Job 23:1-17
23 Hi Job binaton:
2 “Bisan yana nga adlaw magrireklamo ako nga may katig-a han ulo;*+
An akon kusog naubos na tungod han akon panhayhay.
3 Kon maaram la unta ako kon diin hiaagian an Dios!+
Makadto ako ha lugar nga iya gin-uukyan.+
4 Ipipresenta ko ha iya atubangan an akon kasoNgan an akon baba pupun-on ko hin mga argumento;
5 Hibabaroan ko kon ano an iya ibabaton ha akon
Ngan pamamatian ko an iya isisiring ha akon.
6 Makikiglantugi ba hiya ha akon gamit an iya daku nga gahum?
Diri, sigurado nga pamamatian niya ako.+
7 Didto ha iya atubangan, matutuhay an kaso han matadong nga tawo,Ngan ig-aabswelto ako ha kadayonan han akon Hukom.
8 Pero kon kumadto ako ha este, waray hiya didto;Ngan pagkadto ko ha weste, diri ko hiya naaagian.
9 Kon nagtatrabaho hiya ha wala, diri ko hiya nakikita;Katapos napakadto hiya ha too, pero diri ko la gihapon hiya nakikita.
10 Pero maaram hiya han dalan nga akon gin-agian.+
Katapos niya ako sarihan, magawas ako nga sugad hin puro nga bulawan.+
11 An akon mga tiil sinunod hin maopay ha iya mga pitad;Ginsubay ko an iya dalan ngan waray sumimang.+
12 Waray ako bumulag ha sugo han iya mga im-im.
Gintipigan ko an iya mga pulong+ hin labaw pa kay han ginkinahanglan ha akon.*
13 Kon determinado hiya, hin-o an makakapugong ha iya?+
Kon may karuyag hiya* buhaton, ginbubuhat niya ito.+
14 Kay iya tutumanon hin bug-os an iya katuyoan para ha akon,Ngan damu nga sugad hito nga mga butang an iya igin-andam.
15 Ito an hinungdan nga nababaraka ako tungod ha iya;Kon nahuhunahuna ko hiya, nadudugangan an akon kahadlok.
16 An Dios naghimo ha akon nga talawan,Ngan an Makagarahum-ha-ngatanan nagpahinabo nga mahadlok ako.
17 Pero bisan an duro nga kasisidman waray makapahilom ha akon,Bisan kon gintabonan hito an akon nawong.
