:1-28
28 “May lugar ha pagmina hin silberNgan may lugar para ha bulawan nga ira ginpupurog;+
2 An puthaw ginkukuha tikang ha tuna,Ngan an tumbaga* gintutunaw* tikang ha mga bato.+
3 Ginpipirde han tawo an kasisidman;Ha dulom ngan kasisidman ginsasahid niya pag-usisa an mga tubtobanHa pagpamiling hin presyoso nga mga metal.*
4 Nag-uukad hiya hin minahan hirayo ha gin-uukyan han mga tawo,Ha hinngalimtan na nga mga lugar, hirayo ha ginlalaktan han mga tawo;An pipira nga tawo nalusad ngan nagtatrabaho nga nakabitay.
5 An pagkaon natubo ha bawbaw han tuna;Pero ha ilarom, may duro nga kadaot nga sugad hin gin-agian hin kalayo.*
6 May sapiro didto ha mga bato,Ngan may bulawan ha tapotapo.
7 Waray tamsi nga mandaragit nga maaram han aragian tipakadto didto;An mata han itom nga banog waray makakita hito.
8 Waray magpintas nga mga hayop nga nagtamak-tamak hito;An bata pa nga leon waray mamiling hin pagkaon didto.
9 Ginpupukpok han tawo an matig-a nga bato pinaagi han iya kamot;Iya ginbabaliskad an kabukiran ha pundasyon hito.
10 Ginbubuhoan niya an bato basi maghimo hin mga aragian han tubig;+Nakikita han iya mga mata an tagsa nga marahalon nga butang.
11 Iya ginbubutangan hin ulang an mga burabod han mga salog
Ngan gindadara ha kalamrag an nakatago nga mga butang.
12 Kondi an kinaadman—diin ito hiaagian,+Ngan diin tikang an pagsabot?+
13 Waray tawo nga maaram han pagkaimportante hito,+Ngan diri ito hiaagian ha tuna han mga buhi.
14 An hilarom nga katubigan nasiring, ‘Waray ito ha akon!’
Ngan an dagat nasiring, ‘Waray didi ha akon!’+
15 Diri ito mapapalit pinaagi hin puro nga bulawan;Ngan diri ito mababalyoan hin bisan ano kabug-at nga silber.+
16 Diri ito mapapalit pinaagi han bulawan han Ofir+O pinaagi han marahalon nga onix ngan sapiro.
17 An bulawan ngan an salaming diri maitatanding hito;Ngan an surudlan nga hinimo ha maopay nga klase hin* bulawan diri maibabalyo hito.+
18 An korales ngan an kristal diri takos unabihon,+Kay an kinaadman mas birilhon kay han usa ka surudlan nga puno hin mga perlas.
19 An topas+ han Cus diri maitatanding hito;Diri ito mapapalit bisan pinaagi hin puro nga bulawan.
20 Kondi diin tikang an kinaadman,Ngan diin tikang an pagsabot?+
21 Igintago ito tikang ha mga mata han tagsa nga buhi nga linarang+
Ngan tikang ha mga tamsi ha langit.
22 An kabungkagan ngan an kamatayon nasiring,‘Sumat la mahitungod hito an nabatian han amon mga talinga.’
23 Maaram an Dios han dalan basi hiagian ito;Hiya la an maaram kon diin ito naukoy,+
24 Kay nagkikita hiya ngadto ha mga sidsid han tuna,Ngan nakikita niya an ngatanan ha ilarom han langit.+
25 Han gintagan niya hin pwersa* an hangin+Ngan gintakos an katubigan,+
26 Han naghimo hiya hin regulasyon para ha uran+
Ngan hin aragian para ha bunok nga may dalugdog,+
27 Nakita niya an kinaadman ngan iginsaysay ito;Iya gin-establisar ngan ginsarihan ito.
28 Ngan nagsiring hiya ha tawo:
‘Kitaa! An kahadlok kan Jehova—ito an kinaadman,+Ngan an pagbaya ha karaotan amo an pagsabot.’”+
