Job 6:1-30
6 Katapos, hi Job binaton:
2 “Kon matitimbang la unta hin bug-os an akon duro nga kasakit+
Ngan maibubutang ito ha timbangan upod han akon kakurian!
3 Kay yana mas mabug-at ito kay han mga baras ha kadagatan.
Salit nakakayakan ako hin linurong nga mga pulong.*+
4 Kay gin-igô ako han mga pana han Makagarahum-ha-ngatanan,Ngan gin-iinom han akon espiritu an lara hito;+An makaharadlok gud nga mga butang tikang ha Dios nagrumbay kontra ha akon.
5 Mag-aaringasa ba an ihalas nga asno+ kon may banwa ito,O mainga ba an todo nga baka kon may tubong ito?
6 Makakaon ba an waray rasa nga pagkaon kon diri ito asinan,O may rasa ba an duga han tanom nga malvavisco?
7 Nadiri ako* pagkapot ha sugad nga mga butang.
Pariho ito hin hugaw ha akon pagkaon.
8 O matuman unta an akon ginhahangyoNgan ihatag unta han Dios an akon ginhihingyap!
9 Magin andam unta an Dios nga dugmukon ako,Ngan ig-unat unta niya an iya kamot ngan patayon ako!+
10 Kay bisan ito maghahatag ha akon hin pagliaw;Malukso ako tungod ha kalipay bisan pa han nagpapadayon nga kaul-ol,Kay waray ko igsalikway an mga pulong han Baraan nga Dios.+
11 May kusog ba ako nga magpadayon ha paghulat?+
Ngan ano an naghuhulat ha akon, nga padayon pa man ako nga mabubuhi?*
12 An akon ba kusog pariho han kusog han bato?
O an akon ba unod hinimo ha tumbaga?*
13 May paagi ba nga mabuligan ko an akon kalugaringonNga ginkuha man ha akon an ngatanan nga klase han bulig?
14 An bisan hin-o nga diri nagpapakita hin maunungon nga gugma ha iya igkasi-tawo+
Magsasalikway han kahadlok ha Makagarahum-ha-ngatanan.+
15 An akon mismo kabugtoan nagin sugad kalimbong+ han sapa ha kathagkot,Pariho han tubig han mga sapa ha kathagkot nga nahubas.
16 Nagsisirom ito tungod han yelo,Ngan dida hito nakatago an natutunaw nga niebe.
17 Kondi naabot an panahon nga nagmamara ito ngan nawawara;Ha panahon nga mapaso na, nahubas ito.
18 An agos hito nasimang;Nahingangadto ito ha disyerto ngan nawawara.
19 An mga karaban han Tema+ namimiling hito;An mga biyahero tikang ha Sheba*+ naghuhulat hito.
20 Naaawod hira kay nagsayop hira ha pagtapod;Napakadto hira didto basi la mapakyas ha ira ginlalaoman.
21 Kay para ha akon, nagin sugad kamo hito;+Nakita niyo nga makaharadlok gud an akon kakurian, ngan nahahadlok kamo.+
22 Nagsiring ba ako, ‘Tagi ako hin regalo,’
O naghangyo ba ako ha iyo hin bisan ano tikang ha iyo bahandi?
23 Naghangyo ba ako nga talwason ako tikang ha kamot han usa nga kaaway
O talwason* ako tikang ha mga nagtatalumpigos ha akon?
24 Tutdui ako, ngan mahilom ako;+Buligi ako nga masabtan an akon sayop.
25 An tangkod nga mga pulong diri masakit!+
Kondi ano an kapulsanan han iyo mga pagsaway?+
26 Nagpaplano ba kamo nga sawayon an akon mga pulong,An mga ginyayakan han desperado nga tawo,+ nga iginpapalid han hangin?
27 Magriripa liwat kamo para ha usa nga ilo+
Ngan igbabaligya* an iyo mismo sangkay!+
28 Salit yana lingi kamo ngan pagkita ha akon,Kay diri ako magbubuwa ha iyo mismo atubangan.
29 Alayon pamurubuota niyo utro—ayaw kamo paghunahuna hin maraot ha akon—
Oo, pamurubuota niyo utro, kay an akon pagkamatadong aadi la gihapon.
30 An akon ba dila nagyayakan hin kawaray-hustisya?
An akon ba ngalangala diri maaram nga may-ada problema?
