Job 13:1-28
13 “Oo, an akon mata nakakita hini ngatanan,An akon talinga nakabati ngan nakasabot hini.
2 An iyo hinbabaroan, hinbabaroan ko liwat;Diri ako ubos ha iyo.
3 Ha akon bahin, mas karuyag ko pa nga makiistorya ha Makagarahum-ha-ngatanan mismo;Karuyag ko ipakita ha atubangan han Dios nga makatadunganon an akon kaso.+
4 Kondi iyo ako ginpapakaraot pinaagi hin mga buwa;Kamo ngatanan waray pulos nga mga doktor.+
5 Kon magpabilin la unta kamo nga hilom gud,Ipapakita hito nga maaramon kamo.+
6 Alayon pamatii an akon mga argumento,Ngan tagi hin atensyon an mga pakimalooy han akon mga im-im.
7 Magyayakan ba kamo hin diri matadong sugad nga pagdepensa ha Dios,Ngan magyayakan ba kamo ha malimbong nga paagi para ha iya?
8 Madapig ba kamo ha iya,*Mangangalimbasog ba kamo nga suportaran an Dios hini nga kaso?
9 Magigin maopay ba an resulta kon usisahon niya kamo?+
Lilimbongan ba niyo hiya sugad han iyo paglimbong ha mortal nga tawo?
10 Sigurado nga sasawayon niya kamo
Kon sekreto nga magsasari kamo pagpakita hin paboritismo.+
11 Diri ba an iya mismo dignidad maghahadlok ha iyo
Ngan an kalisang nga iya ginpapahinabo madangat ha iyo?
12 An iyo maaramon* nga mga puplunganon mga darahunon nga hinimo ha abo;An iyo mga depensa* sugad kaluya han mga kuta nga hinimo ha lapok.
13 Pagpabilin kamo nga hilom ha akon atubangan, basi makayakan ako.
Katapos, pabay-i nga mahitabo ha akon an anoman nga mahimo mahitabo!
14 Kay ano nga iginbubutang ko an akon kalugaringon ha peligro*Ngan iginbubutang an akon kinabuhi* ha akon mga kamot?
15 Bisan pa kon patayon niya ako, maghuhulat la gihapon ako;+Ha iya atubangan ipapakita ko nga makatadunganon an akon kaso.*
16 Katapos, hiya an magigin akon katalwasan,+Kay waray maraot nga tawo* nga makakakadto ha iya atubangan.+
17 Pamati kamo hin maopay ha akon pulong;Tagi niyo hin atensyon an akon ginsisiring.
18 Kitaa yana, igin-andam ko an akon kaso;Maaram ako nga husto ako.
19 Hin-o an makikiglantugi ha akon?
Mamamatay ako kon magpapabilin ako nga hilom!*
20 Duha la nga butang an ihatag ha akon, O Dios,*Basi diri ko itago an akon kalugaringon tikang ha imo atubangan:
21 Ipahirayo ha akon an imo mabug-at nga kamot,Ngan ayaw itugot nga malisang ako tungod han kahadlok ha imo.+
22 Tawaga ako ngan mabaton ako,O kon diri, tuguti ako nga magyakan, ngan batona ako.
23 Ano an akon mga sayop ngan mga sala?
Isumat ha akon an akon pagtalapas ngan an akon sala.
24 Kay ano nga igintatago mo an imo nawong+
Ngan gintatagad ako nga imo kaaway?+
25 Magsasari ka ba paghadlok ha dahon nga iginpapalid han hangin
O paglanat ha uga nga dagami?
26 Kay padayon ka nga naglilista hin magbug-at nga mga akusasyon kontra ha akon,Ngan imo ako ginsisirotan tungod han akon mga sala han batan-on pa ako.
27 Imo iginbutang an akon mga tiil ha pandugan,Imo gin-uusisa an ngatanan ko nga dalan.
Ngan imo ginmamarkahan an tagsa nga lutop* han akon mga tiil.
28 Salit an tawo* nadudunot pariho hin butang nga dunot,Pariho hin bado nga ginkutkot hin mga insekto.
Mga footnote
^ O “Magpapakita ba kamo hin pagpaurog ha iya.”
^ O “diri hingangalimtan.”
^ Lit., “An mga bukdo han iyo mga taming.”
^ Lit., “Kay ano nga gindadara ko an akon unod ha akon mga ngipon?”
^ O “kalag.”
^ O “didepensahan ko an akon mga dalan.”
^ O “waray apostata.”
^ O posible nga “Kon may makakahimo hito, magpapabilin ako nga hilom ngan mamamatay.”
^ Lit., “Duha la nga butang an ayaw buhata ha akon.”
^ Ha iba nga lugar, “tiagi.”
^ Lit., “hiya,” posible nga nagtutudlok kan Job.
