Job 35:1-16
35 Hi Elihu padayon nga binaton:
2 “Kombinsido ka gud ba nga husto ka salit nasiring ka,‘Mas matadong ako kay ha Dios’?+
3 Nasiring ka, ‘Ano an kapulsanan hini ha imo?*
Ano nga kaopayan an akon nakuha ha diri ko pakasala?’+
4 Babatunon ko ikawNgan an imo mga kaupod.+
5 Hangad ha langit ngan kitaa,Obserbari an mga dampog,+ nga mas hitaas kay ha imo.
6 Kon nakakasala ka, ha ano nga paagi mo hiya napapasakitan?+
Kon nagdadamu an imo mga pagtalapas, ano an imo nahihimo ha iya?+
7 Kon matadong ka, ano an imo naihahatag ha iya;Ano an iya nakakarawat tikang ha imo?+
8 Tawo la nga pariho ha imo an naaapektohan han imo karaotan,Ngan anak han tawo la an naaapektohan han imo pagkamatadong.
9 An katawohan nangangaraba kon duro gud an pagtalumpigos ha ira;Nangangaraba hira nga makatalwas tikang ha pagdominar* han mga gamhanan.+
10 Pero waray nasiring, ‘Hain an Dios, an Harangdon nga naghimo ha akon,+An nagpapahinabo nga kantahon ha gab-i an mga kanta?’+
11 Gintututdoan kita niya+ hin labaw pa kay ha mga hayop ha tuna,+Ngan ginhihimo kita niya nga mas maaramon kay ha mga tamsi ha langit.
12 An katawohan nangangaraba, pero diri hiya nabaton,+Tungod han pagpahitaas han magraot.+
13 Sigurado nga an Dios diri namamati ha waray pulos nga pangaraba;*+
An Makagarahum-ha-ngatanan diri naghahatag hin atensyon ngada hito.
14 Asay pa ba kon nagrireklamo ka nga diri mo hiya nakikita!+
An imo kaso aada ha iya atubangan, salit sadang mo hiya pamulaton.+
15 Kay an iya kasina waray mag-aghat ha iya nga magsirot;Ngan waray niya tigamni an imo waray hunahunaa nga mga panyakan.+
16 Waray pulos nga iginbubuka ni Job hin daku an iya baba;Damu an iya ginyiyinakan nga waray man hiya hinbabaroan.”+
